M̀ɛni-lɛɛi 9:14 - Yálá laawoo hɛɓɛ (dc)

¹⁴ Yɛ kɛ mąlaka mɛ̨idanąą tii dulu hvɛɛ mą: «Malaka nąąn tii di yiliɛ a ɲɔwɔn Eufratə ɲálee kɛnɛ̨ kwɛlɛ, di hvoloon.»

Yálá laawoo hɛɓɛ

¹⁴ Yɛ kɛ mąlaka mɛ̨idanąą tii dulu hvɛɛ mą: «Malaka nąąn tii di yiliɛ a ɲɔwɔn Eufratə ɲálee kɛnɛ̨ kwɛlɛ, di hvoloon.»

Bible

¹⁴ Ŋ̀óoi è m̀o Ŋ̀âla-taa-kela-ŋai mɛi da-ɣelei mâ nyíi durii è kɛ̀ ǹyêei, nyɛɛi, “Ŋ̀âla-taa-kela náaŋ nyíi-ŋai díɣiriɛi ǹyá kɛ́tɛi lá da kɛ̂ ma Yufeletii, í tée dîa dí li.”

M̀ɛni-lɛɛi 9:14 ပူးပေါင်းရင်းမြစ်များ

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 2:14

Ɲá ɉaaɓanąą laa ɓaa a: Tigrə. Yili ka tii a kɛ tɛɛi Asurə taa voló həɠəi pələ. Ɲa nąąn gɛɛnąą laa ɓaa a: Eufratə.

Samia Veerɛi 8:3

Davidə ə pənə ə Sova tɔɔmun, Rehɔvə lon Hadadɛzɛrə hon a kɔ́; ɓɛlɔwai yili ə kɛ bɔ ə nwɔ ɲąąwooɓolaa hee la Eufratə ɲálee kwɛlɛ pələ.

Ɉeremi 51:63

Seraya, yá kpɛɛ a ɉɛɓɛ́i ŋɛ̨i ɓoɔ, kwɛni kpuwulu yili mą, ə́ bili Eufratə ɲá hamąi.

Dutɛrɔnome 1:7

Ka ka muhəɠə, ka ɉon a Amɔrə yee hu pələ, da gwɛlɛ nuą kəlee di wɔ lɔi hu, Ɉurdɛn ɲá-ɓoloon bɔ pələ, ɲee lɔi hu, nɛ̨ŋɛ̨ hu lɔi, Negɛvə nɔi pun ɉu, gboloyá kwɛlɛ, Kanaan lɔi hu, da Liban lɔi, ə həli kpɔ ɲá kɛnɛ̨ Eufratə ɓa.

Zasua 1:4

Ə́ həɠə kpɔ ɓɛ Liban nɔi pun ma, ə həli la Eufratə ɲá lee ɓa; Hɛtə nuą di wɔ lɔi kəlee ə həli la gboloyá kɛnɛ̨ ɓa voló tooi pələ, yili ɓə pai kɛi a ka wɔ lɔi.

M̀ɛni-lɛɛi 16:12

Malaka mɛ̨idanąą ə nwɛi hu ɓo Eufratə ɲálee ɲą: Ɲá ə kpala, ə kɛ a pələ dɔɔɓɛlaai həɠəi vóló kulɔi pələ di tɔwɔ.

M̀ɛni-lɛɛi 7:1

Yili pulu, ŋą́ malaka nąąn gaa tɔɔni lɔi wəlinna nąąn ma, di yee yɛ ɓo lɔi mɛ̨i hvaŋą nąąn ma, ə gɛ, hvaŋąi lɔpee ta hvo tɛɛ lɔi mɛ̨i, gboloyá ɲą, ə mą kɛ, wulu ta ɓa.

M̀ɛni-lɛɛi 7:2

Ɛlɛɛ, ŋą́ malaka takpɛli kaa yɛ kulɔ hvóló həɠəi pələ. Yálá húlumąą ŋą kɔ́lɔn ɉɛn yɛ ɓo ɲəi. Ə tomą kpɔ a nwoo kɛnɛ̨; malaka nąąn tii di hvaŋą tɛɛ di pɔ, diɛ mɛ̨nį laa lɔi da gboloyá diɛ, yɛ mą:

M̀ɛni-lɛɛi 8:2

Ɛlɛɛ, ŋą́ ɲɛ̨́i hee, malaka mɛ̨ihveelɛi kɛ tɔɔni Yálá lííla, ŋą́ di kaa. Di tulu mɛ̨ihveelɛ tɛɛ di pɔ.

M̀ɛni-lɛɛi 8:6

Malaka mɛ̨ihveelɛi tii dulu mɛ̨ihveelɛ ə kɛ di yəi, di di hɛ̨ą yili, diɛ kɛ kɛa di vɛɛ.

M̀ɛni-lɛɛi 9:15

Di Malaka nąąn tii hvoloon, a diɛi kɛ, di hąą yiliɛ kpɔlɔɔ kɛ, a nɛɛlɛi tii, a ɲələi tii, a ɲąnįn tii, ɛlɛɛ a gwɛlan tii mąą mɛ̨nį ɓa; yai di kɛli pa, yɛnɛ̨ɛ̨ nu kanŋaa ɓɛlaɓoɔ ɉu hvaaɓa, bələ tɔ̨nɔ̨ nwun na pilii la.