Mise 7:9 - Yálá laawoo hɛɓɛ (dc)

⁹ Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Yálá laawoo hɛɓɛ

⁹ Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Bible

⁹ Kwa sɔnyɔ̂ŋ kɛ́ a Yâwɛɛ ǹyaŋ fɛ̂ɛ kú kúyee sée ŋɔtɔŋ-kpɛ-maai mu a tãi kpua. Kɛ́lɛ gbɛɛ-ŋai, a pâi kúmaa kɔ̃ɔ̂i é m̀ɛni nyɔ́mɔɔ-ŋai su-too nyii kɛ̂i a kúai. A pâi pâi a kúa kwaa ponoɔɔ ma, ǹyaŋ kwa pâi lɛɛ̂i ɣele ma é lɛ́ɛ zu é kú ŋuŋ-ma ƃó.

Mise 7:9 ပူးပေါင်းရင်းမြစ်များ

Samia Veerɛi 24:17

Malakai ŋɛ̨i gɛɛ kala nɔi, gaai Davidə ə mo, ə mo Yai-Laa ɓa, yɛ mą: «Ɲą́ą́ ɓə nɛ̨ŋɛ̨n ɉəɠə, ɲą́ą́ ɓə túwɔ́ pələ ɲɔ̨n gulɔ; kɛlaa, mąąwɛli nuą ŋɛ̨i, di wɔ nąą ɓaa lə? Ɲą́ą́ kwa nwɔ́ pɛlɛ́i mu nuą ɓə mąąnɛ̨ɛ̨ ə́ ə́ ɲɛ̨i ɲɔ̨nwɔ̨ɔ̨ hee kuɔ.»

Zôo 23:10

Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Zôo 35:14

Kɛlaa, yá ə́ liikpələ, yɛ́ kɛ diɛ hva gaa, yɛ́ diɛ; yáá ə́ mąą mɛ̨nį kəlee hukulɔ mą, ə́ kaa kɛa nąą mąąkpɔn ɉii.

Mąątɛ̨nɛ̨ 119:154

Mą́ą́ mɛ̨nį ɲɛ̨i kulɔ, nwún mąąkɔ̨nwɔ̨, ə́ woo too ɉu, əgɛ ŋą́ pənə ŋą́ too nwúnų kɔ́lɔi, yɛ bələi ə́ naakwɛlanmo la mą́ą́.

Mąątɛ̨nɛ̨ 37:6

Gaa pai ə́ wɔ tɛ̨ą mɛ̨nį tooi pɔ̨nɔ̨ ŋą, yɛ yələ ɓɔi, ə́ wɔ tələnmolaa a lɛ a hvóló ɲą ɉe-ɉe.

Mąątɛ̨nɛ̨ 43:1

Yálá, mą́ą́ tɛ̨ą ɓo, nwún mąą kɔ̨nwɔ̨, nuąi di ɲɛ̨iyá hvo di hu, di yəi, gúlɔ, nui a nwoo kala, da ɲɛ̨nimun di yəi.

Mąątɛ̨nɛ̨ 7:6

Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Mąątɛ̨nɛ̨ 94:15

Di kaa nwɔ̨nɔ̨ pai kiti teei a tələnmolaa, nuąi kpɔ tələnmo kili kaa diɛ, diɛ di yíi pələ kɔ́ɔn mą.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Azaya 42:7

Yɛ́ ɲɛ̨ipu nuą ɲɛ̨i hvólóon, yɛ́ gaho nąmįną kulɔ di wɔ gahoi ŋą, nuąi kpinį pɛlɛ́ mu kpono ŋą, yɛ́ di kulɔ laa.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Azaya 56:1

Yai-Laa woo ka, yɛ diɛ: «'Ka hiɛ a ɉaŋąą, ka tələnmo yii ɓo, mąąhɔlɔɓo, nwɔ́ ɓalo mɛ̨nįi pa hiɛ li, nwɔ́ tələnmolaai yɛ pa kulɔi pɔ̨nɔ̨ ŋą.

Ɉeremi 10:19

Ə́ kə néé! Lə mɛ̨nį ɲąą nwąnąą ɓəi! Mɛ̨nįi aa gáá, ɉalə hvo mą. Ɲą́ą́i kɛi kɛ diɛ: Mɛ̨nįi ŋɛ̨i naa mą́ą́ hvo walawala li, bɛliɛ mu.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Ɉeremi 51:10

Yai-Laa aa gu nwun mąąɓo mɛ̨nį kulɔ pɔ̨nɔ̨ ɲą. 'Ka pa gu Yai-Laa gu wɔ Yálái kɛ mɛ̨nį hukulɔ Siɔn.

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Levetekɔ 26:41

Ɲą́ą́n gɛ́ tɔɔ di la, gɛ́ li a diɛ di yowoɠaa di wɔ lɔi hu. Nąąlɔwai, di wɔ nɛ̨ŋɛ̨nŋąąi mąą mɛ̨nį ɓa.

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

Samuɛlə dɔlɔɔ 24:15

Gbɛɛ ɓə tii Israɛlə tɔɔmun gaa kɔ́ pɛlɛi mąi? Gbɛɛ ɓə tii vilɛn ŋąą bulu yɛ gbɛi? Yilɛ powai li mɔ̨ɔ̨, a wala kɛ tii, kpə-kpə ta li!

Samuɛlə dɔlɔɔ 25:39

Davidə ə Navalə haa mɛ̨nį bələ mɛ̨n, yɛ diɛ: «Mąąwiɛ ə kɛ Yai-Laa ɓa, aa mą́ą́ tɛ̨ą ɓo nwumɛ̨ mɛ̨nįi Navalə ə gɛ a ɲą́ą́ ɉu. Ɛlɛɛ ə ɲee too nwɔ tí mun ɉu, yili hvo mɛ̨nį ɲɔ̨nwɔ̨ɔ̨ kɛ li. Navalə nwɔ mɛ̨nį ɲɔ̨n tii, Yai-Laa aa nwulu lɛɛ Navalə kpįnįi nwuɔ̨.» Davidə ə nuą tɔɔ, diɛ li Avigailə hu hvɛlii hilɛ tai mɛ̨nį ɓa.

Samuɛlə dɔlɔɔ 26:10

Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.

Samuɛlə dɔlɔɔ 3:18

Samuɛlə ə mɛ̨nįɠaai tii kəlee hukulɔ mą, hvə da loo ma. Eli yɛ mą: «Ya ɓə a Yai-Laa, yii a nɛ̨ɛ̨ mą, ə gɛ.»