Mise 1:1 - Yálá laawoo hɛɓɛ (dc)

¹ Nwooi Yai-Laa ə mo Morɛsɛtə mun Mise ɓa, a Yotamə da Akazə, ɛlɛɛ Ezekiasə, Ɉuda tɔɔɓɛlaa di wɔ tɔɔlaa yələi; gɛɛi ə gaa yɛ hvilɛn na Samari da Ɉerusalɛmə diɛ, ya ka:

Yálá laawoo hɛɓɛ

¹ Nwooi Yai-Laa ə mo Morɛsɛtə mun Mise ɓa, a Yotamə da Akazə, ɛlɛɛ Ezekiasə, Ɉuda tɔɔɓɛlaa di wɔ tɔɔlaa yələi; gɛɛi ə gaa yɛ hvilɛn na Samari da Ɉerusalɛmə diɛ, ya ka:

Bible

¹ Ŋ̀óo-ŋai ká ŋí Yâwɛɛ è mò Maka mai. Maka è kɛ̀ a Morɛsɛ taai su nuu. Ŋ̀orɛ̂-wooi ŋí è kɛ̀ a bîlaŋɔɔ Sameria da Zerusâlɛŋ dîa. Yâwɛɛ è ŋ̀orɛ̂-wooi ŋí tɛ̀ɛ a tãi Zotaŋ, Eeɣa da Ɛsekaya dí kɛ̀ la a kâloŋ-ŋa Zuda lɔii su a tɛɛ-ŋai.

Mise 1:1 ပူးပေါင်းရင်းမြစ်များ

Tɔɔɓɛlaa veelɛ 15:32

Remaliahu lon Peka, yai kɛ a Israɛlə tɔɔmun nwɔ tɔɔlaa gwɛlan veelɛ lɔwai ɓə, Ɉuda tɔɔmun Oziasə lon Yotamə ə tɔɔlaa hɔlɔɓo la.

Tɔɔɓɛlaa veelɛ 15:5

Yai-Laa ə tɔɔmun gɛlɛ, hvólóɲɔ̨n ə yɛɛ la, ɲɔ̨n tii ə lɛɛ mą, ə lɛɛ la ɉu ɉaa yələ ə ɉəli la; ə kɛ pɛlɛ́ ta mu a dee, ɛlɛɛ, non Yotamə, yai kɛ dɔɔ pɛlɛ́ nwun na, ya ɓə kɛi nuą ɲąąwooɓo.

Tɔɔɓɛlaa veelɛ 16:1

Remaliahu lon Peka nwɔ tɔɔlaa gwɛlan bow gɔw mɛ̨ihveelɛ lɔwai, Yotamə lon Akazə ə tɔɔlaa hɔlɔɓo Ɉuda lɔi hu.

Tɔɔɓɛlaa veelɛ 18:1

Ela lon Ose yai kɛ a Israɛlə tɔɔmun nwɔ tɔɔlaa gwɛlan ɉaaɓa lɔwai, Ɉuda tɔɔmun Akazə lon Ezekiasə ə dɔɔlaa hɔlɔɓo.

Kɔlɔnikɔ Veerɛi 28:1

Akazə kaa kwɛlan ə kɛ a kwɛlan bow hveelɛ, yɛ dɔɔlaa hɔlɔɓo. Ə tɔɔlaa kɛ a kwɛlan bow kɔ́w mɛ̨ida Ɉerusalɛmə daai. Hvo túwɔ́ a nɛlɛɛ yɛ bələi nąn Davidə ə túwɔ́ la a nɛlɛɛ Yai-Laa ɲɛ̨i ɓa.

Kɔlɔnikɔ Veerɛi 29:1

Ɓɛlɔwai Ezekiasə ə tɔɔlaa hɔlɔɓo la, gaa kwɛlan ə kɛ pow hveelɛ gɔw lɔɔli, ə dɔɔlaa kɛ kwɛlan bow hveelɛ gɔw mɛ̨inąąn ɲeemu, Ɉerusalɛmə daai. Nee ɓa kɛ a Ɉekaryahu lon Aviya.

Azaya 1:1

Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Azaya 7:1

Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Azaya 7:9

Ɛfraimə lɔi daa lee ɓaa Samari, ɛlɛɛ, Remaliahu lon nwɔ tɔɔlaa kɛi lɔ ɓaa Samari. Ka wala laa na, ka hvo pai lamui.»›»

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Osia 1:1

Mɛ̨nįi Yai-laa ə mo Beeri lon Ose ɓa, ɓɛlɔwai Oziasə, Yotamə, Akazə da Ezekiasə di kɛ la a Ɉuda tɔɔɓɛlaa; ɛlɛɛ, Ɉoasə lon Ɉeroboamə ə ɓo a Israɛlə tɔɔmun.

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Amɔsə 1:1

Amɔsə ŋɛ̨i kɛ a Tekoa daai mun, yɛ ɓɛlaa tɔɔ, ya ɓə Ną́mu Yai-Laa ə wɛlɛɛ ɓo mą, yɛ hvilɛn na Israɛlə ɓa; ɓɛlɔwai Oziasə ə kɛ la a Ɉuda nɔi tɔɔmun, ɛlɛɛ, Ɉeroboamə ŋɛ̨i kɛ a Ɉoasə lon, ə ɓo a Israɛlə nɔi tɔɔmun. Di nwɛlɛɛi tii ɓoɔ mą, kwɛlan veelɛ tɛɛ pulu ɓə, nɔi ə kpɛlinŋąą kɛnɛ̨ ə kɛ la.

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Mise 1:5

Yili ə kɛ tii a Ɉakɔbə nwɔ kulɔ nwoo mu laa laa pɔɔ, a Israɛlə nwɔ pɛ́lɛ́i nwɔ nɛ̨ŋɛ̨nŋaa laa pɔɔ. Ɉakɔbə nwɔ kulɔ nwoo mu ɓaa a lə? Samari hvəi? Ɉuda nwɔ haliɠaai kɔ́i ɓaa a mį? Ɉerusalɛmə hvəi?

Mise 3:9

Ka ka wə́li tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i ɲąąwooɓo nuą, Israɛlə nwɔ pɛ́lɛ́i ɲɛ̨itɔwɔ nuą, a kaai ŋɛ̨i tɛ̨ą wɛli kpɛɛ kaai, kaa mɛ̨nį haŋąą kəlee kpɛlaan.

Habakukə 1:1

Mɛ̨nį Yálá ə ɓo gwəi mɛ̨nį hu kulɔ mun Habakukə ɓa hį́i pələ, yɛ mo a lolo ya ka:

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.