M̀ɛni-lɛɛi 9:21 - Yálá laawoo hɛɓɛ (dc)

²¹ Nuą tii di hvo gɛ, di hvo kpɛla, nu paa ɓa, di wɔɔ wulu mɛ̨nįɠaa, di wɔɔ wɛlikɛɛ, ə mą kɛ, di wɔɔ nwuɔ̨ kɛ mɛ̨nįɠaa.

Yálá laawoo hɛɓɛ

²¹ Nuą tii di hvo gɛ, di hvo kpɛla, nu paa ɓa, di wɔɔ wulu mɛ̨nįɠaa, di wɔɔ wɛlikɛɛ, ə mą kɛ, di wɔɔ nwuɔ̨ kɛ mɛ̨nįɠaa.

Bible

²¹ Ǹûai ŋí dífe dílii pene ní núu-paa mɛni ma, kpaa máŋ wulu mɛni ma, kpaa máŋ wulu-wulu kɛ-mɛni ma, kpaa máŋ ŋuma-kɛ-mɛni ma.

M̀ɛni-lɛɛi 9:21 ပူးပေါင်းရင်းမြစ်များ

Azaya 47:12

'Lɛɛ kani ə́ wɔ tɔlikpɛ mɛ̨nįɠaai pulu, da ə́ wɔ ɲeąkpɛ mɛ̨nįɠaai, diɛi wɔlɔ yáá ə́ kpɔwɔ hviikpɛɛ di pulu, ə həɠə ə́ muhəɠəi lɔwai ɓa, ə kɛ ə́ kwəi ə́ kaa pai tɔ̨nɔ̨ hɔlɔɓoi ɉu, diɛ pɛli ə́ kulɔi mɛ̨nįi.

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Azaya 57:3

Ka wɛi, 'ka lɛɠɛɓɛ, dɔlu kpɛ nɛ̨ɛ̨nu lonnii, wɛli hon ɉilɛnu, da wɛlikɛnɛ̨ɛ̨nu di lon.

Danîa 11:33

Nuąɠaai tii lɔwai, yiiɠaai di nwun gaa di hu, da di ɓɛlaa liɛwoo kɛ, kɛlaa, lɔwai tawolo tɛɛ pulu, di kaa pai daɠaa pai, di daɠaa kələn, di daɠaa yəi hɛnŋaa kulɔ di yəi, di di too gaho ŋą.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

M̀ɛni-lɛɛi 13:13

Ə kɛli kwɛlɛɛn mɛ̨nį kpɛa-kpɛaa kɛ, yɛ nwɔ̨n gulɔ yələi yɛ ɲɛɛ lɔi ɓa, nu kəlee ɲɛ̨i ɓa.

M̀ɛni-lɛɛi 13:15

Di mąąlaa tɛɛ bɔ, əgɛ, ə ɉuwɔ tii mąąnįnįn nɔ̨ɔ̨ too ɉu, yɛ pɛli hvaai, ɛlɛɛ, nui a wala kwɛli hvilɛn ɉuwɔi tii mąąnįnįn ma, yɛ pɛli baai.

M̀ɛni-lɛɛi 13:7

Di mąąlaa tɛɛ bɔ, ə gɛ, ə kɔ́ pɛlɛ mąąhəɠə nuą diɛ, ɛlɛɛ ɲee ə tɛɛ diɛ, ɛlɛɛ, di hvaŋą tɛɛ bɔ nu huwu kəlee mɛ̨i, nu kəlee mɛ̨i, da hįi woo ɓo nuą kəlee.

M̀ɛni-lɛɛi 14:8

Ɛlɛɛ, malaka veelɛnąą, ə lɛɛ bulu, yɛ mą: «Aa too, aa too! Babilonə daa-lee kɛnɛ̨i aa too! A yai lɔɔ tɔɔ lɔi kəlee la, a nwɔ wɛlikɛ lɔɔ kpəɠiɛi.»

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 17:2

Yaa tii ɓə lɔi mɛ̨i tɔɔɓɛlaa daa di kpɔwɔ too bɔ nwɛlikɛɛ tii hu, ɛlɛɛ, nwɔ wɛlikɛ lɔɔ tii aa lɔi mɛ̨i nuą, hon.»

M̀ɛni-lɛɛi 17:4

Nɛ̨ɛ̨nui tii mąą yiliɛ a nįnį-kɔlɔ həɠə kpɔluɔ gbələtətə, mąą puɔ, a hɛni, a kúwɔ-kwɛnį lɛlɛɛɠaa. Hɛni kpələkɔwɔ ə kɛ yee ɲą, naahvɛɛ a mɛ̨nį kɔhɔɓoɔɠaa: a ŋą wɛlikɛ mąąliɓi túwɔ́ɠaa.

M̀ɛni-lɛɛi 17:5

Laa ta pɛ̨ɛ̨ dɔwɔla, a mɛ̨nį hu kpinįɛ, diɛ kɛ mą: «Babilonə daa-lee kɛnɛ̨i, yai a nwɛlikɛ nɛ̨ąą, ɛlɛɛ, da mąąliɓi túwɔ́ɠaai kpɔ lɔi mɛ̨i, di lee.»

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.