Nehemi 10:37 - Yálá laawoo hɛɓɛ (dc)

³⁷ Ə mą kɛ ku lon ɉinąą dɔlɔɔɠaa, da ku wɔ taatɛlɛɛɠaa lonnii ɉilɛ tɔlɔɔɠaa, gbɛa-kpɛa mąn da bɛlɛɛ pɛlɛɛ mąn, mąąnɛ̨ɛ̨ ku pa a diɛ ku wɔ Yálái yəi bɛlɛ́n, ɉaláá laa həli nuąi tii ku wɔ Yálái yəi bɛlɛ́n, di pɔ yɛ pələi dɔ́n ɉɛɓɛ́ ə mo la.

Yálá laawoo hɛɓɛ

³⁷ Ə mą kɛ ku lon ɉinąą dɔlɔɔɠaa, da ku wɔ taatɛlɛɛɠaa lonnii ɉilɛ tɔlɔɔɠaa, gbɛa-kpɛa mąn da bɛlɛɛ pɛlɛɛ mąn, mąąnɛ̨ɛ̨ ku pa a diɛ ku wɔ Yálái yəi bɛlɛ́n, ɉaláá laa həli nuąi tii ku wɔ Yálái yəi bɛlɛ́n, di pɔ yɛ pələi dɔ́n ɉɛɓɛ́ ə mo la.

Bible

³⁷ Kwa pâi pâi a kúsama-sãai ŋí zâla láa soŋ-ƃelai pɔ́ tíi kɛ̂i Kúɣâlai ŋɔpɛ́rɛi mui. Dia ƃa kúfilaƃa-fũa lɛ́lɛɛ-ŋai maa-ŋuŋ-ŋai, kúsi-sãai m̀á maa-ŋuŋ-ŋai, kúŋwã̂ai da kúɔle-wulɔ ninai. Daa-ŋai kwa kpalaŋ ŋá tii kɛ̂i zu a tɛ̀ɛ-ŋai, kwa pâi kúsi-sãai buu ɣelei kulâi ǹaa kú dɛ̀ɛ Liiva-ŋai pɔ́. Zãâi ŋí kula mɛ̂ni káa a Liiva-ŋai maa mɛni.

Nehemi 10:37 ပူးပေါင်းရင်းမြစ်များ

Kɔlɔnikɔ Veerɛi 31:6

Israɛlə da Ɉuda nuąi kɛ heeni Ɉuda daaɠaa hu, diɛ kpɛli di pa a di wɔɔ taatɛlɛɛ kpɛa-kpɛaa da bɛlɛɛɠaa bow nąą, da haláá hɛnŋąąi naakwɛlanmoɔ Yai-Laa di wɔ Yálái ɓa; di paa la di gbulu tɔɔ kpɔ tamąą.

Nehemi 13:10

Di mo nwɔ̨nɔ̨ mą́ą́, diɛ: hɛn kɛ a Levi huwuhu nuą di wɔɔ, di hvo kɛi dɛɛ di pɔ, ə lɛɛ, nwələ too nuą kɛi koló kɛ, daa kɛ pu, nu kəlee aa li bɔ taai.

Nehemi 13:12

Nąąlɔwai ɓə kɛa, Ɉuda nuą di kɛi paa la a di wɔ mɔ̨nun ɉeen bow nąą da nɔɔ nįnɛ̨, ə mą kɛ, nwulɔ nįnɛ̨; diɛ pa diɛ ɉee ɓɛi mąąnɛ̨ɛ̨ di ɉee laa.

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Nehemi 13:9

Yili pulu, ŋą mo, gɛ́ diɛ: «Ka Yálá nwɔ pɛlɛ́ɠaa mąąhəɠə, ŋį́ mo di pa a Yálá yəi bɛlɛ́n ɉɛnɲąŋąɠaa, gɔɓo hɛnŋąą da lansan.»

Lɛɛ gbɔwɔ ɓa 13:12

Ka lon ɉinąą dɔlɔɔɠaa kəlee tɛɛ Yai-Laa pɔ, ə mą kɛ a ka yəi taatɛlɛɛ lon dɔlɔɔɠaai a ɉilɛ, nwɔɔ li.

Lɛɛ gbɔwɔ ɓa 13:2

«Lon ɉinąą dɔlɔɔɠaa kpɔ Israɛlə nuą kaa pai ɉɔlɔɓoi, da di yəi taatɛlɛɛ non dɔlɔɔɠaa kəlee, ka bili gee mɛ̨i, di kɛ a nwɔ́ɔ́.»

Levetekɔ 23:17

Ɓɛi lɔpee ka kɛ laa heeni, ka pa a lɛɠɛ mɔnŋąą hveelɛ, dɛitɛi kəlee pɛliɛ a gəgən ɉu haaɓa lɛɠɛ hunwɔ̨, dɛ hɛn yɛ ɓo ɉu. Ka wɔ hihɛnŋąą mɛ̨ikɔw li, a Yai-Laa nwɔɔ.

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Malasi 3:8

Gáá ka woo pulu pənəi: Akɛtii, nu a pɛli Yálá ɓowoi? Kɛlɛi, ka kɛ mówoi! Kaa kɛ mą: «Lə mɛ̨nį ɓə ku ə́ ɓowo ɉu?» Yii ká kɛ mówoi ɉu, ya ka: Ka wɔ hɛn bow nąą kulɔ pələ ɓə ká mówo ɉu, da ka wɔ Yálá kɔ́ hɛn dɛɛ pələ hu.

Lonon mo 18:15

Lon dɔlɔɔ kəlee, kaa a Yai-Laa nwɔɔ, ka paa la bɔ; yɛi kɛ a taatɛlɛɛ, yɛi kɛ a nu kan. Kɛlaa, yá mo di nu lonnii dɔlɔɔɠaa nwun mąąɓo. Taatɛlɛɛɠaai tɔ́n gaa diɛ, ə́ di lon dɔlɔɔɠaa nwun mąąɓo.

Lonon mo 18:18

Ɉuwɔ a lɛɛ a ə́ wɔɔ, yɛ bələi gəŋəi da naa həli mą́ą́ da mamįiyee wəla di kaa la a ə́ wɔɔ.

Lonon mo 18:21

«Levi lonnii di wɛi ka: Hɛn lɔpee pai hɔlɔɓoi Israɛlə lɔi hu, bow nąąi da gulɔ a Nįįhɔ̨nwɔ̨; yili ɓə gáá dɛɛi Levi lonnii pɔ a gee kaa kələ mąą kólóɠaai da gɛ mąą hvɛla.

Lomaŋ 11:16

Da hɛn nįnɛ̨ kulɔ Yálá ɓa, gbəli kəlee kaa a nwɔɔ. Wulu ɉamu a kɛ a Yálá nwɔɔ, nwulu nąą kəlee kaa a nwɔɔ.

Dutɛrɔnome 14:22

Hɛn lɔpee ka káá pai ɉin ɉii ka pɔ yɛa kwɛlan dɛi tɛi yee mu, ka bow nąą tɛɛ Yai-Laa ka wɔ Yálái pɔ.

Dutɛrɔnome 18:4

Hɛn nwɔ̨nɔ̨ ka dɛɛ di pɔ, ya ɓaa: ka wɔ hihɛn dɔlɔɔɠaa, yɛ bələi, mɔ̨nun gaa la, da ka wɔ lɔɔ nįnɛ̨, ka wɔ wulɔ nįnɛ̨, ə mą kɛ, ka wɔ ɓɛlaaɠaa, nəɠa dɔlɔɔɠaa ka mɛ̨i tee, ka nəɠa tɛɛ di pɔ.

Dutɛrɔnome 26:2

ka wɔ hihɛnŋąą má dɔlɔɔ-tɔlɔɔɠaa ka ɉɔlɔɓo nɔi tii hu, yai Yai-Laa ka wɔ Yálái ə dɛɛ ka pɔ, ka da həɠə ɉu ka gbili kɛ; ɓɛi Yai-Laa ka wɔ Yálái kaa pai ɲeekpiɛ lɛi laa, yɛ naa hee mą; ka li la laa.