M̀ɛni-lɛɛi 7:4 - Yálá laawoo hɛɓɛ (dc)

⁴ Ɛlɛɛ, nuąi daa kɛ di kɔlɔn ɉii kɛ diɛ, ŋą́ mɛ̨n, di loonŋąą ə ɓo a: Nu nwun dɔ̨nɔ̨ ɲee nąąn kɔw nąąn (144.000), diɛ ɓə daa di kɔlɔn ɉii kɛ diɛ, a Israɛlə nu huwu kəlee.

Yálá laawoo hɛɓɛ

⁴ Ɛlɛɛ, nuąi daa kɛ di kɔlɔn ɉii kɛ diɛ, ŋą́ mɛ̨n, di loonŋąą ə ɓo a: Nu nwun dɔ̨nɔ̨ ɲee nąąn kɔw nąąn (144.000), diɛ ɓə daa di kɔlɔn ɉii kɛ diɛ, a Israɛlə nu huwu kəlee.

Bible

⁴ Ŋá m̀ɛni núu ɣɛɛlu ƃe dí gɔlɔ lá tɛ-sɛŋ pɛ́lɛ dítôŋ lái. Dí kɛ̀ a núu wála ŋuŋ tɔnɔ pôlu buu náaŋ kao náaŋ. Dí kùla Eezuɛ-ŋai dísuu kélee su.

M̀ɛni-lɛɛi 7:4 ပူးပေါင်းရင်းမြစ်များ

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Lɛɛ gbɔwɔ ɓa 28:21

Gwɛniɠaai tii tɛitɛi kəlee kaa pai kɛi a Israɛlə lonnii pow kɔ́w hveelɛi laa, gəlee kaa pai kɛi a kɔ́lɔn ɉɛn, a Israɛlə lonnii pow kɔ́w hveelɛi laa.

Izikiɛ 47:13

Yai-Laa woo ka; yɛ diɛ: «Nɔi ka káá pai ɲąąkwɛlɛi Israɛlə nu huwu pow kɔ́w hveelɛi lɔwai, ɲɛn ga; Ɉosɛfə nwɔ lɔi a kɛ hveelɛ.

Izikiɛ 48:19

Daa kóló kɛ nuąi pai kɛi tíi kɛi laa, mąąnɛ̨ɛ̨ diɛ həɠə Israɛlə pɛlɛ́ pow kɔ́w hveelɛi mu.

Izikiɛ 48:31

Mąąnɛ̨ɛ̨ di daa gbonŋaa laa hee a Israɛlə pɛlɛ́ɠaa laa, kpon ɉaaɓa ɲələi pələ; Rubɛn nwɔ kpon, Ɉuda nwɔ kpon da Levi nwɔ kpon.

Zakari 9:1

Lolo woo. Yai-Laa woo aa həli Hadrakə lɔi ɓa; ə kpɛla Damasə. Mąąhɔlɔɓo, Yai-Laa nwɔɔ ɓaa a Aramə nwɔ taaleei, lɔ yɛ bələi nwɔɔ ɓaa la a Israɛlə lɔi kəlee pilɛɛ gee mɛ̨i.

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Lukə 14:22

«Nąą ta wolo əgɛ lɔ, góló kɛmun ə pənə ə pa, yɛ nąmu ɓa: ‹Mɛ̨nįi ə́ mo, ŋą́ą́ gɛ, kɛlaa, heei aa nwɔ̨nɔ̨ lɛɛ.›

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Gɛlaɠaa 26:7

a mɛ̨nįi tii ku huwu heei pow kɔ́w hveelɛi kilitɔɔi ɉəli mɛ̨nį ɓa, di yee ə ɓo mą a hvaŋąlɔ, a yələ kəlee, diɛ kwɛli hvilɛn na Yálá ɓa; gílitɔɔi mɔ̨ɔ̨ mɛ̨nįi ti ɓa, tɔɔmun, ya ɓə gɛi, Ɉuifəɠaa diɛ gálamąɓo la.

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

M̀ɛni-lɛɛi 14:1

Ɛlɛɛ, ŋą́ ɲɛ̨́i hee lɔ, ŋį́ Mɛlaa Lon gaa tɔɔni Siɔn yee nwuɔ̨, ɛlɛɛ, da nu waa-nwun-dɔ̨nɔ̨-ɲee-nąąn-kɔw-nąąn (144.000) diɛi naa, da Nąn naa pɛ̨ɛ̨i di tɔwɔla.

M̀ɛni-lɛɛi 14:3

Di kɛli wələ nįnɛ̨ too dɔɔkpəlin niila, ɉuwɔ nąąn tii liila, ɛlɛɛ, da galanɉonŋaa tii liila. Ɛlɛɛ, nui lɔpee ta hva pɛli nwələi tii mąąkwɛlii, ə kulɔ lɔ, nu waa-nwun-dɔ̨nɔ̨-ɲee-nąąn-kɔw-nąąn (144.000) tii, diɛi di nwun mąą aa ɓo, diɛ həɠə lɔi mɛ̨i.

M̀ɛni-lɛɛi 7:5

Ɉuda nu huwu, nu waa-pow-kɔw-hveelɛ (12.000) ɓə di di kɔlɔn ɉii kɛ diɛ. Rubɛn nu huwu, nu waa-pow-kɔw-hveelɛ (12.000), Gadə nu huwu, nu waa-pow-kɔw-hveelɛ (12.000),

M̀ɛni-lɛɛi 9:16

Ɉoo mɛ̨i nuą lononŋąą ə kɛ a nu waa nwun gwala-kpala heei hveelɛ. Di lonoi di mo, yili ɓə ŋį́ mɛ̨n.