Mise 1:13 - Yálá laawoo hɛɓɛ (dc)

¹³ Lakisə nɛ̨ɛ̨nu, ɉooɠaa kpulɔn nwotolo ɓa; nąą ɓə Siɔn nɛ̨ɛ̨gbɛla nwɔ nɛ̨ŋɛ̨n kpala ə tɔɔlaa. Mąąhɔlɔɓo, ə́ pɔɔli ɓə Israɛlə ə nwɔ kulɔ nwoo mu laa kɛ laa.

Yálá laawoo hɛɓɛ

¹³ Lakisə nɛ̨ɛ̨nu, ɉooɠaa kpulɔn nwotolo ɓa; nąą ɓə Siɔn nɛ̨ɛ̨gbɛla nwɔ nɛ̨ŋɛ̨n kpala ə tɔɔlaa. Mąąhɔlɔɓo, ə́ pɔɔli ɓə Israɛlə ə nwɔ kulɔ nwoo mu laa kɛ laa.

Bible

¹³ Káai a Laki-ƃelai, ká kásoo-ŋai kpulɔ̂ŋ dísia keleŋ-ŋai dîa ká pú. Káa ƃé gɛ̀ Zerusâlɛŋ-ƃelai dí sɔnyɔ̂ŋ kɛ́, kpɛ́ni fêi, ká káyee pù Eezuɛ-ŋai dísɔnyɔ̂ŋ su.

Mise 1:13 ပူးပေါင်းရင်းမြစ်များ

Zɛnɛse 19:17

Yii kɛa di kulɔ daai, malaka hveelɛ tii dɔ̨nɔ̨ yɛ Lɔtə ɓa: «Pu ə́ li, ə gɛ, ə́ ə́ nwun mąąɓo, yá kɛi li, hvə ə́ pulu kaa hvo nwɔ̨nɔ̨ tɔɔ bələi, li ɲee tii ɓa, ə́ ə́ nwun mąą kilɛ laa, hvo pa lɛɛ ɉu.»

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Tɔɔɓɛlaa veelɛ 14:19

Di nɔgilii kɛ mą Ɉerusalɛmə daa, ə pu ə li Lakisə, di nuą laŋąn mą Lakisə, di baa laa.

Tɔɔɓɛlaa veelɛ 18:17

Asiri tɔɔmun ə lɛɛ Lakisə daai, ə nwɔ kɔ́kulááɠaa kəlee ɲɛ̨itɔwɔmun, da gɔ́laɠa nwun nąmu, ə mą kɛ, nwɔ kɔ́ kɔ́ hɛnŋąą həɠə mu, ə di tɔɔ Ɉerusalɛmə tɔɔmun Ezekiasə pɔɔli, da kɔ́kuláá kpulu kɛnɛ̨. Di pa, di həli Ɉerusalɛmə. Di pa di tɔɔ ɓɛi a ɲá heei kɛnɛ̨ ɓa ɲələi pələ nąą kwɛlɛ, bələi tii a li ɉəɠə waa mun bɔ yɛa pələ, mɛ̨i.

Tɔɔɓɛlaa veelɛ 8:18

Ə hvilɛn Israɛlə tɔɔɓɛlaa di wɔ túwɔ́ pələ ɲɔ̨n bulu, yɛ bələi kpɔlɔɔ Akabə yəi bɛlɛ́n nuą di wɔɔ túwɔ́ pələ ɲɔ̨n ə kɛ la. Gbala ə tɔɔ, ə Akabə lon nɛ̨ɛ̨nu həɠə a nɛ̨ą. Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ.

Kɔlɔnikɔ Veerɛi 11:9

ə Adoraimə taa tɔɔ, ə Lakisə taa tɔɔ, ə Azeka taa tɔɔ,

Kɔlɔnikɔ Veerɛi 32:9

Yili kulaa ɉu, Asiri tɔɔmun Senakeribə da nwɔ kɔlaɠai kəlee di pa, di kɔlaɠa pɛlɛ Lakisə taa ɓa. Ə nuą tɔɔ Ɉuda tɔɔmun Ezekiasə pɔ Ɉerusalɛmə, da Ɉuda nuą kəlee diɛ, yɛ diɛ:

Zôo 39:10

Ə́ kaa mɔ̨ɔ̨ pai ə́ wɔ kɛɛhi kalii kpulɔn ɉii ma? Ya ɓə mɔ̨ɔ̨ pai kɛi ə́ wɔ kɛɛi kpɛŋɛn ɉii?

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Azaya 10:31

Kpalo aa Anatotə kaa, Madmena kaa nwun mąą kilɛi. Gevimə nuą diɛ tɛɛ a gilɛ.

Azaya 36:2

Asiri tɔɔmun, ə lɛɛ Lakisə, ə nwɔ kɔ́kuláái gɛnɛ̨mun dɔɔ, tɔɔmun Ezekiasə pɔɔli Ɉerusalɛmə, da kɔlaɠa kpulu kɛnɛ̨. Ə pa, ə tɔɔ ɲá nwuɔ̨ pələ ya haɠai, ɉəɠə waa pələ kwɛlɛ.

Azaya 37:8

Gɔ́kuláai tii ə pənə ə li Asiri tɔɔmun bɔ, yili aa kɛ kɔ́ pɛlɛ Livna taa ɓa, ə bələ mąn diɛ mą tɔɔmun aa kɛ həɠə Lakisə daai.

Ɉeremi 3:8

Ɉuda ɲɛ̨i heɛ kɛ mą́ą́, Israɛlə ŋɛ̨i aa nwóó lɛɛ, gɛ́, kuɔ hilɛtaai taɠa towələ tɛɛ bɔ, gɛ gbɛ, yɛ nąą kaa. Ɉuda yii gaa a gaayɔwɔ, yai hvo nwoo pulu, yili hvo mąą kpɛlin. Yaa kpɛli mąn, ə li ə ɲee too wɛli hon ŋąą hu.

Ɉeremi 34:7

Ɓɛlɔwai Babilonə tɔɔmun ə kɛi gɔ́ pɛlɛ la Ɉerusalɛmə taa ɓa, da Ɉuda taaɠaai kɛi tɔɔ na, yɛ bələi Lakisə da Azeka di kaa laa, mąąhɔlɔɓo, diɛ ɓə a Ɉuda taaɠaai di mąąkpɛ hįi ə kɛ diɛ; di hvo ni kɛ daa hveelɛi tii hon ni.

Ɉeremi 4:29

Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Izikiɛ 23:11

Nəɠə Oholiba ə mɛ̨nįɠaai ti kəlee kaa, kɛlaa nwɛi ə ɲɔ̨nwɔ̨, ə wɛli hon ə tɛɛ niə ɓa; nwɔ wɛli honŋąą ə kɛɛ kala ə tɛɛ niə ɓa.

Mise 1:5

Yili ə kɛ tii a Ɉakɔbə nwɔ kulɔ nwoo mu laa laa pɔɔ, a Israɛlə nwɔ pɛ́lɛ́i nwɔ nɛ̨ŋɛ̨nŋaa laa pɔɔ. Ɉakɔbə nwɔ kulɔ nwoo mu ɓaa a lə? Samari hvəi? Ɉuda nwɔ haliɠaai kɔ́i ɓaa a mį? Ɉerusalɛmə hvəi?

Zasua 10:3

Ɉerusalɛmə tɔɔmun Adoni-Sedɛkə ə nuą tɔɔ Hebrɔn tɔɔmun Hohamə pɔɔli, da Yarmutə tɔɔmun Pireamə, da Lakisə tɔɔmun Yafia, da Ɛglɔn tɔɔmun Devirə, yɛ diɛ:

Zasua 15:39

Lakisə, Bɔskatə, Ɛglɔn,

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.