Nehemi 12:27 - Yálá laawoo hɛɓɛ (dc)

²⁷ Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Yálá laawoo hɛɓɛ

²⁷ Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Bible

²⁷ Dí kɛ́ɛ pâi Zerusâlɛŋ siɣãŋ tɛɛ̂i Ɣâla pɔ́i, dí Liiva-ŋai kélee kùla ƃɛ́ɛ-ŋai díkɛ̀ a séɛɛ naai dí pá a dia Zerusâlɛŋ. Dí pà a dia a gɛɛ da kɛ̀ ziɣãŋ tɛɛ̂i Ɣâla pɔ́, díkɛ ǹii-nɛ̃ɛ kuláai su, díkɛ sɛɣɛ-fêi tɛ̀ɛ Ɣâla pɔ́ a wule-ŋa tóɔɔ, díkɛ nyɛ̃ɛ-yɛ̃ŋ-ŋa da kɔnîŋ-ŋa ɣàle.

Nehemi 12:27 ပူးပေါင်းရင်းမြစ်များ

Samia Veerɛi 6:12

Nuą di pa, di mo tɔɔmun Davidə ɓa, diɛ mą: Yai-Laa aa lúwɔ́ too Ovɛdə-Edomə nwɔ pɛlɛ́i ɓa, da ɲəi bɛlɛ́n ɉɛnŋaa kəlee, Yálá nwɔ kəhii mąą mɛ̨nį ɓa. Davidə ə muhəɠə ə li Yálá nwɔ kəhii həɠə mɛ̨nį ɓa Ovɛdə-Edomə yəi bɛlɛ́n, yɛ paa la Davidə taa a kwəinɛ̨ɛ̨.

Tɔɔɓɛlaa dɔlɔɔ 8:63

Salomɔn ə: Nįŋɛ̨ waa pow hveelɛ kɔ́w hveelɛ, ɓooli, da ɓɛlaa waa nwun dɔ̨nɔ̨ ɲee hveelɛ kulɔ a ponaa kulɔ haláá Yai-Laa ɓa. Bələ ɓə Salomɔn da Israɛlə nuą kəlee di Yai-Laa nwɔ pɛlɛ́i laa ɓo hɛli pu la.

Kɔlɔnikɔ Maa-ŋuŋ 13:8

Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.

Kɔlɔnikɔ Maa-ŋuŋ 15:12

Ə mo diɛ yɛ diɛ: Kaai ɓaa Levi huwuhu nuą nwun nąmįną, 'ka ka mąąhəɠə, ka ká yəi bɛlɛ́n nuą kəlee, yili pulu, ka li ka Yai-Laa Israɛlə nwɔ Yálái nwɔ mįnɛ̨ kəhi həɠə, ka paa la ɓɛi ŋį́ nąą pɛli a nwɔɔi.

Kɔlɔnikɔ Maa-ŋuŋ 15:16

Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Kɔlɔnikɔ Maa-ŋuŋ 15:4

Ə ɉaláá laa həli nuą ɲąąkpɔn, diɛi a Aarɔn lonnii, da Levi huwuhu nuą;

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Kɔlɔnikɔ Maa-ŋuŋ 16:5

Di nwun nąmu Asafə da ɉee gwɛlɛmun Ɉekaria, yili pulu, Aziɛlə, Semiramotə, Yeriɛlə, Matitia, Eliavə, Benayahu da Ovɛdə-Edomə; Yériɛlə ɓə gwɛnįnŋąą da bɛlɛgwəi gwɛnįnŋąą ə kɛ ɲəi, Asafə ɓə kɛi náloɠaa yɔw.

Kɔlɔnikɔ Maa-ŋuŋ 23:5

Di nu waa nąąn ɉəɠə, di di kɛ a bɛlɛ́ laaləi mɛ̨ikaa nuą, di nu waa nąąn ɉəɠə ɉu, diɛ Yai-Laa mąątɛ̨nɛ̨ a hvɛli kɛ hɛnŋąą, diɛi ɲą́ą́ Davidə, ŋį́ pɛli a mąątɛ̨nɛ̨ kɛ hɛn.

Kɔlɔnikɔ Maa-ŋuŋ 26:31

Hebrɔn nuą di wɛi, Yeriya ɓə kɛ a dɔɔmun, Hebrɔn nuą tii lɔ, di ɉu pili, ə həɠə kpɔ di kalaɓɔlɔni diɛ, ə həli la gwɛlan bow nąąn Davidə ə gɛ dɔɔlaa hu mą, di laa ə kɛ lɔ kpakolo kɛɛnąąɠaa ɓa. Diɛ ɓaa a: Yazɛrə da Galaadə.

Kɔlɔnikɔ Veerɛi 29:25

Tɔɔmun ə Levi lonnii hee Yai-Laa nwɔ pɛlɛ́i mu a hvɛli woo: talanənŋąą, gwɛnįnŋąą, da bɛlɛgwəi gwɛnįnŋąą; yɛ bələi Davidə ə mo la da Gadə, da tɔɔmun ŋą kwɛlɛɛn gɛɛ kaamun, ɛlɛɛ, Yálá kwəi mɛ̨nį hukulɔ mun Natan. Mąąhɔlɔɓo, Yai-Laa ɓə gwəi mɛ̨nį tí a mɛ̨nįi tii diɛ mo.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Kɔlɔnikɔ Veerɛi 5:13

Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.

Kɔlɔnikɔ Veerɛi 7:6

Ɉaláá laa həli nuą di kɛ tɔɔni di tɔɔi. Yai-Laa ŋą hvɛliɠaai di kɛ léviɠaa yəi, a vɛliɠaai tii Davidə ə di pɛlii Yai-Laa mąąwiɛ mɛ̨nį ɓai. Mąąhɔlɔɓo nwɔ wɛlikɛmąąlaa ɲɛ̨n və mą. Ɓɛlɔwai kɛ Davidə a kɛli mo la léviteɠaa diɛ diɛ Yálá mąątɛ̨nɛ̨i, ɉaláá laa həli nuą di kɛ tɔɔnįn di kwɛlɛ diɛ dulú hvɛɛ, ɛlɛɛ Israɛlə nuą kəlee di kɛ tɔɔnin.

Ɛsdrasə 6:16

Israɛlə lonnii, ɉaláá laa həli nuą, da Levi lonnii, ə mą kɛ nuąi ŋɛ̨i həɠə luwɔlaa hu, di Yálá hee pɛlɛ́ laa ɓo hɛli pu kwəinɛ̨ɛ̨ hu.

Nehemi 11:20

Israɛlə nuą kpəliɠaa da ɉaláá laa həli nuą, da Levi huwuhu nuą gbəli, nu kəlee ə kɛ heeni daaɠaa hu di nąn ni kwɛlin ŋąą mɛ̨i.

Nehemi 12:43

Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Nehemi 8:17

Nuą kəlee, diɛi kpɔ tii həɠə nuwɔ laa hu, di kələɠaa tɔɔ di lɔ mu. Ya pa, ə həɠə Nun lon Ɉosue nwɔ hvólói ɓa, ə həli la ɲələi tii ɓa, Israɛlə nu huwu di hvo ta kɛ da kɛ li tii. Ə kɛ a kwəinɛ̨ɛ̨ kɛnɛ̨.

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 30:1

Nwələi di doo a ɲələi di kɛi lúwɔ too la Davidə nwɔ pɛlɛ́ ɓa.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 20:5

Nɔi mąąkpɛ nuą kaa pai nwooi ŋɛ̨i ɓoi nuą diɛ, diɛ kɛ diɛ: «Gbɛɛ ɓə aa pɛlɛ́ nįnɛ̨ tɔɔ, ɛlɛɛ, hvo ni lɔ li mu? Mąą nu ə yali bulu ə li bɔɔli; əgɛ, hvo pa li haa gɔ́ ɓa, nu takpɛli yɛ lɔ ɲəi bɛlɛ́n.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.