Mise 2:11 - Yálá laawoo hɛɓɛ (dc)

¹¹ Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Yálá laawoo hɛɓɛ

¹¹ Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Bible

¹¹ “Núui nɔ́ zɛŋ-kula yêei-kɛ-ƃelai da díwoli tɔ̀ɔ mai, ǹyaa ƃa lɛ́ɛ ɣâla-woo ƃó nuu nyii a kɛ̂ tɛɛ̂i gɛ́ mò ǹyɛɛi, ‘Ŋá pà Ɣâla-woo ƃôi káa a gɛɛ ká lɔɔ támaa sɔlɔ ƃó ká gbèle.’

Mise 2:11 ပူးပေါင်းရင်းမြစ်များ

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Tɔɔɓɛlaa dɔlɔɔ 22:6

Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

Zôo 31:5

Akɛ, kwa lɛ́ɛ́ kwaa ta pələ kpɔn, Gɔ́wɔ́ aa ta li mɛ̨nį ɲɔ̨n bɔ pələ,

Hanwon 25:14

Nui a gbɔwɔ ŋąą kɛnɛ̨, yɛ gaa pai mɛ̨inɛ̨ɛ̨ kɛi hva gɛ, gaa yɛ tulɔi a dɛ hva pu.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Ɉeremi 14:14

Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 23:25

Nuą tii da kɛ mɛ̨nį ɓoi a náá, a lɛɛ, ŋį́ kɛ di woo mɛ̨n ɉii, diɛ kɛ diɛ: «Ŋą́ą́ hįį kaa! Ŋą́ą́ kɛɛ kaa!»

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 28:15

Nąąlɔwai, Yálá kwəi mɛ̨nį hukulɔ mun Ɉeremi yɛ Yálá kwəi mɛ̨nį hukulɔ mun Hanania ɓa: «Ə́ wəli tɔɔ Hanania, Yai-Laa hvə ə́ tɔɔ li, yɛ́ ɓə gɛi, nuą ŋɛ̨i diɛ di kpɔɔ ŋąąkolon a lɛɛ mɛ̨nįɠaa.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Osia 7:14

Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.