Nehemi 12:30 - Yálá laawoo hɛɓɛ (dc)

³⁰ Ɉaláá la həli nuą da Levi huwuhu nuą di di mąąhəɠə, di nɔi lonnii mąąhəɠə, da gbonŋąą, da ɉį́i.

Yálá laawoo hɛɓɛ

³⁰ Ɉaláá la həli nuą da Levi huwuhu nuą di di mąąhəɠə, di nɔi lonnii mąąhəɠə, da gbonŋąą, da ɉį́i.

Bible

³⁰ Zâla láa soŋ-ƃelai da Liiva-ŋai dí sâla kùla díkpîŋ maa-waa mɛni ma, ǹûai, ziɣãŋ-ŋai lá, da daa-lêei ŋɔsiɣãŋ.

Nehemi 12:30 ပူးပေါင်းရင်းမြစ်များ

Zɛnɛse 35:2

Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Kɔlɔnikɔ Maa-ŋuŋ 15:14

Ɉaláá laa həli nuą da Levi huwuhu nuą, di di mąąhəɠə kɛa, ə gɛ də li di pa a Yai-Laa Israɛlə nwɔ Yálái nwɔ mįnɛ̨ kəhii.

Kɔlɔnikɔ Veerɛi 29:34

Yɛ bələi ɉaláá laa həli nuą di hvo kɛ tamą li la, di hvo ɉaláái da gəlee kələn, di hvo gəlee kɔ́lɔɓo, di kaayɔwɔɠaa a Levi lonnii di kpɔnmąą tɛɛ di pɔ, ə lɛɛ la ɉu di goló laa kulɔ, ɉaláá laa həli nuą kpɛa-kpɛaa di di mąąhəɠə. Levi lonnii di di mąąhulɔ di mąąhəɠə mɛ̨nį hu ə tɛɛ la ɉaláá laa həli nuą kpɛa-kpɛaa diɛ.

Kɔlɔnikɔ Veerɛi 29:5

Yɛ diɛ: «'Ka ká wəli tɔɔ nwóó ɓa, Levi lonnii! Yii hu, 'ka ká mąąhəɠə, 'ká Yai-Laa, ká nąnni di wɔ Yálái ŋą pɛlɛ́i mąąhəɠə. 'Ka mąąluɠu hɛn gəlee kulɔ gɛɛnąą mąąhəɠɛɛ ɓa.

Ɛsdrasə 6:21

Israɛlə lonnii kəlee di pakə kɔ̨nɔ̨n mįi, ə mą kɛ nuąi kulɔ nuwɔ laa hu di pa, di pa di kaayɔwɔɠaa pɔ, ə mą kɛ nuą di yee kulɔ hali mɛ̨nį hu, da diɛni diɛ kwɛli hvilɛn Yai-Laa Israɛlə nwɔ Yálá ɓa.

Nehemi 12:29

ə həɠə Bɛtə-Gilgalə da Gɛva da Azmawɛtə ɲeakɔɔɠaa hu, mąąhɔlɔɓo, nwələ too nuą daa kɛ di wɔ taaɠaai tɔɔ Ɉerusalɛmə taa kwɛlɛ.

Nehemi 13:22

Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Nehemi 13:30

Ŋą́ di mąąhəɠə, ŋį́ nwɛ̨ą kulɔ di lɔwai, ŋį́ pənə ŋį́ ɉaláá laa həli nuą da Levi huwuhu nuą hee di kɛ koló nwun na, nu kəlee da gɛ koló.

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Lɛɛ gbɔwɔ ɓa 19:15

Yɛ nuą diɛ: «Gɛɛ hvóló haaɓa hvo tɛɛ, mąąnɛ̨ɛ̨, ka mąą mɛ̨nį kəlee ə kɛ a bɛliɛ ɉu, nu ta hvo laa nɛ̨ą kwɛlɛ.»

Hebreu 5:1

Ɉaláá laa həli mun gɛnɛ̨ɛ̨ lɔpee di kɛi ɉəɠə, da ɉəɠə kɛ nu kanŋaa lɔwai, di ɉee nu kanŋaa mąą mɛ̨nį ɓa, yɛ di mąą mɛ̨nį laa həli Yálá ɓa. Nwɔɔ mąą tíi ɓaa, ə Yálá kɔ hɛn naa həli, ə nɛ̨ŋɛ̨nŋaa mąą haláá kulɔ.

Hebreu 5:3

ɛlɛɛ, yili mąą mɛ̨nį ɓa, hvo kɛli, ə gbɔwɔ mąą haláá kulɔ, yɛ bələi a nɔi lonnii mąąhaláá kulɔ la, di wɔ nɛ̨ŋɛ̨nŋaa mąąhvaalɛɛ mɛ̨nį ɓa.