Mise 6:6 - Yálá laawoo hɛɓɛ (dc)

⁶ Lə kpɔ ɓə ɲə́i gɛ́ li tɔɔi la Yai-Laa lííla? Gɛ́ li pɛlɛi la yələkɔlɔ́n ɉu Yálá kɔ́wɔ mu? A kɛ tii, ŋą́ li bɔ a haláá hɛn da gəlee kələn? Ŋą́ li kan a kwɛlan dɔ̨nɔ̨ nįŋɛ̨ɠaa?

Yálá laawoo hɛɓɛ

⁶ Lə kpɔ ɓə ɲə́i gɛ́ li tɔɔi la Yai-Laa lííla? Gɛ́ li pɛlɛi la yələkɔlɔ́n ɉu Yálá kɔ́wɔ mu? A kɛ tii, ŋą́ li bɔ a haláá hɛn da gəlee kələn? Ŋą́ li kan a kwɛlan dɔ̨nɔ̨ nįŋɛ̨ɠaa?

Bible

⁶ Lé ƃé ŋa pɔɔ̂ri pâi la Yâwɛɛ pɔ́ nyii gáa ŋ̀elei sui, tãi ŋa pâ la vɛlîi? Ŋa pɔ̂ri pâi ŋ̀ɛ́i túɛ a niŋa-loŋ nyii gáa a kóraŋ tɔ̂nɔ a gɛɛ ŋá gúla a kéreŋ sâla?

Mise 6:6 ပူးပေါင်းရင်းမြစ်များ

Samia Veerɛi 21:3

Davidə ə mo Gabaɔn nuą diɛ, yɛ diɛ: «Lə ɓə ŋą́ pɛli gɛi kaa? Lə ɓə ŋą́ pɛli gɛi a bɔnaa kulɔ hɛn gwa kaa ni gu lɔwai, ə gɛ, ka lúwɔ́ too Yai-Laa kwɛlin ma?»

Mąątɛ̨nɛ̨ 116:12

Mɛ̨inɛ̨ɛ̨ɠaai kpɔ Yai-Laa ə gɛ mą́ą́, ŋą́ pɛli bɔɔ kɛ pələ kɛi ləi mą?

Mąątɛ̨nɛ̨ 22:29

Heeɓolaa kaa a Yai-Laa nwɔɔ! Gaa heeni lɔi kəlee nwun mɛ̨i.

Mąątɛ̨nɛ̨ 95:2

'Ka gwə li niila, guɔ ɉɛɠɛɛɓo, 'ka gu gu yee lɔwa, 'ka gu hvɛ́li pɛlɛ gɔwɔ mu.

Mąątɛ̨nɛ̨ 95:6

'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Azaya 40:16

Liban wuluɠaa di mą tamą, di hva pɛli ɲəi nwɔ̨n dįnįi kwɛi kulɔi, ɉu huwɔɠaa di hva pɛli kɛi ɲəi a haláá hɛn da gəlee kələn.

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Izikiɛ 46:9

Nɔi lonnii da pa Yai-Laa lííla a ɉɛli pu yələɠaa, yiiɠaai da lɔ a ɲələi pələ pɛlɛ laaləi pələ, diɛ kwɛli hvilɛn Yálá ɓa, da kulɔ ɉɛɠɛɛ pələ kpon gɛɛnąą. Nu hva yali bulu, yɛ kulɔ ɓɛ pələi ə lɔ la. Mąąnɛ̨ɛ̨ nu ə kulɔ a gbon tii ɲɛ̨i tɔwɔ pələi.

Danîa 3:26

Yili pulu, Nabukodonosorə ə mąą lɛɠɛ vuulu laaləi, ə mo a nwoo kɛnɛ̨ yɛ diɛ: «Sadrakə, Mesakə, Abɛdə-Nego, Yálá yii gaa hɛn gəlee nwun mɛ̨i nwɔ kóló kɛ nuą, ka kulɔ nwɔ̨n ɉu ka pa!» Sadrakə, Mesakə, Abɛdə-Nego, di kulɔ nwɔ̨n ɉu.

Danîa 4:9

Naa lɛlɛɛ kɛ mą, ma tamąą ɉu, nu kəlee kɔ̨nɔ̨n ə kɛ ɉu, mu ɓə lɔwɔi huwɔɠaa kəlee di kɛi pa diɛ pɛlɛ laa. Naa hu ɓə yələi nwɛ̨nįɠaa kəlee di kɛi pa diɛ di taa tɔɔlaa. Nɔ̨ɔ̨-nɔ̨ɔ̨ hɛnŋaa kəlee diɛ di kɔ̨nɔ̨n ɉɔlɔɓo nwului tii hu.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Osia 5:6

Di kaa pai, da di wɔ taatɛlɛɛɠaai, gbɛa kpɛa da bɛlɛɛ pɛlɛɛ, Yai-Laa kwɛli mɛ̨nį ɓa, ɛlɛɛ di hvo pai gaai, Aa di kpɛ nwəli pulu.

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Lonon mo 7:51

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Maafîu 19:16

Hulɔnu ta ə pa Jesus pɔ ə mąąni kɛ yɛ mą: «Mąąkwɛli kɛmun, lə mɛ̨nį ɓə mąąnɛ̨ɛ̨ ŋą gɛ, ə gɛ, ŋį́ yɛnɛ̨ɛ̨ yii kpɛɛ hvo mą ɉɔlɔɓo?»

Markə 12:33

Yálá wɛli la kɛɛ a nu lii kəlee, da nu nwɔ kiliŋąhiɛ kəlee, ə mą kɛ nu nwɔ huwalawala kəlee; əlɛɛ, nu ə́ ə́ ɓɛlan gaa lon nwɛli la kɛ yɛ ə́ kpinį, yili hviɛlaɓoɔ ə tɛɛ haláá yii da gələn da haláá takpɛliɠaa kulaa ɓa.»

Markə 5:7

ə tómą kpɔ a nwoo kɛnɛ̨ yɛ mą: «Lə ɓə yɛ ə́ gɛ a ɲą́ą́, Jesus, Yálá yaai gaa yələkɔlɔn ɉu non? Gáá nɛ̨ɛ̨mąą hvəə yɛ́, 'gɛ Yálá ɓa, hvó náánɔ̨nwɔ̨ ɓo.»

Lukə 10:25

Tɔ́n galamɔ̨ɔ̨ ta ə muhəɠə, əgɛ, ə Jesus hon vaa woo hu, ə mąąni kɛ yɛ mą: «Kalamɔ̨ɔ̨! Lə ɓə ŋą pɛli gɛi, ŋą yɛnɛ̨ɛ̨ hva kpɛɛi hɔlɔɓo Yálá-taa?»

Ɉaan 6:26

Jesus yɛ diɛ: «A tɛ̨ą kpɔ-kpɔ gáá moi kaa, gbalo mɛ̨nįɠaai ŋɛ̨i ŋį́ gɛ, ŋąą kaa mɛ̨nį hvəə ka káá gwɛ́li la. Kɛlaa, ka káá gwɛ́li, mąąhɔlɔɓo, kaa kɔ̨nɔ̨n mįi kaa pilɛ.

Gɛlaɠaa 16:17

Nɛ̨ɛ̨nui ti ə hvilɛn kwa Polə ni ku pulu, yɛ tomą, yɛ kɛ mą: «Nuą ŋɛ̨i di kaa a yəlkɔlɔn ɉu Yálá nwɔ tínuą, di kaa nu ɓalo kpaalə lɛi káá.»

Gɛlaɠaa 16:30

Yili pulu, ə di kulɔ, yɛ diɛ: «Ną́nni! Lə ɓə mąąnɛ̨ɛ̨ ŋą́ gɛ, gɛ́ pɛli ɓaloi?»

Gɛlaɠaa 2:37

Nwooi ti mɛ̨n di mo, di kwəi ə pili diɛ, di Piɛrə da mɛlaa di mąąni kɛ diɛ mą: «Ku nąn nonnii, lə ɓə kani mąąnɛ̨ɛ̨ ku gɛ?»

Ifisiɛŋ 3:14

Yili mąą mɛ̨nį ɓə gɛi, ŋą́ kɛ pui la nwúngbə la Ną́n Yálá ɲɛ̨i ɓa,

Hebreu 10:11

Yii kpɔ, ɉaláá laa həli nuą tɛitɛi, di kɛi tɔɔ a yələ kəlee, diɛ haláá huwu tanɔ̨n gbən kulɔ lɔ, geemɛ̨i pɔlɔɔ-pɔlɔɔ, yai hva pɛli kpɔ kɛ nɛ̨ŋɛ̨n gulɔi nuą diɛ,

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.