Mise 2:7 - Yálá laawoo hɛɓɛ (dc)

⁷ Yɛ́i a Ɉakɔbə nwɔ pɛ́lɛ́i, akɛtii ə́ nɛ̨ŋɛ̨n naa ɓə tii mɔ̨ɔ̨i? Yai-Laa nwɔ liilaai hvii aa mɔ̨ɔ̨ kpɛɛ? Nwɔ mɛ̨nį kɛ pələ li mɔ̨ɔ̨ a bɔlɔ? Nui a hiɛ a ɉaŋąą, wɛlikɛmąą woo hvo mɔ̨ɔ̨ a kɛ moi mą?

Yálá laawoo hɛɓɛ

⁷ Yɛ́i a Ɉakɔbə nwɔ pɛ́lɛ́i, akɛtii ə́ nɛ̨ŋɛ̨n naa ɓə tii mɔ̨ɔ̨i? Yai-Laa nwɔ liilaai hvii aa mɔ̨ɔ̨ kpɛɛ? Nwɔ mɛ̨nį kɛ pələ li mɔ̨ɔ̨ a bɔlɔ? Nui a hiɛ a ɉaŋąą, wɛlikɛmąą woo hvo mɔ̨ɔ̨ a kɛ moi mą?

Bible

⁷ Í lâai-la Eezuɛ-ŋai díkaa foo-woo mu? Yâwɛɛ líi fé kpele ni? Í lâai-la a pɔ̂ri m̀ɛni-ŋai ŋí kɛ̂i? Va pɔ̂ri mɛni lɛ́lɛɛ kɛ̂i dɔ̃yâ-ƃelai dîɛ?”

Mise 2:7 ပူးပေါင်းရင်းမြစ်များ

Mąątɛ̨nɛ̨ 119:65

Yai-Laa! Yáá mɛ̨nį lɛlɛɛ kɛ ə́ wɔ tímun ma, yɛ bələi ə́ mo la.

Mąątɛ̨nɛ̨ 119:68

Ə́ wɔ mɛ̨nį lɛlɛɛi! Ə́ nukpɔɔi! Ə́ wɔ tiɓoɠaai lɛ mą́ą́.

Mąątɛ̨nɛ̨ 15:2

Ya ɓaa a nui mąą kulɔ hvo dúwɔ́ pələ ɓa, yɛ tələnmo yíi ɓo, ɛlɛɛ, gwəi kili yɛ ɓo a tələnmolaa;

Mąątɛ̨nɛ̨ 18:26

Nui dəlimoɔ, yá tələnmolaa kɛ la, nui gwəi kwəlɛɛ, yá ə kwəi kwələ mą,

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Hanwon 10:29

Yai-Laa kaa a tələnmo nuą di wɔ huwalawala, yɛ ɓo a nwąnąlɔ nuą di wɔ nwun na pili.

Hanwon 10:9

Nui a hiɛ tələnmo pələ mɛ̨i, gaa nɛ̨ɛ̨ hu. Kɛlaa, nui a hiɛ a pələ kpəlaan ŋąą, a kala həɠə gbɔwɔ mɛ̨i.

Hanwon 14:2

Nui a hiɛ a ɉaŋąą, a ɲɔw Yai-Laa ɓa. Túwɔ́ pələ ɲɔ̨n gulɔmun yɛ tɛɠɛ ɓo ɉu.

Hanwon 2:7

Ya ɓə a kpɔmąą tɛɛ nu haŋąą pɔ, gaa a nu haŋąą mąąkɔ̨nwɔ̨ mun.

Hanwon 28:18

Nui a hiɛ a gwəi kwɛlɛɛ, ɓalo. Kɛlaa, nui a mɛ̨nį hon a pələ hveelɛ, a too dɔ̨nɔ̨ hu.

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Azaya 58:1

'Toma kpɔ a ə́ woo kɛnɛ̨, hvo ɉu hon, 'ə́ woo tɛ yələi yɛ túlú woo, nwɔ́ nu huwui nwɔ túwɔ pələ ɲɔ̨n lɛ mą, ə́ Ɉakɔbə nwɔ pɛlɛ́i nwɔ nɛ̨ŋɛ̨n lɛ mą.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Ɉeremi 2:4

Kaai ɓaa Ɉakɔbə huwu, ka ka wəli tɔɔ Yai-Laa woo ɓa! Kaai ɓaa Israɛlə nu huwu.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Mise 3:9

Ka ka wə́li tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i ɲąąwooɓo nuą, Israɛlə nwɔ pɛ́lɛ́i ɲɛ̨itɔwɔ nuą, a kaai ŋɛ̨i tɛ̨ą wɛli kpɛɛ kaai, kaa mɛ̨nį haŋąą kəlee kpɛlaan.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Lonon mo 11:23

Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Maafîu 3:8

Yili ɓa, 'ka túwɔ́, yɛ nui aa ɲii pələ mąąhvalin.

Ɉaan 8:39

Di nwoo pulu pənə, diɛ mą: «Ku kalaɓɔlɔ ɓaa Abrahamə.» Jesus yɛ diɛ: «Akɛ Abrahamə huwu ɓaa a kaa, ka Abrahamə túwɔ́ pələ həɠə.

Lomaŋ 7:13

Akɛti, ɉɛn nɛlɛɛi ŋɛ̨i, aa kɛ a báá hɛn? Kpaa-o! Ya hvəə, nɛ̨ŋɛ̨n mə gɛ, gɛ́ kɛ a haa mun. Bələi kpɔ nɛ̨ŋɛ̨n nwɔ kɛ pələ kaa la, aa yili kulɔ ponoŋą. Ɉɛn kɛ nɛlɛɛ aa ɉəɠə aa gɛ a báá hɛn. Bələ ɓə nɛ̨ŋɛ̨n ə kɛ la a hɛn yii ɲɔ̨nwɔ̨ɔ̨ dɛɛ gɛi ɓa tɔ́n nwɔ liɛwoo pɔ.

Korɛntə veelɛ 6:12

Gaa ká kwəi, káá ká kwəi loo kuɔ, káá kpinįi ɓə ká kwəi loɔ ká kpɔwɔ ɓa.

Timote veelɛ 3:5

di ɲɛ̨ilai kaa pai kɛi yɛ Yálá kɔ́lɔn nuą, kɛlaa diɛ lənə laa na laa hvaŋą ɓa. Nu taaləɠaa tii diɛ kpɛlimąn, ə́ mąą kwɛa diɛ!