Mise 3:4 - Yálá laawoo hɛɓɛ (dc)

⁴ Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Yálá laawoo hɛɓɛ

⁴ Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Bible

⁴ Káai a ǹúu-tuɛ-ƃelai tãi a pâi pâi, ká pâi wɔ̂lɔi Yâwɛɛ ma, kɛ́lɛ vé pâi káwoo su toôi. A pâi ŋ̀ɛ́i loôi kâa kpɛ́ni fêi, ká mɛni nyɔ́mɔɔ kɛ̀.

Mise 3:4 ပူးပေါင်းရင်းမြစ်များ

Zôo 27:9

Kaa kɛ diɛ, Yálá kaa mɔ̨ɔ̨ pai nwəli tɔɔi domɔ̨ woo ɓa ɓəi, ɓɛlɔwai mɛ̨nį ŋąąnwąnąą a laa la ma?

Zôo 35:13

Woo ɲɔ̨n lɔ hva too Yálá wəlii, ya ɓə da mo, Huwalawala Kəlee Nąmu yaan, hva nwəli tɔɔ yili ɓa.

Mąątɛ̨nɛ̨ 18:41

Yá ɲówoɠaa kpowola lɛ mą́ą́, ɛlɛɛ, gɛ́ gɔ́yɔwɔɠaa hu kala.

Hanwon 1:28

Mąą yələ, da də́li, vá di woo mu hon, da gwɛ́li, di hva gáá.

Hanwon 28:9

Nui a nwəli laa kpulu tɔ́n nwoo tɔwɔ, nwɔ Yálá hvɛli woo kəlee kaa a mɛ̨nį ɲɔ̨n gɛnɛ̨.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Ɉeremi 11:11

Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Mise 3:7

Nwumɛ̨ aa tɛ a gwɛlɛɛn gɛɛ kaa nuą, dɔlukpɛ nuą hu aa pu diɛ, di kəlee di kaa pai di yee pɛlɛi di ɲɛ̨i, mąąhɔlɔɓo, Yálá hvo di woo mu hon ni.

Mise 7:13

Lɔi kaa pai lɛɛi a vowolo, a ɉu nuą laa pɔɔ; mɛ̨nįi di gwɛli, yaa li.

Zakari 7:13

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Maafîu 7:22

Volói tii, nu tamąą kaa pai kɛi mą́ą́: ‹Ną́mu, Ną́mu. Kɛlɛi, ku kɛi Yálá mąą mɛ̨nį ɓo nuą diɛ, ə́ laa hu? Ku kɛi ɲį́nɛ̨nŋąą kpɛ nuą pulu ə́ laa hu? Kuɔ kpalo mɛ̨nį tamąą kɛ ə́ laa hu?›

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Ɉaan 9:31

Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Samuɛlə dɔlɔɔ 8:18

Volói tii, ka káá pai kɛi wɔlɔi, dɔɔmun ŋɛ̨i ka ɉəɠə ɉu kaa kpįnįi ɲəi. Kɛlaa, Yai-Laa hva ka woo mu hon a mąą yələi tii.»