Mise 7:17 - Yálá laawoo hɛɓɛ (dc)

¹⁷ diɛ pɔlɔ kɔ́mɔ̨n yɛ kaalə, yɛ tala huwɔɠaa. Di kaa pai kulɔi di wɔ kɔ́ taaɠaai hu, di mąą yɛ kpɛlin, diɛ pa Yai-Laa, ku wɔ Yálái pɔ. Di kaa pai ɲɔwii, di hu yɛ pu diɛ; di ɲɔw pələ ɓa yɛ́.

Yálá laawoo hɛɓɛ

¹⁷ diɛ pɔlɔ kɔ́mɔ̨n yɛ kaalə, yɛ tala huwɔɠaa. Di kaa pai kulɔi di wɔ kɔ́ taaɠaai hu, di mąą yɛ kpɛlin, diɛ pa Yai-Laa, ku wɔ Yálái pɔ. Di kaa pai ɲɔwii, di hu yɛ pu diɛ; di ɲɔw pələ ɓa yɛ́.

Bible

¹⁷ Da pâi kɛ̂i ɣâlai muluŋ su yɛ̂ɛ kali-ŋa. Da pâi kulâi díloo kwaa-ŋai ma dímaa kɛ́ kpɛ̀liŋ a yao. Da pâi yaôi dí tínaŋ Kúɣâlai Yâwɛɛ pɔ́ pere.

Mise 7:17 ပူးပေါင်းရင်းမြစ်များ

Samia Veerɛi 22:46

Nweaa da too, diɛ di loo pələi, di mąą yɛ kpɛlin.

Kɔlɔnikɔ Veerɛi 17:10

Dɔɔ lɔiɠaa kpɔ tii kɛ Ɉuda lɔi kwɛlɛ nąą kəlee, Yai-Laa nwɔ ɲɔw ə too di hu; da lɔpee hvo kɔ́ pɛlɛ Ɉosafatə ɓa.

Mąątɛ̨nɛ̨ 18:45

Ŋą́ hvaa kpɔlɔ, diɛ lɛɛ nwoo mu, nwɛ̨ą diɛ pa diɛ di nɛ̨ɛ̨i gwɛli ɲə́i.

Mąątɛ̨nɛ̨ 72:11

Tɔɔɓɛlaa kəlee kaa pai kwɛli hvilɛn ɉii mą, lɔiɠaa kəlee diɛ tí mą.

Mąątɛ̨nɛ̨ 72:9

Gbali lɔi hu nuą kaa pai kɛi kwɛli hvilɛn ɉii mą, ɲowoɠaa diɛ muluun gɔ̨mɔ̨.

Mąątɛ̨nɛ̨ 9:20

Yai-Laa, 'ə́ muhəɠə, 'ə́ tɔɔ! Nu kan 'və nwun dɛ! Lɔiɠaa kiti tee tai, ə́ líila!

Azaya 25:3

Yili mąą mɛ̨nį ɓə nu huwu huwala walaai kaa Ə́ mąąwiɛi la, lɔi ɲąąwooɓo nuą di wɔ taai yɛ ɲɔw Yɛ́.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 59:19

A kɛ tii, da ɲɔw kɛa Yai-Laa Laa ɓa, hvóló tooi pələ, ə lɛɛ diɛ ɲɔw nwɔ mąąwiɛlaa ɓa hvóló ɓɛlai pələ. Mąąhɔlɔɓo, gaa pai pai yɛ ya hvɛɛi, Yai-Laa nɔ̨ɔ̨ yɛ hee mą.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Azaya 64:2

Ə́ kɛi mɛ̨nį mąąɲɔwɠaa kɛ, ku kili hvo kɛ li mą, Ə́ yɛɛ, ɛlɛɛ, yeeɠaa diɛ kpɛlin, ə́ ɲɛ̨i tɔwɔ.

Azaya 65:25

Kwɛli da ɓɛlaa lon di kaa pai kɛi di laa mįi gee ɓa, yala yɛ kala mįi, yɛ niŋɛ̨, kaalə kɔ̨nɔ̨n ɲɛ lɛɛ a muluun gbala. Mɛ̨nį ɲɔ̨n, da kɛɛ kala hɛn nɔpee, da hvo kɛa pai kɛi nwɔ́ yee mąąhəɠɛɛi nwuɔ̨, Yai-Laa woo li.

Azaya 7:19

diɛ pa diɛ pɛlɛ ɓoloon ɉu kwɛaa kəlee ɓa, da kwɛni wolo kəlee hu, da kpomó kəlee da ɲɛɛ kɔ́wɔ kəlee hu.

Ɉeremi 16:16

Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Woolaa 3:29

Ə naa pɛlɛ pɔ́lɔ hu, kiɛ-o! Yai-Laa kaa pai mɛ̨ni ta kɛi ɉu.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Dutɛrɔnome 32:24

Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

Zasua 9:24

Di Ɉosue woo ŋaapələ diɛ mą: «Mɛ̨nįi Yai-Laa ə́ wɔ Yálái ə mo nwɔ tímun Moisə ɓa, daa kɛ lamun ɉukulɔi ə́ wɔ nuąi diɛ, a nɔi ŋɛ̨i tɛɛ mɛ̨nį ka pɔ, da ɉu nuą kəlee paa mɛ̨nį, kaa pɛli heei laa. Ku ɲɔw kaa kɛnɛ̨, mɛ̨nįi ku dúwɔ́i tii ɓo la, nwun ni.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.

Samuɛlə dɔlɔɔ 14:11

Di nu hveelɛɛi di di kpɔɔ lɛ, Filisti nuą di di kaa. Filisti nuą diɛ kɛ diɛ: «Hebreuɠaa ka tii kulɔi di loo pələi.»