Mise 4:13 - Yálá laawoo hɛɓɛ (dc)

¹³ 'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Yálá laawoo hɛɓɛ

¹³ 'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Bible

¹³ Yâwɛɛ è mò Zerusâlɛŋ-ƃelai dîa ǹyɛɛi, “Ka pɛlɛ kákpɔara-ƃelai dîa. Ŋa pâi kákponôi kpananîi yɛ̂ɛ niŋa-sîrɛ nyii mĩla káa a kɔli, zôlo kɛ́ ƃò a ƃarai. Ka pâi lɔii-ŋûŋ támaa yée mɛi ɣâlei, ká díkɔ̃liŋ kula díyêei nyii dí zɔlɔ ƃô a wôya perei, ka pá la ḿbɔ ńyãai a ǹɔii kélee Ǹuu-namui.”

Mise 4:13 ပူးပေါင်းရင်းမြစ်များ

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Mąątɛ̨nɛ̨ 68:29

Ə́ wɔ Yálái aa naa gwəi, yɛ ə́ kaa pai kɛi a hu walawalamun, 'Ə́ hvąŋą lɛ, Yálá! Yɛ́i Ə́ kɛ mɛ̨nį kɛi ku mąą mɛ̨nį hu.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Azaya 18:7

Nąąlɔwai, nu huwu yee muhəɠɛɛi tii gbɛlɛ hvo mą, a yai gwɛlɛ lɔiɠaa da ɲɔw mą kpɔ kɛnɛ̨i, yai vaŋá kɛnɛ̨ɛ̨ ɉeɛ lɔiɠaa mɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn. A nɔi tii ya kpɛa-kpɛaɠaa kaa ɉu, gwɛlɛ lɔiɠaa diɛ ɲɔw mą kpɔ tii kɛnɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn, ɓɛi Naa kaa laa Siɔn yee nwuɔ̨.

Azaya 21:10

Yɛ́i ŋɛ̨i Ną́mu aa ə́ tan, yɛ bələi da mɔ̨nun dan na, mɛ̨nįi ŋį́ mɛ̨n, yɛ kulɔ Yai-Laa Mɛ̨nį Kəlee ŋą Hééɓomun la, yai a Israɛlə nwɔ Yálá, ya ka ŋɛ̨i gáá ɉukulɔi yɛ́.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Azaya 5:28

Donwą ɓaɠaaɠaa, da gilɛnŋąą kəlee di hu yalaa ɓə, di wɔ hooɠaai kɔ́wɔ ɲą wala walaai yɛ kwɛni, di wɔ wotoloɠaai kɔ́wɔ ə ɓo yɛ hvaŋą.

Ɉeremi 51:20

Ə́ kɛ ɲə́i a yənə, a kɔ́ kɔ́ kwɛli hɛn, ŋį́ lɔiɠaa hu ɓuwɔ a yɛ́, ŋį́ lɔiɠaa huwolo a yɛ́;

Ɉeremi 51:33

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: Babilonə lɛlɛɛ kaa yɛ mɔ̨nun gbala gbaha, ɓɛlɔwai di kaa pai bɛlɛi la, ɉu hvo kɛa kwɛa li diɛ pa mɔ̨nun bui mɛ̨i,

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Osia 10:11

Ɛfraimə ə kɛ a nįŋɛ̨ kpəla, dɔɔ a nɛlɛɛ, koló wɛli ə ɓo mą, ŋą́ lɛɛ tɛɛi, ŋį́ gɔn nɛlɛ pələ kaa, ŋą́ nwun nɔ tiɛ̨ mu, Ɉuda ə kɛi kɛɛ hin, Ɉakɔbə yɛ gɛɛ kpɛŋɛ̨n.

Mise 5:7

Nąąlɔwai, Ɉakɔbə nu kpəli woloi pai lɛɛi, gaa pai kɛi lɔiɠaa hu, nu huwu tamąą lɔwai, yɛ yala, lɔwɔ huwɔɠaa lɔwai, yɛ yala lon, ɓɛlaa kpulu lɔwai, dɛɛ pələ tɛitɛi, a ɓɔlɔ́n di mɛ̨i, yɛ di hon ɛlɛɛ nu hva hɔlɔɓo, yɛ di kulɔ ɲəi.

Habakukə 3:12

Ya tɛɛ lɔi mɛ̨i a liiholi, Yɛ́ lɔiɠaa wolo, ə́ wɔ liiholi hu.

Zakari 12:3

A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Zakari 4:14

Yɛ mą́ą́: «Nu hveelɛi nwulɔ mɛ̨nį nwun na, di ɓo tɔɔni lɔi pilɛɛ gee mɛ̨i Nąmu lííla, diɛ li.»

Zakari 6:5

Yɛ mą́ą́: «Hvaŋą nąąn ga tii, di kɛ tɔɔni lɔi kəlee Nąmu kwɛlɛ, di kɛɛ kɛa lii ka tii.»

Korɛntə dɔlɔɔ 16:2

Lɔwɔ tɛitɛi ŋą hvoló tɔlɔɔ, yii nu tɛitɛi a pɛli ɉɔlɔɓoi, yɛ gulɔ ɲəi hɛnŋaa hu, yɛ naa gwɛlɛ, yɛ bələi ŋą yee pɛli mąą laa kaa la; 'ká hvo bái lɔwai mąąkpɔn, ɉɛnŋaa tii ɲąąkpɔn mɛ̨nį ɓa.

Dutɛrɔnome 33:25

Gaa kpɔnŋąą pulu gwɛli yɛ ɓo a kwəli kpəlee da ɓala kwɛli. Gɛ́ nwɔ huwalawala hu ə kwɛa lɔ yɛ bələi ɲíi hvóló kaa la!»

Zasua 6:19

Walii kpɔ gaa ɓɛ, da hɛni, hɛn nɔpee gaa a ɓala kwɛli, da kwɛli kpɔ-kpɔ, gəlee kaa a Yai-Laa nwɔɔ, yili a lɔ Yai-Laa nwɔ hɛn gɔwi hu.»