Nehemi 12:24 - Yálá laawoo hɛɓɛ (dc)

²⁴ Levi huwuhu nuą ɲɛ̨itɔwɔ nuą ka: Hasavia, Serevia da Kadmiɛlə lon Yesua, ə lɛɛ, di nąn nonnii ŋɛ̨i kɛi nwələ muhon di ɲɛ̨itɔwɔ, yɛ pələi Yálá nwɔ nu Davidə ə mo la, nu kəlee da nwɔ hvóló, Yálá mąątɛ̨nɛ̨ mɛ̨nį da ɉɛɠɛɛ ɓo mɛ̨nį ɓa.

Yálá laawoo hɛɓɛ

²⁴ Levi huwuhu nuą ɲɛ̨itɔwɔ nuą ka: Hasavia, Serevia da Kadmiɛlə lon Yesua, ə lɛɛ, di nąn nonnii ŋɛ̨i kɛi nwələ muhon di ɲɛ̨itɔwɔ, yɛ pələi Yálá nwɔ nu Davidə ə mo la, nu kəlee da nwɔ hvóló, Yálá mąątɛ̨nɛ̨ mɛ̨nį da ɉɛɠɛɛ ɓo mɛ̨nį ɓa.

Bible

²⁴ Tãi Asabiya, Seribaya, Zasua, Bɛnui da Kamiɛɛ ni díkɛ̀ la a Liiva-ŋai láa túɛ-ƃelai, dí Liiva-ŋai pù díkpulu ma a tɛ̀ɛ-ŋa. Da kâa ǹúu-kpulu-ŋai veerɛ kùla a tãi tɔnɔ a gɛɛ dí kɛ́ laa maa tɛ̂ tɛ̀ɛ Ɣâla pɔ́ díkɛ zɛɣɛ̂i fè, yɛ̂ɛ berei Gâloŋ Deeƃé è wɔ́lɔ bɔ̃yɛ a gɛɛ díkɛ gɛ̀ lai.

Nehemi 12:24 ပူးပေါင်းရင်းမြစ်များ

Tɔɔɓɛlaa dɔlɔɔ 17:24

Nɛ̨ɛ̨nui yɛ Eli ɓa: «Ŋą́ą́ gbaɠala kaa kɛa gbalo mɛ̨nįi ŋɛ̨i pɔ pələ, gɛ́, Yálá nwɔ nu ɓaa a yɛ́. Ɛlɛɛ, mɛ̨nįi ya mo a Yai-Laa laa, tɛ̨ą li.»

Kɔlɔnikɔ Maa-ŋuŋ 16:4

Davidə ə Levi lonnii taɠaa hee Yai-Laa nwɔ mįnɛ̨ kəhi nwɔ tíɓo ɓa, əgɛ, diɛ Yai-Laa Israɛlə nwɔ Yálái mąą hɛli pu, diɛ mąątɛ̨nɛ̨.

Kɔlɔnikɔ Veerɛi 8:14

Salomɔn ə ɉaláá kulɔ nuą heekpəlin na kɛ, di wɔɔ kolóɠaa hu, yɛ bələi nąn Davidə ə mąą tɔ́n naa la: Levi lonnii, nu kəlee nwɔ kuu ə kɛ mą, diɛ Yálá mąąwiɛ, diɛ di mąą kolóɠaa kɛ ɉaláá kulɔ nuą yee mu. Bɛlɛ́ laaləi nuą, nu kəlee da dɔɔi bɛlɛ́ laaləi tɛitɛi kəlee ɓa. Hvó gaai, bələ ɓə Davidə Yálá nwɔ nu ə mo la.

Ɛsdrasə 2:40

Levi huwuhu nuą, Yesua lonnii, da Kadmiɛlə, diɛi ɓaa Hodawia lonnii di kɛ a nu pow mɛ̨ihveelɛ kɔ́w nąąn (74).

Nehemi 11:17

Matania nąn mąą: Mika, yili nwɔ nąn mąą: Ɉavdi, yili nwɔ nąn mąą: Asafə yaai nwələ toɔ mąą la tɛɛ kɛ bɔ, Matania ɓə vɛli ɓo woo ɓoɔ kɔ́wɔ tɔɔ nąąlɔwai; da Matania nəɠə Bakbukia, da Samua lon Avda, yai kɛ a Galalə lon, a Yedutun lon.

Nehemi 12:23

Levi lonnii ŋɛ̨i kɛ a pɛlɛ́ nąmįną, di di laa pɛ̨ɛ̨ nɔi hɛɓɛ́ hu, ə lɛɛ ɉu ə həli la Ɛliasivə lon Yohanan nwɔ lɔwai ɓa.

Nehemi 12:36

da gaayɔwɔɠaa Semaya, Azarɛlə, Milalai, Gilalai, Maai, Netanɛlə, Yehuda, Hanani, Yálá nwɔ nu Davidə nwɔ hvɛli kɛ hɛnŋąąi di ɓo di yəi, ɉaláá la həli mun Ɛsdrasə ɓə kɛ di ɲɛ̨itɔwɔ.

Nehemi 8:7

Yesua, Bani, Serevia, Yamin, Akuvə, Sabtai, Hodiya, Maaseya, Kelita, Azaria, Yozavadə, Hanan, da Pelaya, di kɛ a Levi huwuhu nuą; di kɛ dɔ́n nwoo hukulaa lɛ nuą diɛ, ɛlɛɛ, nuą di kɛ tɔɔni gwəli hąą.

Nehemi 9:4

Yesua, Bani, Kadmiɛlə, Sevania, Buni, Serevia, Bani, da Kenani, di tɛ, di tɔɔ Levi lonnii di wɔ gbatalai ŋą, di tomą Yai-Laa di wɔ Yálá pɔ.

Dutɛrɔnome 33:1

Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 3:17

ə gɛ Yálá nwɔ nu, ə mɛ̨nį lɛlɛɛ huwu kəlee kɛi.

Zasua 14:6

Ɉuda nu huwu di pa di Ɉosue kaa Gilgalə, Yefune lon Kalɛbə, yii kulɔ Kenizi pɛ́lɛ́i mu, yɛ Ɉosue ɓa: «Mɛ̨nįi Yai-Laa ə mo Yálá nwɔ nu Moisə ɓa Kadɛsə-Barnea, yɛ hvilɛn na gwa yɛ́ guɔ, gbaɠala kaa yɛ́.