Nehemi 10:31 - Yálá laawoo hɛɓɛ (dc)

³¹ Yii gaa tii ku hvo kɛa pai ku lonnii nɛ̨ą tɛɛi nɔi hu nuą pɔ, ə lɛɛ, ku hvo pai di lonnii nɛ̨ąą həɠəi a ku lon ɉinąą di nɛ̨ąni.

Yálá laawoo hɛɓɛ

³¹ Yii gaa tii ku hvo kɛa pai ku lonnii nɛ̨ą tɛɛi nɔi hu nuą pɔ, ə lɛɛ, ku hvo pai di lonnii nɛ̨ąą həɠəi a ku lon ɉinąą di nɛ̨ąni.

Bible

³¹ Kúfe pâi pɔni tɔɔ̂i núu da kélee yêei a Vii-tɔɔ-ɣelei da Ɣâla ŋɔɣele maa wáa da kpɛ́ni-ŋai. Dɔ̂ŋ nyii m̀o a gɛɛ ǹɔii é víi tɔ́ɔ a góraŋ ǹɔ́ɔlu mɛi feerɛi, kwa pâi maa tɔ̂ŋ mɛi kâai. Kúfe pâi kpâlaŋ ŋá tii kɛ̂i a maa kôraŋ tí. Diai kélee kúkpa káa dîai, kwa pâi kúyee kulâi maa kpa-ŋai tí su a góraŋ tí.

Nehemi 10:31 ပူးပေါင်းရင်းမြစ်များ

Kɔlɔnikɔ Veerɛi 36:21

Bələ ɓə, nwoo ŋɛ̨i Yai-Laa ə mo Ɉeremi laaləi, naa ə hon na; a yaai ə kɛ mą: «Ə lɛɛ ɉu nɔi ə vįitɔɔ a vįitɔɔ yələ, diɛ vįitɔɔ yələ pɔ mɛ̨nį kɛ di wɔɔ mąąwɛli hvólóɠaa kəlee yee mu, yaai gəlee pɛlɛɛ gee ɓa gaa a kwɛlan bow mɛ̨ihveelɛi.»

Nehemi 13:23

Ɲələi tii ɓə nwɔ̨nɔ̨, ŋį́ Ɉuifəɠaa kaa la, diɛi Asdɔdə, Amɔn da Moabə nɛ̨ąą həɠə la a di nɛ̨ąni;

Nehemi 13:27

Kaa kpɛli mąn, akɛti, mąąnɛ̨ɛ̨ kɛ ka nwoo kulɔ ŋą nɛ̨ŋɛ̨n tii ta həɠə, kaa nwɛ̨ą nɛ̨ąą həɠə a ka nɛ̨ąni?»

Lɛɛ gbɔwɔ ɓa 12:16

Vóló dɔlɔɔ yələ, da vóló mɛ̨ihveelɛ yələ, ka ka ŋąąkpɔn Yálá líí la. Vólóɠaa ti yee mu, kóló lɔpee ta hva kɛ, hvo kɛ li lɔ, kɔ̨nɔ̨n mąąnɛ̨ɛ̨ ka mįi, yili mɛ̨nį.

Lɛɛ gbɔwɔ ɓa 20:10

Kɛlaa, voló mɛ̨ihveelɛ yələ, hvįįtɔɔ yələ li, Yai-Laa ə́ wɔ Yálái nwɔɔ li. 'Hva kólói lɔpee ta kɛ a mąą yələ, ə kɛ a yɛ́ kpinįi, ə kɛ a ə́ lon ɉulɔnu, ə kɛ a ə́ lon nɛ̨ɛ̨nu, ə kɛ a ə́ wɔ luwɔ hilɛ da ə́ wɔ luwɔ nɛ̨ą, da ə́ yəi taatɛlɛɛɠaa, ə mą kɛ nwɛ̨ąi gaa ə́ yəi bɛlɛ́n.

Lɛɛ gbɔwɔ ɓa 34:16

Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Levetekɔ 23:21

Voló tɔ̨nɔ̨i tii yee mu, ka nuą təli, ka ka ɲąąkpɔn mą́ą́wiɛ mɛ̨nį ɓa, ka hva kóló lɔpee ta kɛ a mąą yələ; yili kaa a ka wɔ yɛnɛ̨ɛ̨ kɛ pələ ta, kwɛlan gəlee mɛ̨nį li, ɓɛi lɔpee ka kɛ laa heeni, hva ɉəɠə mą.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Maafîu 6:12

Ku kɛ nɛ̨ŋɛ̨nŋąą mąąhvaalɛɛ, yɛ bələi yiiɠaai da ɓaɠa ɓo kuɔ kwa di mąąhvaalɛɛ la.

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.