Mise 5:2 - Yálá laawoo hɛɓɛ (dc)

² Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Yálá laawoo hɛɓɛ

² Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Bible

² Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyai.”

Mise 5:2 ပူးပေါင်းရင်းမြစ်များ

Zɛnɛse 35:16

Ɉakɔbə da ɲəi bɛlɛ́n nuą, di həɠə Betɛlə di mąą hvo kɛ kwɛa li Ɛfrata ɓa, Rasɛlə ə naayɛɛ la, kɛlaa, ə gwəinwąną kɛ kpɔ a mɔlɔ.

Zɛnɛse 35:19

Rasɛlə ə haa, Ɛfrata bələ pɔ, di noo. Ɛfrata laa ta ɓaa a: Bɛtleɛmə.

Zɛnɛse 48:7

Ɓɛlɔwai ŋį́ həɠə la nɛ̨ŋɛ̨ lɔi hu, gɛ́ pa, Rasɛlə ə haa ɲə́i bələ pɔ Kanaan lɔi hu, gɛɛ və́ həli Ɛfrata. Naa ɓə ŋį́ noo laa Ɛfrata bələ pɔ, yai a Bɛtleɛmə.»

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Kɔlɔnikɔ Maa-ŋuŋ 2:54

Salma nwɔ pɛlɛ́i: Bɛtleɛmə nuą, Netofa nuą, Atrotə-Bɛtə-Yoavə nuą, Manahatə nuą bələ tɔ̨nɔ̨, da Sore bələ tɔ̨nɔ̨,

Kɔlɔnikɔ Maa-ŋuŋ 4:4

Yili pulu, Gedɔrə nąn Penuɛlə, da Husa nąn Ezɛrə. Nuąi kɛ a Ɛfrata lon dɔlɔɔ Bɛtleɛmə nąn Hurə, nonnii laa ka tii.

Kɔlɔnikɔ Maa-ŋuŋ 5:2

Kɛlaa yaan, Ɉuda ɓə kɛa kɛ nąn nonnii lɔwai a nu kɛnɛ̨, ɉuwu hu ɓə Heeɓomun gɛnɛ̨ ə kulɔ laa. Kɛlaa, nu pɔlɔ laa nwɛi, ə kɛ Ɉosɛfə ɓa.

Mąątɛ̨nɛ̨ 132:6

Ku bələ mąn, diɛ gaa Ɛfrata, ku gaa Yaarə yɛɛkɔwɔi.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Lɛɛ gbɔwɔ ɓa 18:21

Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Lɛɛ gbɔwɔ ɓa 18:25

Moisə ə nuą həɠə Israɛlə lonnii kəlee lɔwai a nu ɓɛlɛmąąɠaa, ə di hee nuą nwun na, nu waa tɛitɛi nwun na, nu nwun dɛitɛi nwun na, nu pow lɔɔli lɔɔli nwun na, da nu pow pow nwun na.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Maafîu 2:1

Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Lukə 23:38

Di hɛɓɛ́ pɛ̨ɛ̨ di bɛlɛ Jesus nwun mɛ̨i diɛ kɛ mą: «Nui ŋɛ̨i kaa a Ɉuifəɠaa di wɔ tɔɔmun.»

Ɉaan 7:42

Yaan, Yálá laawoo hɛɓɛ́ ə mo, yɛ mą: Nwun mąąɓomun Yálá ə naakwɛlan mo, gaa pai kulɔi Davidə huwu hu, yɛ həɠə Bɛtleɛmə Davidə pɔ taai.»

Dutɛrɔnome 1:15

Yili ɓa, ka ɲɛ̨itɔwɔ nuą lɔwai, ŋį́ mɛ̨nį kɔ́lɔn nuą, da mɛ̨nį hu kpɛ nuą həɠə ɉu a kɔlaɠa nwun nąmįną; ŋį́ daɠaa hee nu waa tɛi tɛi nwun na, nu nwun dɛi tɛi nwun na, nu pow lɔɔli lɔɔli nwun na; Da nu pow pow nwun na; da hɛɓɛ́ kɛ nuą yɛ bələi ka huwu hee pələ kaa la.

Kolosə 1:17

Ɛlɛɛ Yaa lɔ ɓə, a Yaa, ə ɓo gəlee tɔwɔ, yiihu, hɛn gəlee kaa ɉu,

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

Hebreu 7:14

Gaa a mɛ̨nįi nu kəlee di gɔlɔn, diɛ, gu Ną́mu ə kulɔ Ɉuda huwu hu, a huwui Moisə hvo mɛ̨nį ta ɓo, naa mɛ̨i, ŋą hɛɓɛ́ɠaai hu yɛ hvilɛn na, ɉaláá laa həli nuą kpɛa-kpɛaa ɓa.

Zɔ̂ŋ Maa-ŋuŋ 1:1

Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

Nwun mąąɓo 17:7

Levi mun da, ə kɛ Bɛtleɛmə daai, Ɉuda nwɔ lɔi hu, ə kɛ laa a nwɛ̨ą.

Rutə 1:1

Ɓɛlɔwai gulaaɠaa di kɛi tɔɔ la Israɛlə lonnii ɲɛ̨i tɔwɔ, nąąlɔwai, pulu kɛnɛ̨ ə too Israɛlə lɔi hu. Ɉuda taa logolo ta ə kɛ laa diɛ kɛ mą: Bɛtleɛmə, hulɔnu ta ə həɠə daai tii hu, yaa, nɛ̨ą da non ɉinąą hveelɛ; di li Moabə lɔi hu, ɓɛi hihɛn a lɛlɛ laa, di hee ɲɛɛ kɔ́wɔ ta hu.

Rutə 4:11

Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.

Samuɛlə dɔlɔɔ 10:19

Ya ka tii, háákələi, kaa ka kili kulɔ ka wɔ Yálái hu, yaa tii a ka kulɔ ka wɔɔ mɔ̨nɔ̨ɠaa kəlee hu, da ka wɔɔ kwəi pili mąą mɛ̨nįɠaa kəlee. Ya ɓə kaa diɛ: «Ə tɔɔmun dɛɛ ka pɔ.» A kɛ tii kani, ka pa Yai-Laa lííla a ka huwuɠaa laa, da gwəliɠaa laa.›»

Samuɛlə dɔlɔɔ 17:12

Davidə ə kɛ a Ɛfrata yəi gwəlii mun Ɉɛse lon, yai bɔ taai ɓaa Bɛtleɛmə Ɉuda lɔi hu. Ɉɛse lon ɉinąą di kɛ a nu mɛ̨ihaaɓa. Ɉɛse ə kɛ a nu mąą pɔlɔɔ, a Saulə nwɔ tɔɔlaa yələi.

Samuɛlə dɔlɔɔ 17:18

Fromazə powi ŋɛ̨i, ə́ yili tɛɛ di ɲɛ̨itɔwɔ mun gɛnɛ̨ pɔ. Ə́ nąą kaa, bələi ə́ liɛni kaa gɛi la, ə́ pa ə́ mo mą́ą́ a di yəi hɛn da.

Samuɛlə dɔlɔɔ 23:23

'Ka ká ɲɛ̨ilaa, gɛɛnąąɠaai kpɔ a kɛ nooi laa, ka nąąɠaa kaa, ka kɛ a nąą kəlee kɔ́lɔn ŋąą, ka pa ka mo mą́ą́. Nąąlɔwai, gwa gaani gwa li, a kɛ nɔi hu, ŋą́ hvilɛn Ɉuda lɔi nąą kəlee ŋą́ gaa.»

Samuɛlə dɔlɔɔ 8:12

Gaa pai di həɠəi yɛ di kɛ a nwɔ kɔ́kulááɠaa da kɔlaɠaɠaa ɲɛ̨i tɔwɔ nuą, di nwɔ kɛɛɠaa hin, diɛ nwɔ mɔ̨nun dee, diɛ nwɔ kɔ́ kɔ́ hɛnŋaa yɔw, da nwɔ hoo kpəlin bɛli nuą.