Mise 1:6 - Yálá laawoo hɛɓɛ (dc)

⁶ Gáá pai Samari kɛi a kpomói daa nɛɛ gbɔwɔ ɓa, a tíi kɛ lɔi. Ŋą́ nwɔ kwɛniɠaai kiliɠilin, ŋį́ bili ɓoloon ɉu. Gwɛniɠaai daa hvilɛn ŋąą mɛ̨i, ŋį́ di kulɔ nɔi mu, ŋį́ di pu pɔ̨nɔ̨ ŋą.

Yálá laawoo hɛɓɛ

⁶ Gáá pai Samari kɛi a kpomói daa nɛɛ gbɔwɔ ɓa, a tíi kɛ lɔi. Ŋą́ nwɔ kwɛniɠaai kiliɠilin, ŋį́ bili ɓoloon ɉu. Gwɛniɠaai daa hvilɛn ŋąą mɛ̨i, ŋį́ di kulɔ nɔi mu, ŋį́ di pu pɔ̨nɔ̨ ŋą.

Bible

⁶ Maa mɛ̂ni ma Yâwɛɛ è mò ǹyɛɛi, “Mɛni ma ŋa pâi Sameria taa-leei wôloi. Nàa a pâi kɛ̂i nɔ́ yɛ̂ɛ taa pîleŋ ƃɛ́i núu a pɔ̂ri ƃakpɔmɔ-kpalaŋ kɛ̂i naai, ŋá dísiɣaŋ wólo, ŋá gula daai ma ŋa doo gbotoloi su. Ŋa pâi daa-lêei wôloi, bɛ́rɛ-kaŋ-ŋai nɔ́ ƃé pâi lɛɛ̂i tɔɔ̂ni.

Mise 1:6 ပူးပေါင်းရင်းမြစ်များ

Samia Veerɛi 17:13

A li a mąąkilɛ taa ta hu, yɛ nwɔ nuą ɲąąkpɔn gwɛlɛ, gu wɔ nuąi kəlee da li di yɛli too daa ɓa, ə mą kɛ kwɛni pɛlɛ ɓə, hva lɛɛ laa, gu maa taai yala ɲai pələ.»

Tɔɔɓɛlaa veelɛ 18:10

Asiri nuą di nąą hon kwɛlan ɉaaɓa yee mu. Ezekiasə nwɔ tɔɔlaa gwɛlan mɛ̨ida lɔwai li kɛ, yɛ ɓo a Israɛlə tɔɔmun Ose ŋɔ tɔɔlaa gwɛlan mɛ̨inąąn nɔwai, di Samari taa hon.

Tɔɔɓɛlaa veelɛ 18:9

Ezekiasə nwɔ tɔɔlaa gwɛlan nąąn nɔwai, Israɛlə tɔɔmun Ela lon Ose nwɔ tɔɔlaa gwɛlan mɛ̨ihveelɛ lɔwai, Asiri tɔɔmun Salmanasarə ə pa ə kɔlaɠa pɛlɛ Samari ɓa, ə mąą tinɛ̨n.

Tɔɔɓɛlaa veelɛ 19:25

Gbaɠala hvo yɛ́, yɛ́ ŋą́ą́ mɛ̨nįɠaa tii mąą kiliŋąhiɛ kɛ a ɉukwɛa? Hvo gɔlɔn ŋą́ą́ wɔlɔ ɉeekpəlin na kɛ a ɉukwɛa? Yii hu kɛa, mɛ̨nįɠaa tii, gáá bɔ mɛ̨nį kɛi. Mąą laa kaa ə́ yəi, ə́ pɛli taa kpɛa kpɛaa hu ɓuwɔi yɛ kwɛni.

Azaya 17:1

Mɛ̨nįi kponąą di mo yɛ hvilɛn na Damasə, ɓa ya ka: Damasə hvo kɛa pai lɛɛi a taa, gaa pai lɛɛi a taa kpoloon.

Azaya 25:12

Ə́ wɔ taa mąąkpɛ hįi huwiaaɠaai, Yai-Laa kaa pai gəlee pui, yɛ di hu taɠa taɠa, yɛ di pu lɔi ɓa, munuun ɉu.

Azaya 25:2

Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.

Ɉeremi 31:5

Israɛlə! Ə́ kaa nwɔ̨nɔ̨ pai pənəi yɛ́ ɓáwuluɠaa hin Samari yee ton ɉu. Nuąi pai ɉihɛnŋaa tii hin ɉii, diɛ ɓə pai ma kulɔi.

Ɉeremi 51:25

Yɛ́ kpɔ ɓə vílɛn ŋąą ə́ pulu, kɛɛ kalamun, yɛnɛ̨ɛ̨ kəlee hu kalamun; Ɲą́ą́ Yai-Laa nwóó li. Gáá ɲéé kpuwulu kɛi yɛ́, gɛ́ ə́ kulɔ kwɛniɠaa mɛ̨i, gɛ́ ə́ too, gɛ́ ə́ mąą pənə a nwɔ̨n dəŋą yee.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Woolaa 4:1

Gɛ pələ a kɛ ləi yai, Hɛnii a hvələ a ɉɛn ɲɛ̨itɔɔ tii, ɲɛ̨i aa pu-oo? Gɛ pələ a kɛ ləi yai ɉaláá kwɛni mąąhəɠɛɛɠaa tii, daa taga-taɠa gwəliɠaa lɔwai?

Izikiɛ 13:14

Bɛlɛ́ nwąnąi ti ka dɔɔ, gáá pai bui; gwɛniɠaai ka bu mu, ŋį́ gəlee kulɔ. Gaa pai tooi, ɛlɛɛ ka káá pai haai mu. Ka gili kɔ́lɔn nąą lɔwai kaa kɛ Yai-Laa ɓaa a ɲą́ą́.

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Amɔsə 6:8

Nąmu Yai-Laa aa gwɛla a gbɔwɔ, yɛ mą: Ɲą́ą́ Yai-Laa, ɲą́ą́ ɓə gáá a Mɛ̨nį Kəlee ŋą Hééɓomun Yálá! Ɉakɔbə nwɔ huɲąŋą kɛnɛ̨ wɛli hvo mą́ą́, Di wɔ tɔɔ pɛlɛ́ɠaai wɛli hvo mą́ą́. Gáá pai daa lee da ɉu hee ɓo nuą kwɛlii di yowoɠaa diɛ.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Habakukə 3:13

Ya ə́ mąą lɛɠɛ ə́ wɔ nuąi diɛ, yɛ́ di mąą kpɔnmąą ɓo. Tɔɔmun yii ə́ ɉəɠə ɉu, ya mąą kpɔnmąą ɓo. Ya nwąnąlɔ nuą nwun nąmu kɛlɛ, yɛ́ ɲee pɔ nuą nwun napili hvina kulɔ

Maafîu 24:2

Jesus ə mo diɛ yɛ diɛ: «Kaa yiiɠaai kaa? Gáá moi kaa a tɛ̨ą, kwɛni hvo pai lɛɛi kwɛni mɛ̨i; gəlee kaa pai taɠai.»