M̀ɛni-lɛɛi 9:3 - Yálá laawoo hɛɓɛ (dc)

³ Peeləɠaa di kulɔ nului tii hu, di pɛlɛ lɔi mɛ̨i nąą kəlee. Di hvaŋą ta tɛɛ di pɔ, yɛ ɲɔ̨n-gaaləɠaai lɔi mɛ̨i.

Yálá laawoo hɛɓɛ

³ Peeləɠaa di kulɔ nului tii hu, di pɛlɛ lɔi mɛ̨i nąą kəlee. Di hvaŋą ta tɛɛ di pɔ, yɛ ɲɔ̨n-gaaləɠaai lɔi mɛ̨i.

Bible

³ Goto-ŋa dí kùla ŋurii sú dí pá ǹɔii su. Dí wala-wala tɛ̀ɛ dípɔ yɛ̂ɛ ŋwála-walai gáa zɛŋkpɛ̂ yêei ǹɔii mai.

M̀ɛni-lɛɛi 9:3 ပူးပေါင်းရင်းမြစ်များ

Tɔɔɓɛlaa dɔlɔɔ 12:11

Ə həɠə yiihu ɓa, yii ną́n ə tiɛ̨ wiɛ laa ka nwuɔ̨, nwɛi gáá pai nwiɛ yee ta pɛlɛi mą. Yii ną́n ə kɛi ka hutɔɔ a hvaɠa nwɛi gáá pai ka hutɔɔi a galakpa, kwɛli ə ɓo ɉunwɔ̨ la.»

Kɔlɔnikɔ Veerɛi 10:11

Ə həɠə yiihu ɓa, yii ną́n ə tiɛ̨ laa ka nwuɔ̨i, ɲą́ą́n, gáá pai ka wɔɔ tiɛ̨i ta pɛlɛi mą. Ną́n ə kɛi ka hutɔɔ a galagba, ɲą́ą́ nwɛ̨́i, gáá pai gɛi a kwɛli hvaɠa ɲąąlən dɔɔ mą.›»

Kɔlɔnikɔ Veerɛi 10:14

Tɔɔmun ə hvaa di pɔ, yɛ bələi ɉilɛlɛaa di niɛwoo kɛ la, diɛ kɛ mą: «Ną́n ə ka tiɛ̨ wiɛ, ɲą́ą́n gáá nwiɛ yee ta pɛlɛi mą. Ną́n ə ka hutɔɔ a galagba, ɲą́ą́n gáá pai gɛi a galagbai ɲąąlən dɔɔ mą a kwɛli.»

Azaya 33:4

diɛ ka wɔ kɔ́ hon bu gee mɛ̨i, yɛ peeləɠaa, diɛ pu mɛ̨i yɛ ɉaiɠaa da kɛi pu hɛn mɛ̨i.

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Zooɛ 1:4

Yii gbəligbiɛ̨ a nɛɛ laa, peelə a gəlee mį́i. Yii peelə a nɛɛ, hvili aa gala Yii hvili ə nɛɛ, ɉái aa mį́i.

Zooɛ 2:25

Yai-Laa woo ka, yɛ diɛ: Gwəlanŋąa kpɔ, gbəligbiɛɠaa da peeləɠaa, ɉaiɠąa da hviliɠaa, diɛi a nwɔ́ kɔlaɠai diɛ ŋį́ ɲąątɔɔ kaa, diɛ kɛɛ kala la kaa; Ŋą́ gəlee pɔɔi kulɔ ɉu.

Nahumə 3:15

Nąą ɓə nwɔ̨n gaa pai ə́ hu kalai laa, gɔ́ kɔ́ ɓɔwa yɛ ə́ paa laa, di kaa pai ə́ mįi, yɛ bələi peelə a hɛn mįi la. 'Ka ka ɲąąkpɔn yɛ ɉailonŋąą, 'ka ka ɲąąkpɔn yɛ peeləɠaa.

Nahumə 3:17

Ə́ wɔ hɛɓɛ́ kɛ nuąi puɔ kɛ di kee mɛ̨i, yɛ peeləɠaa, ə́ wɔ ɲɛ̨itɔwɔ nuąi di ɓo yɛ kwɛ̨in gbulu, diɛ pɛlɛ gumunŋąą diɛ, a kwɛlɛ yələ; hvóló a kulɔ, gəlee diɛ di muhəɠə, ɓɛi di kaa lii laa, nu hvo nąą kɔ́lɔn.

Lukə 10:19

Jesus yɛ diɛ: «Ka ka wəli tɔɔ, ŋą huwalawala tɛɛ ka pɔ, kaa hiɛ kaalə mɛ̨i da ɲɔ̨n-gaalə, ə lɛɛ, ka ɓilihi nwɔ huwalawalaɠaa kəlee hu taɠa. Mɛ̨nį ɲɔ̨n nɔpee ta hvo kɛ a kaa.

Dutɛrɔnome 8:15

Ya ɓə gɛ, kaa ɉiɛ kulɔ nɔi pun mąą ɲɔwuɔ kɛnɛ̨ɛ̨ hu, ɓɛi kaalə ɲɔ̨nwɔ̨ɔ̨ɠaa di kɛ laa, da ɲɔ̨ngaaləɠaa; ɓɛi kpələ wɛli a nu paa laa, yaa tii ɓə yá kulɔ kwɛni kpuwulu hu, yɛ tɛɛ a gboloon gɛnɛ̨.

M̀ɛni-lɛɛi 9:5

Di tɔn dɔɔ diɛ, diɛ mą, di hvo di paa, kɛlaa, di di mɔ̨nɔ̨ɓo ɲąnįn nɔɔli yee mu. Ɛlɛɛ, mɔ̨nɔ̨i da naa nuą diɛ, nwąną pələ a kɛ yɛ, ɲɔ̨n-gaalə a nu ɓon.

M̀ɛni-lɛɛi 9:7

Beeləɠaa tii di kɛ yɛ da kɔ́-kɔ-hoo mąąyili yɛ li kɔ ɓa, ə kɛ yɛ hɛni ɓɔlɔ a kɛ di nwuɔ̨, ɛlɛɛ, di ɲɛ̨ilaiɠaa di ɓo yɛ nu kan.

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.