M̀ɛni-lɛɛi 8:5 - Yálá laawoo hɛɓɛ (dc)

⁵ Malaka ə lansan kələn ɉɛn tii həɠə, ə nwɔ̨n ɉəɠə ɉaláá kulɔi ə naahvɛɛ la, ɛlɛɛ, ə bili lɔi mɛ̨i, ə kɛ a yələgbąnąą, a wooɠaa, a mąnąmąnąɠaa, da lɔi kpɛlinŋąą.

Yálá laawoo hɛɓɛ

⁵ Malaka ə lansan kələn ɉɛn tii həɠə, ə nwɔ̨n ɉəɠə ɉaláá kulɔi ə naahvɛɛ la, ɛlɛɛ, ə bili lɔi mɛ̨i, ə kɛ a yələgbąnąą, a wooɠaa, a mąnąmąnąɠaa, da lɔi kpɛlinŋąą.

Bible

⁵ È kɛ̀ tí Ŋ̀âla-taa-kelai è zɛŋ-fólôi sîɣe é ŋɔŋ kúla Ŋ̀âla-teƃelei ma é ǹá fɛ́ɛ la, é bili ǹɔii ma. Nya ƃe ŋele-kpanaŋ tíŋ è tɛ̀, láɣi-woo su kɛ́tɛ-ŋaa, ŋ̀ele-gbâna ŋɔmãla-mãla, da lɔii-kpɛ̃liŋɔɔ.

M̀ɛni-lɛɛi 8:5 ပူးပေါင်းရင်းမြစ်များ

Tɔɔɓɛlaa dɔlɔɔ 19:11

Yai-Laa nwɔ malaka yɛ Eli ɓa: «'Kulɔ ə́ li ə́ tɔɔ ɲee mɛ̨i, ə́ ə́ ɲɛ̨i kɛ Yai-Laa tɔwɔ, ə́ ə́ ɲɛ̨i hee Yai-Laa kaa pai tɛɛi.» Ɲąąɓa, tulɔ hvaŋą kɛnɛ̨ ta ə tɛɛ, vaŋa kɛnɛ̨ pələ, yɛ yee ɓɛla, yɛ kwɛniɠaa ɓɛla. Kɛlaa, Yai-Laa hvo kɛ vaŋąi tii hu. Vaŋąi tii tɛɛ pulu, lɔi ə kpɛlin kpɔ kɛnɛ̨, Yai-Laa hvo kɛ nɔi kpɛlin ŋąą tii hu.

Mąątɛ̨nɛ̨ 18:13

Kɛɛ pɔ̨nɔ̨ tawolo ə kɛ dɔwɔ, dulɔ kpinįnŋąąi tii diɛ tɛɛ, hawonn da nwɔ̨n gbaalənŋąą diɛ kulɔ.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

Azaya 29:6

Yai-Laa Mɛ̨nį Kəlee ŋą Hééɓomun, kaa pai woloi lɔ yɛ́ kpulu, yələgbąnąą hu, lɔi kpɛlinŋąą hu, tin gɛnɛ̨ɛ hu, hvaŋą kɛnɛ̨ɛ̨ hu, a tulɔ hvaŋą kɛnɛ̨, da kɛɛ kala nwɔ̨n nən ɉu.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Azaya 66:6

Woo kɛ̨nɛ̨ ta kaa kulɔi daa kwəi pələ, woo ta yɛ həɠə Yálá hee pɛlɛ́ mu! Yai-Laa woo li: gaa ɲoɠoɠaa túwɔ́ pələ mąą kwələ kulɔi diɛ.

Ɉeremi 51:11

'Ka donwąɠaa ɲąąkulɔ, ka gɔ́ kɔ́ hɛnŋaa həɠə, Yai-Laa aa Medi tɔɔɓɛlaa kili mąą kɛlɛ, mɛ̨nįi gaa Yai-Laa kwəi yɛ hvilɛn na Babilonə ɓa, ya ɓaa ə gulɔ lɔi mɛ̨i. Yai-Laa kaa nwąną kulɔi, yələkɔlɔn gaa nwąną kulɔi.

Levetekɔ 16:12

Ə ləɠi lon naahvɛɛ a ɉaláá kulɔi nwɔ̨n dəŋą ta, yii gaa Yai-Laa lííla, ə bɛlɛ lansan ɲee ɲąą hveelɛ ɓa, ə li a diɛ ɉəɠə ɓɛla pulu pələ.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Maafîu 24:7

Lɔi kaa pai kɛ kɔ́ pɛlɛi lɔi takpɛli ɓa; tɔɔɓɛlaa diɛ kɔ́ pɛlɛ di kee ɓa. Pulu kpɛa-kpɛaɠaa diɛ too; lɔi yɛ kpɛlin yɛ pu ɉu nąą taɠaa.

Lukə 12:49

«Ŋą́ pa yɛnɛ̨ɛ̨ nwɔ̨n ɉee mɛ̨nį ɓa. Ŋą́ kɛ bɔ, nwɔ̨n tii ə kɛ a ɉeɛ.

Gɛlaɠaa 16:26

Di lɛɛ lɔ laa, lɔ tii ɲąąɓa, nɔi ə kpɛlin gbɔ a nwalawalaa, bɛlɛ́ kɔwɔ hvilɛn ɉii ə kpɛlin. Gbon gəlee laa ə ɓo nąąlɔwai, gaho nąmįną kəlee di wɔ kpɔnɔ̨ɠaa di tee diɛ.

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

M̀ɛni-lɛɛi 11:13

Nąąlɔwai tii hu kpɔlɔɔ, lɔi a kpɛlin gbɔ kɛnɛ̨, mɛlaɓoɔ ɉu pow, ɉeei tɔ̨nɔ̨, ə ɓuwɔ, nu waa nwun mɛ̨ihveelɛ di nwun na ə pili mɛ̨nįi tii hu. Yiiɠaai da lɛɛ a di hvúlú, di ɲɔw pələ, di mąąwiɛlaa tɛɛ yələkɔlɔn ɉu Yálá pɔ.

M̀ɛni-lɛɛi 11:19

Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 6:12

Ɛlɛɛ, ŋą́ ɲɛ̨́i hee, ɓɛlɔwai di gɔlɔn ɉɛn mɛ̨ida nąą holoon na, lɔi ə kpɛlin gbɔ kɛnɛ̨, hvóló hu ə tɛɠi kpɔ hɛ̨-hɛ̨, ɛlɛɛ, ɲąnįn nąą kəlee ə kpɔlu yɛ ɲąmą.

M̀ɛni-lɛɛi 8:3

Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.