Mise 6:7 - Yálá laawoo hɛɓɛ (dc)

⁷ Yai-Laa kaa pai hvaai mą yɛ ɲee hee ɓɛlaa hilɛ waa tamąą mu? Wulɔ munuun damąą ɓə mɔ̨ɔ̨ ŋą́ gboloon naa nií la? Kulɔi ŋą́ mo nwoo mu, nąą pɛli hɛn maa mɔ̨ɔ̨ a nón ɉulɔnu tɔlɔɔ? Gɛ́ nwɔ́ nɛ̨ŋɛ̨nŋaai mąą kwələ kulɔ a gwə́i lon?

Yálá laawoo hɛɓɛ

⁷ Yai-Laa kaa pai hvaai mą yɛ ɲee hee ɓɛlaa hilɛ waa tamąą mu? Wulɔ munuun damąą ɓə mɔ̨ɔ̨ ŋą́ gboloon naa nií la? Kulɔi ŋą́ mo nwoo mu, nąą pɛli hɛn maa mɔ̨ɔ̨ a nón ɉulɔnu tɔlɔɔ? Gɛ́ nwɔ́ nɛ̨ŋɛ̨nŋaai mąą kwələ kulɔ a gwə́i lon?

Bible

⁷ Yâwɛɛ líi a pɔ̂ri lâai à kɛ̀ ŋà pà bɔ́ a ƃála sîrɛ wála támaa, mii wulɔ kɛ́ɛ yɛ̂ɛ ya-lêe wála puu? Ŋa pɔ̂ri ńoŋ maa-ŋuŋ tɛɛ̂i bɔ́ a ŋásɔŋyɔ̂ŋ-ŋai fela fêi?

Mise 6:7 ပူးပေါင်းရင်းမြစ်များ

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Tɔɔɓɛlaa veelɛ 23:10

Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Tɔɔɓɛlaa veelɛ 3:27

Non ɉilɔnu dɔlɔɔ ŋɛ̨i kɛi pa heei a mąąhvalin, ə yili həɠə ə gulɔ ɉįi kpoloon mɛ̨i a haláá. Yili ə nwąną kpɔ Israɛlə nuą diɛ kpɔ kɛnɛ̨, di həɠə laa, di li di pɔ taaɠaa.

Zôo 29:6

Ɓɛlɔwai ŋį́ kɛi gɔ́wɔ́ ɓa waa la a wulɔ, ɛlɛɛ, wulɔ kpoloon yɛ laa ɲə́i gɔwɔla.

Mąątɛ̨nɛ̨ 50:9

Və́ pai niŋɛ̨ hilɛ ta həɠəi ə́ yəi bɛlɛ́n, vá nwɔ̨nɔ̨ ɓolu hilɛɠaa hon ə́ wɔ galai hu;

Mąątɛ̨nɛ̨ 51:16

Ee kə́! Yálá! Mɔ́lu Yálá! 'Hvó ɉón yɛ bələi ŋą́ túwɔ́ la, gɛ́ pɛli yɛ́ tələnmolaa hu kulɔi a nwóó kɛnɛ̨.

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Azaya 1:1

Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Azaya 40:16

Liban wuluɠaa di mą tamą, di hva pɛli ɲəi nwɔ̨n dįnįi kwɛi kulɔi, ɉu huwɔɠaa di hva pɛli kɛi ɲəi a haláá hɛn da gəlee kələn.

Ɉeremi 19:5

Yii daa haláá kulɔi pɛli Baalə ɓa, diɛ di lonnii kələn naa Baalə ɓa; ɛlɛɛ yaan, ɲą́ą́ hvəi di tɔɔ la, yili kili hvo ta too li ɲą́.

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Ɉeremi 7:31

Daa hvaaiɠaa kulɔ Bɛn-Hinɔmə ɓoloon ɉu Tofɛtə, naa ɓə da kɛ di lon ɉinąą da di lon nɛ̨ą kələn ɉii laa. Ya pa, ɲą́ą́ hvəi di tɔɔ a yili, yili gili hvo ta too li gwə́i.

Izikiɛ 23:37

Mąąhɔlɔɓo daa di hilɛ hvulu, daa wəli hon, ɛlɛɛ, ɲąmą pɔɔ kaa di yee ɓa; di too wəli mɛ̨nį hu da di wɔ haliɠaai, di hvo nɛɛ li a yili; lonŋąąi kwa diɛni ku gaai, di di tɛɛ ɉaliɠaai ti pɔ, yiliɠaai diɛ di mįi.

Osia 5:6

Di kaa pai, da di wɔ taatɛlɛɛɠaai, gbɛa kpɛa da bɛlɛɛ pɛlɛɛ, Yai-Laa kwɛli mɛ̨nį ɓa, ɛlɛɛ di hvo pai gaai, Aa di kpɛ nwəli pulu.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Levetekɔ 20:1

Yai-Laa yɛ Moisə ɓa:

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Filemɔn 1:12

Onesimə aa kɛ kɛa a gbíní. Gáá dɔɔi ə pa ə́ pɔ.

Nwun mąąɓo 11:31

nu tɔlɔɔi pai kulɔi ɲə́i bɛlɛ́n, yɛ pa náákwiɛn ɉii, ŋą́ gɛ a Ə́ kɔ hɛn, ŋą́ gulɔ a haláái da gəlee kələn.»

Nwun mąąɓo 11:39

Ɲąnin veelɛi tii tɛɛ pulu, ə pa nąn bɔ, bələi tii nąn ə mo la, ə gɛ tii. Nɛ̨ɛ̨non tii ə haa, hvo hulɔnu mɛ̨nį hu kɔ́lɔn. Ə həɠə kɛa ɲələ ɓa, yili ə kɛ kɛa a Israɛlə nuą huwu la mɛ̨nį ta, diɛ ɉɛli pu.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.