M̀ɛni-lɛɛi 8:11 - Yálá laawoo hɛɓɛ (dc)

¹¹ Bɛmɛ̨lɛ̨n-gɔwi tii laa ɓaa: Pilimąą. Yáɠaa ɓɛlaɓoɔ ɉu haaɓa bələ tɔ̨nɔ̨, ə kɛ a pilimąą, nu tamąą di haa, ɲáɠaa kɛi ə mo a pilimąą, mąą mɛ̨nį ɓa.

Yálá laawoo hɛɓɛ

¹¹ Bɛmɛ̨lɛ̨n-gɔwi tii laa ɓaa: Pilimąą. Yáɠaa ɓɛlaɓoɔ ɉu haaɓa bələ tɔ̨nɔ̨, ə kɛ a pilimąą, nu tamąą di haa, ɲáɠaa kɛi ə mo a pilimąą, mąą mɛ̨nį ɓa.

Bible

¹¹ Bɛmɛlɛŋ-kaoi láa ƃa Wuru-ŋwanaa. Ǹyái gwaa kuro ma è kɛ̀ a ŋwanaa yɛ̂ɛ wuru-ŋwanaa. Ǹyaŋ ǹyái è núu támaa pàa, kpɛ́ni fêi, è kɛ̀ a ŋwanaa.

M̀ɛni-lɛɛi 8:11 ပူးပေါင်းရင်းမြစ်များ

Lɛɛ gbɔwɔ ɓa 15:23

Di həli Mara; kɛlaa ɲái ti kɛ Mara, di hvo pɛli da kpələi, mąąhɔlɔɓo nwąnąąi kɛ, yili ɓə gɛ, diɛ naa ɓa a Mara, mukulaa ɓa: nwąnąą.

Hanwon 5:4

Kɛlaa, nwoo laa kulɔi nwąnąą yɛ pilíiɓa, ɲąąliɛ yɛ liikpakpa.

Ɉeremi 23:15

Yili mąą mɛ̨nį ɓa, yii Yai-Laa Mɛ̨nį Kəlee ŋą Hééɓomun kaa moi, Yálá kwəi mɛ̨nį hukulɔ nuą tii mąą mɛ̨nį hu, ya ka, yɛ diɛ: «Gáá pai di paa hali tɔɔi di la, gaa a pili mąą ya, gáá pai dɛɛi di pɔ di gbələ. Mąąhɔlɔɓo, Yálá kwəi mɛ̨nį hukulɔ nuąi Ɉerusalɛmə daai, diɛ ɓə nɔi kala mɛ̨nį aa həɠə di pɔ pələ, yɛ hiɛ nɔi nąą kəlee.»

Ɉeremi 9:15

Gáá pai di taɠa taɠai lɔiɠaa hu, ɓɛi di hvo naa kɔ́lɔn, diɛ man-o di nanii-o, ə lɛɛ ŋį́ kɔ́ hvilɛn di pulu, ə lɛɛ ɉu, di haa.

Woolaa 3:19

Ŋą́ kɛi gíliŋąhiɛ nwɔ yɛnɛ̨ɛ̨ ɓa, da nwɔ́ mɔ̨nɔ̨i, gaa yɛ pilimąą da kaalə nwąną.

Woolaa 3:5

Aa mą́ą́ tinɛ̨n a mɔ̨nɔ̨ da liikələn gwəi.

Amɔsə 5:7

Diɛi da mɛ̨nį haŋąą mąąhvalin a mɛ̨nį ɲɔ̨nwɔ̨ɔ̨, diɛ tələnmolaa too lɔi ɓa.

Amɔsə 6:12

Akɛti, hoo a mɔ̨ɔ̨ gilɛ həɠə kwɛni kpuwuluɠaa mɛ̨i? Akɛti da mɔ̨ɔ̨ pɛli kɛɛ hii a gboloyá ŋąą? Lə mɛ̨nį ɓa, ka mɛ̨nį haŋąą mąąhvalin a pilimąą? Ɛlɛɛ, kaa tɛ̨ą mąąhvalin a nɛ̨ŋɛ̨n naa?

Zakari 13:8

Yai-Laa yɛ diɛ: Mąą yələi tii, nɔi lonnii da kɛ haaɓa, veelɛ a haa, diɛ di kulɔ yɛnɛ̨ɛ̨ nuą lɔwai, Kɛlaa, ɉaaɓanąą tii, a lɛɛ yɛnɛ̨ɛ̨.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Dutɛrɔnome 29:18

Ɛlɛɛ, mąą nu a nolo woo ŋɛ̨i mɛ̨n, yɛ gbɔwɔ kaa yɛ mąątɛ̨nɛ̨ gwəi pələ, yɛ kɛ mą: ‹Ŋą́ mą kanąn gwə́i kiliŋąhiɛ ɓa, ŋą́ pɛli mɛ̨nį kəlee hɔlɔɓoi, mąąhɔlɔɓo, lɔi tulɔ a pu mą, kpələ wɛli hvo laa.›

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

M̀ɛni-lɛɛi 12:4

Yələ kwəi pɛmɛ̨lɛ̨n-gɔwɠaa ɓɛlaɓoɔ ɉu haaɓa, nwon ə bələ tɔ̨nɔ̨ tuluun, ə bu nɔi ɓa. Mąąɲɔw-hɛn tii ə kɛ tɔɔni gwəinwąną kɛ nɛ̨ɛ̨nui liila, yɛ a naayɛɛ lɔ, ə nokolo mįi.

M̀ɛni-lɛɛi 8:7

Malaka dɔlɔɔ ə nwɔ tului hvɛɛ, hanwon da nwɔ̨n ɉumoɔ a ɲąmą, di pu lɔi mɛ̨i, lɔi ɓɛlaɓoɔ ɉu haaɓa, bələ tɔ̨nɔ̨ ə kələn, nwuluɠaa ɓɛlaɓoɔ ɉu haaɓa bələ tɔ̨nɔ̨ ə kələn, ɛlɛɛ, wɛlaɠaa di kələn.

M̀ɛni-lɛɛi 9:15

Di Malaka nąąn tii hvoloon, a diɛi kɛ, di hąą yiliɛ kpɔlɔɔ kɛ, a nɛɛlɛi tii, a ɲələi tii, a ɲąnįn tii, ɛlɛɛ a gwɛlan tii mąą mɛ̨nį ɓa; yai di kɛli pa, yɛnɛ̨ɛ̨ nu kanŋaa ɓɛlaɓoɔ ɉu hvaaɓa, bələ tɔ̨nɔ̨ nwun na pilii la.

M̀ɛni-lɛɛi 9:18

Mɛ̨nį ɲąąnwąnąą haaɓai tii, nwɔ̨n, lulu da lulu ɓáhiɓoɔ, yai di kɛli ɓáɠi la, yili ɓə yɛnɛ̨ɛ̨ nu kan ɓɛlaɓoɔ ɉu haaɓa bələ tɔ̨nɔ̨ nwun na pili.

Rutə 1:20

Kɛlaa, Naomi ə mo diɛ yɛ diɛ: «'Ká hvo kɛa də́li a Naomi laa; 'ká kɛ mą́ą́ Mara, mąąhɔlɔɓo, Huwalawala Kəlee Nąmu Yálá aa mɛ̨nį ɲąąnwąnąą laa mą́ą́.