M̀ɛni-lɛɛi 7:13 - Yálá laawoo hɛɓɛ (dc)

¹³ Galanɉonŋaa tii tɔ̨nɔ̨, ə bə́lə́ həɠə, yɛ mą́ą́: «Nuą tii di mąą yiliɛ a ɉəɠə kwɛaa kwɛlɛɛi, gbɛɛ nuą li, ɛlɛɛ, di həɠə mį?»

Yálá laawoo hɛɓɛ

¹³ Galanɉonŋaa tii tɔ̨nɔ̨, ə bə́lə́ həɠə, yɛ mą́ą́: «Nuą tii di mąą yiliɛ a ɉəɠə kwɛaa kwɛlɛɛi, gbɛɛ nuą li, ɛlɛɛ, di həɠə mį?»

Bible

¹³ È kɛ̀ tí, ǹúu-pɔlɔ-ŋai dɔnɔ è lòno ḿbɔ, nyɛɛi, “Gbɛ̂ɛ ƃa ǹûai ŋí ǹyokpo kole-ŋai díkaa diai? Mí ƃe dí kùla naa?”

M̀ɛni-lɛɛi 7:13 ပူးပေါင်းရင်းမြစ်များ

Zɛnɛse 16:8

ə mąąnikɛ, yɛ mą: «Hagarə, Sarai nwɔ luwɔ nɛ̨ą, ə́ həɠə mį, ə́ kaa lii mį?» Ə nwoo ŋąąpənə, yɛ mą: «Gáá pui nwɔ́ mɛ̨nį nąmu Sarai tɔwɔ.»

Danîa 7:16

Nuąi tii kɛ laa, ŋą́ mą́ą́ lɛɠɛ dɔ̨nɔ̨ ɓa, ŋą́ mąąnin gɛ, gɛ́ mą: «Mɛ̨niɠaai ŋɛ̨i ŋą́ gaa, mukulaa ɓaa lə?» Ə mo mą́ą́ yɛ mą́ą́:

Ɉaan 7:28

Jesus kɛɛ nuą mąąkwɛlii Yálá hvɛli pɛlɛ mu, ə mo kpɔ a nwoo kɛnɛ̨ yɛ diɛ: «Ka gɔ́lɔ́n! Ɓɛi ŋį́ həɠə laa, ka nąą kɔ́lɔn a neelee. Və́ pa li gbɔ́wɔ́ ɓa. Nui ŋɛ̨i dɔ́ɔ́ gaa a tɛ̨ą. Kɛlaa, ka hvo gɔlɔn.

Gɛlaɠaa 3:12

Nąą kaai Piɛrə ə mo, ə mo nu kpului ti ɓa, yɛ diɛ: «Israɛlə nuą, lə ɓə kɛ yai ka ɲɛ̨i kpanwoɔ lɔ kuɔ hįį, yɛ kuɔ ɓə kwa gɛ nui ŋɛ̨i yɛ hiɛ; ká ɲɛ̨i kpawoɔi lɔ kuɔ yɛ ku hvaŋą awala kɛ tii, ku wɔ Yálá mɛ̨nį kɛ pələ ɓə a gɛ, nui ŋɛ̨i yɛ hiɛ?

M̀ɛni-lɛɛi 3:4

Kɛlaa, ə mą kɛ tii, Sardɛsə ɓɛ li, nu tɛi-tɛiɠaa kaa laa, di hvo di wɔ həɠəɠaai kɔhɔɓo li. Di kaa pai kɛi bɔ́ həɠə kwələ hu, mąąhɔlɔɓo, mąąlaa kaa di yəi.

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 5:11

Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.

Nwun mąąɓo 13:6

Nɛ̨ɛ̨nui tii ə li ɲəi bɛlɛ́ laaləi, yɛ ɉilɛ ɓa: «Yálá nwɔ nu ta aa gbɔwɔ lɛ mą́ą́, ɲɛ̨ilai ə kɛ yɛ Yai-Laa nwɔ malaka, mąą ɲɔuɔ. Və́ kɛ li mą mįnɛ̨ ɓə ə́ həɠə laa, hvo nwɔ̨nɔ̨ naa ɓo mą́ą́.