Mise 4:10 - Yálá laawoo hɛɓɛ (dc)

¹⁰ Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Yálá laawoo hɛɓɛ

¹⁰ Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Bible

¹⁰ Káai a Zerusâlɛŋ-ƃelai, ka kámu siɣe ká nyíɣɛ yɛ̂ɛ koi-têe à kɛ̀ nɛnî ma kpɛ́ni fêi da pâi kákulâi daa-lêei su dí lí a káa lɔii pûŋ su. Da pâi kákulâi naa dí lí a káa Babelɔŋ lɔii su. Kɛ́lɛ Yâwɛɛ a pâi kákulâi naa kákpɔara-ƃelai yêei.

Mise 4:10 ပူးပေါင်းရင်းမြစ်များ

Tɔɔɓɛlaa veelɛ 20:18

Di kaa pai lii a ə́ lonnii tamąą da ə́ yəi bɛlɛ́n nuą tamąą. Nuąi ə́ di kaa, damąą kaa pai kɛi a Babilonə tɔɔmun nwɔ gbɛtɛgbuwuluɠaa ɲəi gwəlii.»

Tɔɔɓɛlaa veelɛ 25:4

Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Kɔlɔnikɔ Veerɛi 36:20

Nu təli woloi kulɔ a mowa yee wolo, ə li a diɛ Babilonə, əgɛ, di kɛ a yaa da nonnii di wɔɔ luwɔɠaa. Di lɛɛ luwɔlaa hu, ə lɛɛ ɉu Pɛrsə nuą di wɔɔ tɔɔlaai ə pa.

Kɔlɔnikɔ Veerɛi 36:23

«Pɛrsə tɔɔmun Sirusə woo ka, yɛ: Yələ kɔ́lɔn ɉu Yálá Yai-Laa, aa yɛnɛ̨ɛ̨ ɓɛ tɔɔlaaɠaa kəlee tɛɛ bɔ́! Ya ɓə, Yaa kpįnįi tii, yɛ, ŋį́ pɛlɛ́ tɔɔ mą Ɉerusalɛmə yai gaa Ɉuda lɔi hu. Ká nɛlɛ ɓə gaa a Ɲálái tii ŋą nu huwu ta? Gɛ́, nwɔɔ Yálái Yai-Laa ə lɛɛ bɔ, mąą nui ə tɛɛ ə li Ɉerusalɛmə daai!»

Mąątɛ̨nɛ̨ 106:10

Ə di kulɔ di yowoɠaa yei ɲą, a diɛi kɛi wɛlikpɛɛmąąlaa kulɔ a diɛ, Ə di mąą kɔ̨nwɔ̨ di yəi.

Azaya 43:14

Yai-Laa woo ka, yai a ka nwun mąąɓo, Israɛlə nwɔ Mąąhəɠəmun, yɛ diɛ: Gáá kɔ́ pɛlɛi Babilonə ɓa, ka mąą mɛ̨nį ɓa, gɛ́ nąą nuą kəlee kɛ a nuąi da pu kɔ́ tɔwɔ, a tɛ̨ą, Kalde nuą kaa pai kɛi pui; kələnŋąą hu, ɓɛi di yee looa wooɠaa ə kɛi tɔɔ laa a kwəinɛ̨ɛ̨.

Azaya 45:13

Ɲą́ą́ ɓə ɉulɔnui ŋɛ̨i kulɔ, a tələnmolaa, gáá pai nwɔ pələɠaa kəlee hu lalai, ya ɓə pai nwɔ́ taai tɔɔi a nįnɛ̨; ŋą́ nuąi kɔluwɔlaa hu, gɛ́ pənə gɛ́ pa a diɛ di wɔ lɔi hu. Wali kulɔ mɛ̨nį, da hvɛla kulɔ mɛ̨nį da hva kɛ ɉu. Mɛ̨nį Kəlee ŋą Hééɓomun Yai-Laa woo li!

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Ɉeremi 13:4

Ɉąą yili kɔ́lɔi tii ə́ ɲa, ə́ dɔɔ ə́ hąąi, ɉəɠə ə́ li la Peratə ɲai, yá həli laa, ə́ ɉąą yili kɔ́lɔ lɔ kwɛni wolo ta hu.

Ɉeremi 15:21

Gáá ə́ kulɔi nwąnąlɔɔ nuą yəi, gɛ́ ə́ kulɔ wəya nuą yee kɔ́n ma.

Ɉeremi 29:20

«Kaa ŋɛ̨i mąąkilɛ lɔi hu, kaai ŋį́ ka kulɔ Ɉerusalɛmə daai, gɛ́ ka tɛɛ Babilonə, ka ka wəli tɔɔ Yai-Laa woo ɓa.

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Ɉeremi 48:41

Daa Keriyotə hon, daa lɔ Mesadotə. Moabə kɔ́kulááɠaa lii aa kɛ di kwɛi yɛ yɛ̨ɛ̨nui kwəi nwąną kɛi a volói tii.

Ɉeremi 52:27

Babilonə tɔɔmun ə mo, di di paa Rivla daai Hamatə lɔi hu. Bələ ɓə di Ɉuda nuą kulɔ la di pɔ lɔi, diɛ li a diɛ kwɛaa la luwɔlaa hu.

Osia 13:13

Kwəi nwąną kaa pai yilii lon gaa nɛ̨ɛ̨nu ɓa, nwɛi, lon ɉulɔnu li, yii hvo mɛ̨nį ta hon bələ kɔ́lɔn; ba yələ aa həli, kɛlaa, hvo gɛi hvo kulɔ nee kwəi.

Osia 2:14

Díi tii, da nwɔ ɓawuluɠaai tii ə kɛli kɛ di mąą mɛ̨nį ɓa: «vɛ́lai nwɔ́ wɛliɠaa di dɛɛ bɔ́, ya ka», ŋį́ di hu kala, gɛ́ di mąą pənə a kpomó, lɔwɔ huwɔɠaa diɛ nąą kɛ a di kɔ̨nɔ̨n gwɛlii.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Mise 5:3

Gaa pai kɛi tɔɔni yɛ nwɔ taatɛlɛɛ kpului ɲąąkɔn, a Yai-Laa nwɔ huwalawalalaa, a nwɔ Yálái Yai-Laa nwɔ mąąwiɛ, di kaa pai heei diɛ həli lɔi kpon ɉeei, di kpulu hu kɛnɛ̨ pələ ɓa.

M̀ɛni-lɛɛi 12:14

Di Kúwɔ koon gbɛa-kpɛaa hveelɛ tɛɛ nɛ̨ɛ̨nui tii pɔ, ə gɛ, ə koon, ə li nɔi pun ɉu, ɓɛi tii di naa pɛli mąą mɛ̨nį ɓa, diɛ gɔ̨nɔ̨n gɛ laa, mąą ə kwɛaa gaaləi tii ɓa, ə lɛɛ ɉu kwɛlan ɉaaɓa da gbulɔ.