Mise 6:5 - Yálá laawoo hɛɓɛ (dc)

⁵ Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Yálá laawoo hɛɓɛ

⁵ Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Bible

⁵ Óo ŋánûa, gíli é lɛ́ɛ káŋa m̀ɛnii Môa kaloŋ Bala è gbɛ̀tɛ a gɛɛ é gɛ́ a kaai, da berei Beo ǹóŋ Balaaŋ è ŋ̀óo su tòo lai. M̀ɛnii kɛ̀ berei su é síɣe Akasia é lí Geegai. Nyíŋi kélee é lɛ́ɛ kákili ŋá a gɛɛ ká gɔ́lɔŋ m̀ɛnii ŋá gɛ̀ a gɛɛ ŋá ká ŋuŋ-ma ƃôi.”

Mise 6:5 ပူးပေါင်းရင်းမြစ်များ

Mąątɛ̨nɛ̨ 111:4

Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Mąątɛ̨nɛ̨ 143:11

Yai-Laa, ə́ laa mąą mɛ̨nį ɓa, vúlúmąą ə lɛɛ yɛnɛ̨ɛ̨, yɛ́ tələnmolaa haalai, gúlɔ mɛ̨nii.

Mąątɛ̨nɛ̨ 36:10

Mąąhɔlɔɓo, ə́ pɔ pələ ɓə yɛnɛ̨ɛ̨ nwun gulɔi kaa laa; kuɔ kɛɛ pɔ̨nɔ̨ kaa ə́ wɔ kɛɛ pɔ̨nɔ̨i hu.

Mąątɛ̨nɛ̨ 71:19

Ə́ wɔ tələnmolaa kɛnɛ̨ pələ hvo a yola, nwɔ́ Yálá! Yɛ́i ya mɛ̨nį ɲɛ̨ikɛnɛ̨ɠaa kɛ! Yálá, gbɛɛ kpɔɔ ɓə ka yaa ka pɛliɛ tii-yoo?

Azaya 1:27

Mɛ̨nį haŋąą kaa pai Siɔn taa nwun mąąɓoi, ɉu hee ɓo nuą di di pulu tɔɔ mɛ̨nį ɲɔ̨n ma, diɛ mɛ̨nį haŋąą kɛ.

Lonon mo 22:41

Mąą yələ laaɓoɔ, Balakə ə li a Balaamə Bamotə-Baalə; nu a kɛ laa a pɛli Israɛlə lonnii kpulu bələ tɔ̨nɔ̨ kaai.

Lonon mo 23:27

Balakə yɛ Balaamə ɓa: «'Pa tai, gáá lii a yɛ́ kɛɛnąą takpɛli ɓa. Yálá kaa kiɛ pai hvaai mą, ə́ nu huwui tii nɛ̨ŋɛ̨n nąą gɛɛnąąi tii ɓa mą́ą́.»

Lonon mo 25:1

Israɛlə ə hee Sitimə, nuą di gbala tɔɔ diɛ di yee lɔ wɛli mɛ̨nį hu, da Moabə nɛ̨ɛ̨lɛa.

Lonon mo 25:2

Moabə nɛ̨ɛ̨lɛa di kɛi Israɛlə lonnii təli di wɔ haliɠaai kɔ́ halááɠaa diɛ, diɛ di laa mįi laa; diɛ kwɛli hvilɛn nɛ̨ąąi tii di wɔ haliɠaai diɛ.

Lonon mo 31:16

Kɛlɛi diɛ ɓə gɛ Israɛlə lonnii diɛ kulɔ Yai-Laa woo mu; Balaamə nwɔ liɛwoo pɔ, Peɔrə mɛ̨nįi hu, lɔi wolo ɲɔ̨n yɛ pɛlɛ Yai-Laa nwɔ nu kanɠaa diɛ.

Lonon mo 31:8

Hvo lɛɛ lɔ a yili, di Madian tɔɔɓɛlaa paa, diɛ ɓaa: Ewi, Rɛkɛmə, Surə, Hurə da Rɛva; Madian tɔɔɓɛlaa lɔɔli. Di Beɔrə lon Balaamə paa a ɓɔwa kwɛa.

Lonon mo 33:49

Di di wɔ taai pu Ɉurdɛn kwɛlɛ, ə həɠə Bɛtə-Yesimotə, ə həli la Avɛlə-Sitimə Moabə yɛɛ kɔ́wɔ hu.

Ifisiɛŋ 2:11

Ká kili ə pu ɉu kani, káá, tɔlɔɔ-tɔlɔɔ, káá ŋɛ̨i kɛ hali yíi hu, ká kaa pələ hu, nuąi wɔlɔ kɛi di kpɔwɔ kaa a kɛ́nɛ̨lɛaa, a gɛ́nɛ̨i tii da gɛ nu kɔlɔ ɓa pələ, nuąi tii di kɛli ká təli a kɛ́nɛ̨ kpoloaɠaa;

Dutɛrɔnome 16:3

Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Dutɛrɔnome 23:6

Kɛlaa, Yai-Laa ka wɔ Yálái hvo nwəli tɔɔ Balaamə woo ɓa, ə nɛ̨ŋɛ̨n naa woo mąą pənə a lúwɔ́. Mąąhɔlɔɓo, ka wɛli kaa Yai-Laa ka wɔ Yálai ɓa.

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.

Zasua 2:1

Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Zasua 3:1

Ɉosue da Israɛlə lonnii kəlee di di muhəɠə yələwala pɔ, di həɠə Sitimə lɔi hu, di həli Ɉurdɛn ɓa. Di həliɛ laa, di yii laa, gɛɛ di hvo kɛ ɲá teen ɉii.

Zasua 4:19

Ɲąnįn dɔlɔɔ nwɔ hvóló pow yələ ɓə Israɛlə lonnii di Ɉurdɛn teen na, di muwu pu Gilgalə, Ɉeriko voló həɠəi pələ.

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

Nwun mąąɓo 11:25

Moabə tɔɔmun Balakə, yai gaa a Sipɔrə lon, gaa ə́ kwəi, ə́ hviɛla ɓoɔi ə́ tɛɛ mą? Lolo nwɛi, hvo kɔ́ pɛlɛ Israɛlə nuą diɛ.

Nwun mąąɓo 5:11

Ɲá lɔwaɠaa la, nuąi da kɛ ɲá ɲąąkwɛlɛi, ka Yai-Laa kɛ mɛ̨inɛ̨ɛ̨ɠaa hukulɔ, gɛ mɛ̨inɛ̨ɛ̨ yiiɠaai aa gɛ Israɛlə ɲɛ̨itɔwɔ nuą diɛ, mąąhɔlɔɓo, aa ɲee kɔ̨nwɔ̨n ɉu ɓɛlɛ. Nąąlɔwai, Yálá nwɔ nuąi di ɉįi laaləiɠaa hon.

Samuɛlə dɔlɔɔ 12:7

Ka tɔɔ kɛa yiihu Yai-Laa lííla, mɛ̨nįnɛɛɠaa ə di kɛ kaa, da ka nąn ni diɛ, gáá di hukulɔi ka ɲɛ̨i ɓa.