Mise 2:1 - Yálá laawoo hɛɓɛ (dc)

¹ Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Yálá laawoo hɛɓɛ

¹ Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Bible

¹ Mɛni kpɔ̂lu a pâi lâai kâa káai ka lâa kágbìŋ-ŋai ŋá a kpíni ká mɛni nyɔ́mɔ kpɛ̀tɛ é pîlaŋ káƃarai dîa, ɣele a ƃɔ̀ ká gɛ́ a dia, kpɛ́ni fêi maa wala-wala-laa káa káyêei.

Mise 2:1 ပူးပေါင်းရင်းမြစ်များ

Zɛnɛse 31:29

Ɉə kaa mą́ą́ ŋį́ mɛ̨nį ɲąąnwąnąą laa kaa, kɛlaa, ə́ nąn nwɔ Yálá ə háá mɛ̨nį ɓo mą́ą́ kpinįi, yɛ mą́ą́: ‹Hvó kɛ ə́ kaa mɛ̨nį ta kɛi a Ɉakɔbə.›

Tɔɔɓɛlaa dɔlɔɔ 21:7

Akabə nɛ̨ą Ɉezabɛlə yɛ mą: «Kɛlɛi yɛ́ kpɔ ɓə Israɛlə lɔi ɲąąwooɓoi-ee! 'Ə́ muhəɠə ə́ kɔ̨nɔ̨n mįi, ə́ ə́ kwəinɛ̨ɛ̨. Ɲą́ą́ ɓə pai Izreɛlə mun Nabɔtə nwɔ viɲə yɛai tɛɛ ə́ pɔ.»

Zôo 15:35

Nui a mɛ̨nį ɲɔ̨n ɉee gwəi, a naayɛɛ a mɛ̨nį ɲɔ̨n. Gílíí kɛ mą lon mə a too gwəi.

Zôo 24:14

Nu paa mun a muhəɠə yələwala pɔ, yɛ yeehvowolomun baa, da mąąwɛli mun, kpinį a pɛlɛ, ə gbɔwɔ kɛ a nwuɔ̨ mun.

Mąątɛ̨nɛ̨ 36:4

Kɛɛ kala mɛ̨nį da nu ɓowo mɛ̨nį lɔ ɓə gaa na, mɛ̨nį lɛlɛɛ kɛ kili hvo mą.

Mąątɛ̨nɛ̨ 36:5

A kɛ ɲəi gbin ɲą, mɛ̨nį ɲɔ̨n nɔ ɓə gɛ gili a too gwəi, ganąnŋąą pələ ɲɔ̨nwɔ̨ɔ̨ ɓa a wəlii kpɔlɔlaa; hva gɛ hvo ɲee kulɔ mɛ̨nį ɲɔ̨n ɉu.

Mąątɛ̨nɛ̨ 58:3

Kpələ-o! Ká kɛ giliɓo, kaa piɛn doo mɛ̨nįɠaa kɛ, ɓɛ yɛnɛ̨ɛ̨, ka kɛ wea mɛ̨nį huwu ɲąątɔɔi, a ka kɛ mɛ̨nįɠaa.

Hanwon 12:2

Nu lɛlɛɛ a Yai-Laa ɲɛ̨i lɛlɛɛ hee gbɔwɔ ɓa, Kɛlaa, nui kiliŋąhiɛ ɲɔ̨nwɔ̨ɔ̨ kaa mą, Yai-Laa a ɉutɔɔ.

Hanwon 14:22

Nu kɛɛ lɔ mɛ̨nį ɲɔ̨n bənəi gwəi yɛ doo, gɛɛ lan bələ mɛ̨i hvə li? Kɛlaa, nui a giliŋąhiɛ mɛ̨nį lɛlɛɛ ɓa, da di kili hvilɛn mą, diɛ di kwəi kwələ mą.

Hanwon 3:27

Nuąi di kaa kpaan ɉu, kpɔmąą tɛɛ di pɔ, akɛ yili ŋą yee pɛli mąą a kɛ yɛ́.

Hanwon 4:16

Nwąnąlɔ nuą di hva yíi, akɛ di hvo mɛ̨nį ɲɔ̨n gɛ li. Da wala mɛ̨nį nwąnąą laa nu ta ɓa, yíi hva pa di ɲɛ̨i.

Azaya 29:20

Mąąhɔlɔɓo, nɔi mɔ̨nɔ̨ɓo-tɔɔɓɛlaa di wɔ yələi kpɛɛi lɔwai li, yɛlɛkulɔ ɉu kɛ nuą nwun na yɛ pili; ɛlɛɛ, nuąi kpɔ mɛ̨nį ɲɔ̨n gɛ kili kaa di kwəi, di kəlee di kaa pai haai:

Azaya 3:14

Yai-Laa kaa nwɔ lɔi hu kalanɉonŋąą, da ɲɛ̨itɔwɔ nuą təlii kiti ɓa, yɛ kɛ diɛ: «Káá ɓə, káá tɛ nwɔ́ kələ́i ɓa, ka hvo ɉɔɔ li! Kaa too mąąwɛli nuą mɛ̨i, di wɔ hɛnŋąąi di ɓo ka yəi bɛlɛ́n.

Azaya 32:7

Hvulumun nwɛi, gɛ mɛ̨nį kəlee a kɛ lɔ a hvulu, a mɛ̨nį ɲɔnŋaa kili tee gwəi, yɛ mąąwɛli nuą nwun na pili la a lɛɛ woo, ə mą kɛ a mąąwɛli nuąi tii, di wɔ tɛ̨ą mɛ̨nį li.

Azaya 5:8

Kpalo ɓɛlaai nuąi da pɛlɛ́ tɔɔ kee la diɛ, diɛ tíi pɛlɛ tíi ɓá, diɛ nɔi kəlee hon, nɔi yɛ lɛɛ diɛ tɔ̨nɔ̨ di yəi.

Azaya 59:3

Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Izikiɛ 11:2

Yai-Laa yɛ mą́ą́: «Hulɔnu lon, nuąi da kɛ piɛn doo mɛ̨nįɠaa mąą kili teei di kwəi, diɛ mɛ̨nį ɲɔ̨n mąą nwun dɔɔ kɛ daai ŋɛ̨i hu, diɛ ka.

Izikiɛ 33:26

Ka kilitɔɔ ka wɔ kɔ́ kɔ́ ɓɔwaɠaai diɛ, kaai a nɛ̨ąą mɛ̨nį mɛlɛkpɛɛmąa, ya ɓə ka gɛ, kaai a ɉinąą, kaa a ɓɛlan gaalon nɛ̨ą kɛ a wɛli. Yili ɓə ka tɔɔ kaa kɛ nɔi ə lɛɛ ka yəi?

Izikiɛ 38:10

Mɛ̨nįi Yai-Laa kaa moi, ya ka: a mąą yələi tii, ə́ kaa pai mɛ̨nį tamąą mąą kili ɲąhiɛ kɛi, ə́ kaa pai kóló ɲɔ̨ŋɔ̨ɔ̨ mąą kili təɠəi ə́ kwəi.

Izikiɛ 46:18

Mąą hvo nɛ̨ɛ̨li, dɔɔmun və nɔi lonnii di wɔ lɔi ta həɠə a toomɛ̨i; gbɔwɔ lɔi ɓə a nonnii kɔ́ ɉu, a kɛ ti, di hva nwɔ́ lɔi hu mun da həɠə nwɔ lɔi mɛ̨i.»

Mise 6:12

Daai ŋɛ̨i hu hɛn gɔw nąmįną kaa lɔ wea mɛ̨nįɠaa hu, ɉu nuą diɛ mɛ̨nį ɓo a nu ɓowo pələ.

Nahumə 1:11

Nui kiliŋąhiɛ ɲɔ̨nwɔ̨ɔ̨ kaa mą yɛ hvilɛn Yai-Laa ɓa, aa kulɔ ə pɔɔli, Ninivə, yai tii mɛ̨nį ɲɔ̨nwɔ̨ɔ̨ kɛ kiliŋąhiɛ lɔ ɓə gaa mąi.

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Markə 15:1

Yələ wala piinɛ̨ɛ̨, ɉaláá laa həli nuą nwun nąmįną da Ɉuifə kalanɉonŋąą, ə mą kɛ, dɔ́n galamɔ̨ɔ̨ɠaa da tɔ́nvili nąmįną kəlee di di nwun dɔɔ. Yili pulu, di Jesus hon di ɲili, də li di dɛɛ Pilatə pɔ.

Lukə 20:19

Dɔ́n galamɔ̨ɔ̨ɠaa da ɉalaa laa həli nuą kpɛa-kpɛaɠaa, di gɔlɔn, diɛ kɛ, diɛ ka tii Jesus ə di mąą hanwɔ̨n ɉɔɔ, kɛlaa, di kɛi ɲɔw nuą diɛ.

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Gɛlaɠaa 23:12

Mąą yələ laaɓoɔ, yələ wala pɔ, Ɉuifə taɠaa di di nwun dɔɔ a loo pələi, diɛ: Di hva kɔ̨nɔ̨n mįi, di hva hɛn da kpələi, yii di hvo ni Polə paa li.

Gɛlaɠaa 23:15

Káá, ká dɔ́n vili nąmįną, ká wɛi ɓaa, ká woo ə laa mą, ká mo ɉolahiɠaa diɛ a gbąnąlaa, káá mą di pa a Polə ká liila yɛ káá kɛi pa mąą mɛ̨nį hukpɛi kpɔ a nɛlɛɛ. Kuɔn, kwaa ku kpɔwɔ pɛli baa mɛ̨nį ɓa, gɛɛ di hvo həli la káá.»

Lomaŋ 1:30

Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Dutɛrɔnome 28:32

Ka lon ɉinąą, da ka lon nɛ̨ą da lɛɛ a nu huwu takpɛliɠaa di wɔɔ; ka ɲɛ̨i a lɛɛ di tɔwɔ, ɛlɛɛ ɉu, ka ɲɛ̨i lon ɉu yɛ haa, kaa di mąą kpɔn, di hva pa, ɛlɛɛ, ka hva pɛli mɛ̨nįi lɔpee ta kɛi ɉu.