Mise 2:13 - Yálá laawoo hɛɓɛ (dc)

¹³ Nui wolo ɓɔ daa mąąkpɛ hį́í ɓa, aa tɛɛ di ɲɛ̨i tɔwɔ, daa wolo ɓɔ ɉį́i ɓa, daa tɛɛ a pɛlɛ́ laaləi tɔ̨nɔ̨, daa kulɔ nąą bələ, di wɔ tɔɔmun aa tɛɛ di ɲɛ̨i tɔwɔ, Yai-Laa ɓə di nwun na.

Yálá laawoo hɛɓɛ

¹³ Nui wolo ɓɔ daa mąąkpɛ hį́í ɓa, aa tɛɛ di ɲɛ̨i tɔwɔ, daa wolo ɓɔ ɉį́i ɓa, daa tɛɛ a pɛlɛ́ laaləi tɔ̨nɔ̨, daa kulɔ nąą bələ, di wɔ tɔɔmun aa tɛɛ di ɲɛ̨i tɔwɔ, Yai-Laa ɓə di nwun na.

Bible

¹³ Yâwɛɛ a pâi berei kulâi a dîa é díkula luɛ-laa su. A pâi gêtii wôloi díperei dí tɛ́ɛ. Yâwɛɛ ǹyaa kpîŋ ƃé pâi kɛ̂i a díkâloŋ, gɛ́ ƃò dítuɛ.

Mise 2:13 ပူးပေါင်းရင်းမြစ်များ

Lɛɛ gbɔwɔ ɓa 14:19

Yálá nwɔ malakai kɛ vilɛn ŋąą Israɛlə lonnii ɲɛ̨i tɔwɔ, ə tɛɛ di pulu pələ, ə mą kɛ dulɔ kpinįn tii kɛ di tɔwɔ yaa kpɛli.

Azaya 42:7

Yɛ́ ɲɛ̨ipu nuą ɲɛ̨i hvólóon, yɛ́ gaho nąmįną kulɔ di wɔ gahoi ŋą, nuąi kpinį pɛlɛ́ mu kpono ŋą, yɛ́ di kulɔ laa.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Mise 2:12

Gáá pai Ɉakɔbə nwɔ pɛ́lɛ́i kəlee pɛlɛi gee ɓa, gáá pai Israɛlə nu kpəli ɲąąkpɔn ɉii, gáá pai di pui di kee ɓa yɛ Bɔsra ɓɛlaa haaɠaa, yɛ taatɛlɛɛ kpulu a kɛ kala tiliin mɛ̨i, ɛlɛɛ, nu woo kaa pai kɛi tɔɔi di lɔwai.

Mise 3:1

Ya ɓə ŋą́ kɛ kaa: 'Ka ka wəli tɔɔ! Ɉakɔbə nwɔ pɛ́lɛ́i ɲąąwooɓo nuą; Israɛlə nwɔ pɛ́lɛ́i mɛ̨i kaa nuą. Kaamun və kɛ mąąnɛ̨ɛ̨ ka tɛ̨ą kɔ́lɔn?

Mise 4:7

Yiiɠaai da too di kɔ́wɔ mɛ̨i, diɛ ɓə ŋą́ di lɛɠɛ di kee ɓa, ŋą́ di kɛ a nu huwu kpəli, yiiɠaai kwɛa la, ŋą́ di kɛ a nu huwu huwalawala, Yai-Laa yɛ tɔɔlaa kɛ di mɛ̨i Siɔn yee nwuɔ̨, ə həɠə yiihu ɓa ə lɛɛ la ɉu wɔ.

Zakari 10:12

Yai-Laa ɓə pai kɛi a di hvaŋą, naa hu ɓə di kaa pai kɛi hiɛi laa. Yai-Laa woo li.

Hebreu 6:20

Nąą ɓə Jesus ə lɔ laa gu tɔwɔ, gu mąą mɛ̨nį ɓa. Yai gaa a ɉaláá laa həli mun gɛnɛ̨mun a yələ kəlee, yɛ Mɛlkisedɛkə.

Zasua 3:6

Ɉosue ə mo ɉaláá laa həli nuą diɛ, yɛ diɛ: «Ka mįnɛ̨ kəhi həɠə, ka tɛɛ la nuą tɔwɔ. Di mįnɛ̨ kəhi həɠə, di tɛɛ la nuą tɔwɔ.»

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»