M̀ɛni-lɛɛi 7:15 - Yálá laawoo hɛɓɛ (dc)

¹⁵ Yili ɓə gɛ, di kaa la tɔɔni Yálá ŋą tɔɔkpəlin liila, diɛ kwɛli hvilɛn mą a kpinį da hvóló, ŋą pɛlɛ́i mu. Ɛlɛɛ, nui tii heeni dɔɔkpəlin ɉu, gaa pai di lɔi ŋą həɠə-kə́lə́i mu.

Yálá laawoo hɛɓɛ

¹⁵ Yili ɓə gɛ, di kaa la tɔɔni Yálá ŋą tɔɔkpəlin liila, diɛ kwɛli hvilɛn mą a kpinį da hvóló, ŋą pɛlɛ́i mu. Ɛlɛɛ, nui tii heeni dɔɔkpəlin ɉu, gaa pai di lɔi ŋą həɠə-kə́lə́i mu.

Bible

¹⁵ Mɛni ma díkaa Ɣâla ŋɔkâloŋ-see-sɛŋ ŋ́ɛi-tuɛ, díkɛ tíi kɛ́ mì ŋɔkwaa maa waai ma a fólo da kpini. Ǹyaŋ ǹúui gáa see ni gâloŋ-see-sɛŋ ŋái, ŋɔkɛ-naai a pâi kɛ̂i a ninîŋ dímɛi.

M̀ɛni-lɛɛi 7:15 ပူးပေါင်းရင်းမြစ်များ

Tɔɔɓɛlaa dɔlɔɔ 6:13

Ɛlɛɛ, akɛ tii, ŋą́ kɛ kɛa Israɛlə lonnii lɔwai; nwɔ́ nu huwui ŋɛ̨i a diɛ, vá di lɛɛ laa tɔ̨nɔ̨ kpɛli.»

Kɔlɔnikɔ Maa-ŋuŋ 23:25

Davidə ə gbɛa mo yɛ kɛ diɛ: «Yai-Laa Israɛlə nwɔ Yálái aa liilaa yɛnɛ̨ɛ̨ tɛɛ ŋą nuąi pɔ, daa hee Ɉerusalɛmə a yələ kəlee mɛ̨nį.

Lɛɛ gbɔwɔ ɓa 29:45

Gáá pai heei Israɛlə lonnii lɔwai, ŋą́ kɛ a di wɔ Yálá,

Izikiɛ 37:27

Ɉéé pɛlɛ́ kaa pai kɛi di kwɛlɛ, gáá pai kɛi a di wɔ Yálá, diɛn, di ɓo a nwɔ́ nuą.

Levetekɔ 26:11

Gáá pai ɉééi kulɔi ka lɔwai, və́ pai wɛli kpɛɛmąąlaa kulɔi a kaa.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Korɛntə dɔlɔɔ 3:16

Ká hvo gɔlɔn kaa diɛ Yálá hee pɛlɛ́ ɓaa a káá? Ɛlɛɛ, Yálá-Nįi kaa heeni ka hu?

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 8:1

Mɛ̨nįɠaa ŋɛ̨i ku kaa moi, gəlee nwun gbɔ-kpɔɔi ga mą, ya ka: ɉaláá laa həli mun gɛnɛ̨ɛ̨ taaləi tii ɓə gaa ká gu yəi, yai heeni dɔɔkpəlin ŋą mąąwiɛlaa yee lɛlɛɛ hu, yələkɔlɔn ɉu.

M̀ɛni-lɛɛi 11:19

Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

M̀ɛni-lɛɛi 13:6

Ə naa pili yələi, yɛ Yálá lalan nwooɠaa ɓo, yɛ Yálá laa ɓɛlɛ too, da vɛli pɛlɛ́, ɛlɛɛ, da yiiɠaai kpɔ di heɛ kaa yələkɔlɔn ɉu.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 21:22

Kɛlaa, və́ Yálá hee pɛlɛ́ kaa daai tii hu, mąąhɔlɔɓo, Hééɓolaa Kəlee Nąmu Yálá, ɛlɛɛ, da Mɛlaa Lon, diɛ ɓə kɛ a bɛlɛ́.

M̀ɛni-lɛɛi 22:3

Nɛ̨ŋɛ̨nnaa hva kɛa kɛ laa, Yálá da mɛlaa Lon di wɔ tɔɔkpəlin, gaa pai kɛi daa-lee hąąi, ɛlɛɛ, ŋą tínuąi di kaa pai kɛi gwɛli hvilɛn ɉii mą,

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

M̀ɛni-lɛɛi 4:9

Ɓɛlɔwai lɔpee ɉuwɔɠaa tii di kɛli mąąwiɛlaa, ɓɛlɛlaa da mąmąɓo tɛɛ la nui kɛ heeni dɔɔkpəlin ɉu bɔ, yai a vúlu ɲɛ̨n deei hvo mą,

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.