Nahumə 3:18 - Yálá laawoo hɛɓɛ (dc)

¹⁸ Asiri tɔɔmun, ə́ wɔ ɲɛ̨i tɔwɔ nuąi kaa yii, ə́ wɔ kɔ́kulááɠaai di kaa lɔ kɛɛnąą tɔ̨nɔ̨, ə́ wɔ nuąi taɠa taɠaai ɲeeɠaa nwuɔ̨, nu hvo mą yii ə di lɛɠɛ di kee ɓa.

Yálá laawoo hɛɓɛ

¹⁸ Asiri tɔɔmun, ə́ wɔ ɲɛ̨i tɔwɔ nuąi kaa yii, ə́ wɔ kɔ́kulááɠaai di kaa lɔ kɛɛnąą tɔ̨nɔ̨, ə́ wɔ nuąi taɠa taɠaai ɲeeɠaa nwuɔ̨, nu hvo mą yii ə di lɛɠɛ di kee ɓa.

Bible

¹⁸ Óo Asiria kaloŋ, ílɔii-kpîniŋ mɛi káa-ƃelai da saa. Inuu kpaya-kpayai díkaa nyiî wɔ́lɔ-wɔlɔ da wɔ́lɔ-wɔlɔ. Ínûai táa-taai ǹyée-ŋai su, núu da fé naa é pá a dia ŋɔ́nɔ pôlu.

Nahumə 3:18 ပူးပေါင်းရင်းမြစ်များ

Tɔɔɓɛlaa dɔlɔɔ 22:17

Nąąlɔwai, Mise ə mo kɛa, yɛ diɛ: «Ŋą́ Israɛlə nuą kaa, di taɠa taɠa ɲeeɠaa ɓa, yɛ ɓɛlaaɠaai di mɛ̨imun və mą. Yai-Laa yɛ diɛ: ‹Di nąmu hvo kɛa diɛ, di pənə kani di li nu kəlee ə hee ɲəi bɛlɛ́ laaləi.›»

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Azaya 13:14

Nąąlɔwai tii kɛa, nu kəlee kaa pai lii nwɔ nuą pɔ, nu kəlee yɛ pu yɛ li nwɔ lɔi pɔ pələ, diɛ laŋin yɛ lomąi di kaa gbɛi, yɛ taatɛlɛɛ kpului ɲąąkpɔn mun və mą.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Ɉeremi 50:18

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálái yɛ diɛ: Gáá heei Babilonə tɔɔmun ɉu, da nwɔ lɔi, yɛ bələi ŋį́ hee la Asiri tɔɔmun ɉu.

Ɉeremi 51:39

Hvɛ́nɛ̨ aa di yɔwɔ, gáá kɔ̨nɔ̨n bili diɛ, gáá lɔɔ tɔɔi di la, yɛ di yee kulɔ di mu, diɛ yíi, a yíi ɲɔ̨nwɔ̨mąn, kpɛɛ hvo mą, di hva kɛa pənə di hvo nwun. Ɲą́ą́ Yai-Laa nwóó li.

Ɉeremi 51:57

«Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

M̀ɛni-lɛɛi 6:15

hééɓolaaɠaai lɔi mɛ̨i, nu kpɛa-kpɛaa, kɔlaɠa nwun nąmįną, hɛn gɔw nąmįną, ɛlɛɛ, da hvaŋą nąmįną, luwɔɠaa, ɛlɛɛ, nuąi di kpɔwɔ yee kɔnmą, di kɛli di loo kwɛni woloɠaa hu, ɛlɛɛ, kwɛniɠaa lɔwai ɲeeɠaa ɓa.