M̀ɛni-lɛɛi 9:20 - Yálá laawoo hɛɓɛ (dc)

²⁰ Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.

Yálá laawoo hɛɓɛ

²⁰ Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.

Bible

²⁰ Núu-kpune kpeli-ŋai, nyíi-ŋai dífe dípaa ni a mɛni-kpɔlu-sii saaƃai ŋí, dífe dílii pene ni dítii-ŋai dí gɛ̀i mɛ̂ni mà, kpaa máŋ dífe kpera ni nyînaŋ nyɔ́mɔɔ-ŋa fɛliɛ ma da ŋ̀âla-pɔɔkɔ̂ŋ-ŋai nyíi-ŋai díkpɛtɛ a gôo, káne, ƃara, kɔni, da wurii, nyíi-ŋai dífa kwaa kâa, kpaa máŋ dífa mɛni mɛ̂ni, kpaa máŋ dífa siai.

M̀ɛni-lɛɛi 9:20 ပူးပေါင်းရင်းမြစ်များ

Tɔɔɓɛlaa veelɛ 22:17

Mąąhɔlɔɓo, daa həɠə búlú, diɛ wulɔ kun nɛ̨ɛ̨ kələn haliɠaa diɛ a mɛ́lɛ too pələ di túwɔ́ pələ hu. Níí aa kələn gwə́i kɛnɛ̨ gɛɛnąą ŋɛ̨i pɔ, ə lɛɛ, níí hvo pai laai.

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Kɔlɔnikɔ Veerɛi 34:25

gbala ə tɔɔ, daa nɛ̨́ɛ̨́ laa, diɛ lansan kələn haliɠaa diɛ, diɛ hvaa tee mą́ą́ a di gɛ mɛ̨nįɠaa. Nwɔ́ɔ́ liiholi kaa pai pui gɛɛnąą ŋɛ̨i mɛ̨i, hva kpɛla mą.

Mąątɛ̨nɛ̨ 106:37

Di kɛi di lon ɉinąą, da di lon nɛ̨ąą kulɔ a haláá, ɲįnɛ̨nŋąą diɛ.

Azaya 2:8

Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Azaya 41:7

Gwɛli yɔw mun gaa vulɔ hvɛɛ mun vaŋą lɔi, nui mądalan gaa ɲəi, yɛ ɉumu nąmu hvaŋą lɔ, a ɉali mąą nįnįn nąą kəlee hee kɛa gee la, yɛ diɛ: «Aa pɛli.» Ə gəlee kpɔn kɛa gee ɓa a nɛlɛɛ, hvo pa nee kulɔ gee la.

Ɉeremi 1:16

«Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Ɉeremi 25:6

Ká hvo kɛ ka káá hvilɛn ɉii haliɠaa pulu, kaa tí diɛ, ɛlɛɛ, kaa kwɛli hvilɛn diɛ. 'Ká hvo kɛ ka káá nwą́ną lɔi a ka túwɔ́ pələ, və́ pa mɛ̨nį ɲɔ̨n naa káá.›

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 51:17

Nu kəlee da lɛɛ lɔ tín, di hva pɛli hvaai, di hva mɛ̨nį ŋąą kaa. Hali pɛli nuą kəlee diɛ nwumɛ̨ di wɔ haliɠaai mąą mɛ̨nį hu, di wɔ haliɠaai, mąą mɛ̨nįɠaa kaa a lɛɛ, di nɔ̨ɔ̨ hvo di hu.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Danîa 5:4

Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.

Levetekɔ 17:7

A kɛ ti di hva kɛa di wɔɔ taatɛlɛɛɠaa ta kulɔ a haláá ɲinɛ̨n ma yai a kɛ di ɲąątɔɔi a túwɔ́ pələ ɲɔ̨nŋąą. Yələ kəlee tɔ́n ga tii, a kwɛlan gəlee mɛ̨nį.

Mise 5:13

Gáá pai ɉaláá wuluɠaa kəlee kulɔi ə́ pɔɔli, gɛ́ ə́ wɔ taaɠaai pu.

Maafîu 21:32

Mąąhɔlɔɓo, Ɉaan ə pa ə tɛ̨ą hu hiɛ ɓo pələ lɛ kaa, ka hvo laa na. Kɛlaa, niihɔ̨nwɔ̨ kulɔ nuą da wɛli hon nuą di laa na. Ka wɛi, pələi mąn ka mɛ̨nįɠaa tii kaa la, ka hvo ka túwɔ́ pələ ɲɔ̨nwɔ̨ɠaa mąąhvelən ni ka hvo laa na.»

Gɛlaɠaa 17:29

«Yii kani gu kaa a Yálá huwu, mąą hvo nɛ̨ɛ̨li, gu hvo kɛ diɛ, Yálá kɛ pələ kaa yɛ hɛni, yɛ wali kwɛli, a wala kɛ ti, yɛ kwɛni, a hɛn da ɉaɠa a yɛlɛ́, a nu kanŋaa di wɔɔ kilikɛɲəi laa.

Gɛlaɠaa 19:26

ɛlɛɛ yaan, ya ka tii ka káá nąą kaai, awala kɛ tii, káá bələ mɛ̨n, hvo lɔ a Efɛsə yaa tɔ̨nɔ̨, kɛlaa Asi lɔi nąą kəlee, Polə aa pili nu kpulu kɛnɛ̨ɛ̨ wəlii a nwɔ kalan nwooi, yai a kɛ la diɛ: ‹Ɲáláɠaai gwa kɛ di pɛlii a gu yee, di hvo a yáláɠaa.›

Gɛlaɠaa 7:41

Mąą yələi tii, di nįŋɛ̨ lon bɛli, diɛ hálaa kulɔ ɉalii ti ɓa, diɛ di kɛ kólói tii mąą kwəinɛ̨ɛ̨ kulɔ.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Dutɛrɔnome 32:17

Diɛ haláá kulɔ ɲinɛnŋąą diɛ, diɛi di hvo a Yálá. A haliɠaa di hvo kpɛli di kɔ́lɔn, a pa wɛɛ haliɠaa, diɛi di nąnni di hvo gɔlɔn.

Dutɛrɔnome 4:28

Ka kɛ laa haliɠaa yee mu yii nuą di bɛli a di yee, di ɓo a wulu, a kwɛni; di hva pɛli kɛɛ kaai, di hva pɛli mɛ̨nį mɛ̨n ɉii, di hva pɛli kɔ̨nɔ̨n mįi, di hva pɛli hɛn gun mɛ̨n ɉii.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

M̀ɛni-lɛɛi 15:1

Ɛlɛɛ, ŋį́ laakpala mąą mɛ̨nį kɛnɛ̨ ta kaa yələ kwəi, ŋį́ malaka mɛ̨ihveelɛ kaa, mɔ̨nɔ̨ mɛ̨ihveelɛ yɛ ɓo di yəi, a gbəli-kpəli, mąąhɔlɔɓo, diɛ ɓə Yálá nwɔ lííholi naa kulɔi kaa di hu.

M̀ɛni-lɛɛi 16:8

Malaka nąąnną ə nwɛi hu ɓo vóló ɓa. Di mąąlaa tɛɛ bɔ, yɛ pɛli nu kanŋaa kələn ɉii a nwɔ nwɔ̨n.

M̀ɛni-lɛɛi 9:19

Mąąhɔlɔɓo, ɉooɠaa di hvaŋą ə kɛ di la, da di won ɉu. Yaan di won ə kɛ yɛ kaalə, di nwun ganįn ə ɓo di ɲą, ɛlɛɛ, yili ɓə di kɛli nu kanŋaa mɔ̨nɔ̨ɓo la.

M̀ɛni-lɛɛi 9:21

Nuą tii di hvo gɛ, di hvo kpɛla, nu paa ɓa, di wɔɔ wulu mɛ̨nįɠaa, di wɔɔ wɛlikɛɛ, ə mą kɛ, di wɔɔ nwuɔ̨ kɛ mɛ̨nįɠaa.