M̀ɛni-lɛɛi 8:3 - Yálá laawoo hɛɓɛ (dc)

³ Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.

Yálá laawoo hɛɓɛ

³ Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.

Bible

³ Ɣâla-taa-kela da kpɛni è pà é tɔ́ɔ Ŋ̀âla-teƃelei ma gôo-sɛŋ-folo kɛ́ ƃô ǹyêei. Dí kéreŋ-sɛŋ kúŋ nɛ̃ɛ támaa tɛ̀ɛ bɔ a gɛɛ é gèreŋ gôo-Ɣala-teƃelei ma gâloŋ-see-sɛŋ ŋ́ɛi-tuɛ tãi Ŋâla-ƃelai da kɛ̂ Ɣâla fɛlîi lai.

M̀ɛni-lɛɛi 8:3 ပူးပေါင်းရင်းမြစ်များ

Tɔɔɓɛlaa dɔlɔɔ 7:50

Ɲá pu hɛnŋąą, mowa pɛlɛɛ, nwulɔ nwɔ̨n dəŋa yali hɛnŋąą, ɲá taɠa hɛɲąŋą, gbələ kɔ́wɔɠaa, ləɠi pɛlɛɛɠaa a hɛni. Yálá kɔ́ pɛlɛ́ gbon gɔwɔ hvilɛn ɉɛn, da bɛlɛ́ laaləiɠaa di wɛi, gəlee di ɓo a hɛni.

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Lɛɛ gbɔwɔ ɓa 40:26

Ɉaláá kəhii ti a ɉɛni, ə́ ɉee gee kaa kələ mu, ɉəɠə ɓɛla ɲɛ̨i tɔwɔ.

Azaya 6:6

Malakaɠaai tii tɔ̨nɔ̨ ə koon, yɛ pa bɔ́ pələ, nwɔ̨n dəŋą ə ɓo ɲee ŋą, aa ɉəɠə a gbeą ɉaláá kulɔi,

Izikiɛ 41:22

haláá kulɔi, ə ɓo a wulu, mɛ̨i kwɛa yee ə ɓo a yee tɔɔɉu haaɓa, gwɛa yee ə ɓo a yee tɔɔɉu hveelɛ. Nwəli laɠaa di kɛ mą, gbonoɠaa di ɓo laa, di ɓo a wulu. Ɉulɔnui tii yɛ mą́ą́: «Ɉaláá konwolon Yai-Laa lííla, ya ka tii.»

Amɔsə 9:1

Ŋą́ Ną́mu kaa tɔɔni ɉaláá kulɔi hįį pələ, yɛ kɛ mą: Bɛlɛ́ dɔɔ muɠaa nwuɔ̨ kɛlɛ, ə gɛ, Yálá hee pɛlɛ́ laaləi ə kpɛlin. Gáá gəlee kɛlɛi di nwuɔ̨, ŋį́ nwolo, Akɛ, da lɛɛ nwɔ̨nɔ̨, ŋį́ di paa. Nu tɔ̨nɔ̨ kpɛli hvo pai kulɔi ɉu, nu ta hvo pai pɛli tɛɛi a gilɛ.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Lonon mo 4:11

Di həɠə ɓɛla ɓahiɓoɔ pɛlɛ ɉaláá kulɔ kəhii tii a ɉɛni mɛ̨i, di nini kɔ́lɔ pɛlɛ mɛ̨i. Di gbəŋə wuluɠaa lɔ mą.

Lonon mo 7:62

Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨;

Lukə 1:10

Ɓɛlɔwai ə kɛi lansan tii kələn na bɛlɛ́n, nuą kəlee di kɛ ɲɛnɛ̨ɛ̨ diɛ Yálá hvɛli.

Lomaŋ 8:34

Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

M̀ɛni-lɛɛi 10:1

Ɛlɛɛ, ŋą́ malaka takpɛli kaa, vaŋą kɛnɛ̨ɛ̨, ə həɠə yələi ə yɛɛ. Mąą yiliɛ a tulɔ kpinįn, mąąwiɛlaa həɛ dɔwɔla a gbəimiliin, ɲɛ̨ilaai ə ɓo yɛ, hvóló, ɛlɛɛ, gɔwɔɠaa di ɓo mu yɛ nwɔ̨n.

M̀ɛni-lɛɛi 14:18

Yili pulu, malaka takpɛli ə həɠə, ɉaláá kulɔi. Ə kɛli nwɔ̨n ɲąąwooɓo, ɛlɛɛ, ə tomą kpɔ a nwoo kɛnɛ̨ɛ̨, nui tii mɔ̨nunu-dee ɓowa ɲąąliɛ ə kɛ ɲəi, bɔ pələ, yɛ mą: «'Yɛ́ mɔ̨nun-dee ɓowa ɲąąliɛi pili ə́ yee mɛ̨i, ə́ lɔi mɛ̨i viɲəɠaa ɓá kulɔ la, hvo gaai, daa kpɔlu.»

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

M̀ɛni-lɛɛi 6:9

Ɓɛlɔwai ə gɔlɔn ɉɛn nɔɔlinąą holoon na. Ŋą́ nįiɠaa kaa ɉaláá kulɔi kɔwɔ mu, di kɛ a nuąi daa di kulɔ a haláá, Yálá laa woo mąą mɛ̨nį ɓa, ɛlɛɛ, da gɛla hvaai di mo mąą mɛ̨nį.

M̀ɛni-lɛɛi 7:2

Ɛlɛɛ, ŋą́ malaka takpɛli kaa yɛ kulɔ hvóló həɠəi pələ. Yálá húlumąą ŋą kɔ́lɔn ɉɛn yɛ ɓo ɲəi. Ə tomą kpɔ a nwoo kɛnɛ̨; malaka nąąn tii di hvaŋą tɛɛ di pɔ, diɛ mɛ̨nį laa lɔi da gboloyá diɛ, yɛ mą:

M̀ɛni-lɛɛi 8:4

Ɛlɛɛ, nwulɔ kun-nɛ̨ɛ̨i tii nulu yɛ həɠə malakai yee ɲą, yɛ tɛ Yálá liila, ə pɛlɛ la nu mąąhəɠɛɛɠaa di wɔɔ hvɛli wooɠaa diɛ.

M̀ɛni-lɛɛi 8:5

Malaka ə lansan kələn ɉɛn tii həɠə, ə nwɔ̨n ɉəɠə ɉaláá kulɔi ə naahvɛɛ la, ɛlɛɛ, ə bili lɔi mɛ̨i, ə kɛ a yələgbąnąą, a wooɠaa, a mąnąmąnąɠaa, da lɔi kpɛlinŋąą.

M̀ɛni-lɛɛi 9:13

Malaka mɛ̨idanąą ə nwɔ tului hvɛɛ, ŋą́ woo ta mɛ̨n yɛ həɠə ɉaláá kulɔi tii kɛ a hɛni Yálá lííla, mįnɛ̨ɠaa hu.