M̀ɛni-lɛɛi 7:11 - Yálá laawoo hɛɓɛ (dc)

¹¹ Malakaɠaa kəlee ɲąąkpɔnŋąą kɛ dɔɔkpəlin gwɛlɛ, galanɉonŋaa, ɛlɛɛ da, ɉuwɔ nąąn tii, gəlee pɛlɛ di liiɓa dɔɔkpəlin gɔwɔ mu, ɛlɛɛ, diɛ kwɛli hvilɛn Yálá ɓa.

Yálá laawoo hɛɓɛ

¹¹ Malakaɠaa kəlee ɲąąkpɔnŋąą kɛ dɔɔkpəlin gwɛlɛ, galanɉonŋaa, ɛlɛɛ da, ɉuwɔ nąąn tii, gəlee pɛlɛ di liiɓa dɔɔkpəlin gɔwɔ mu, ɛlɛɛ, diɛ kwɛli hvilɛn Yálá ɓa.

Bible

¹¹ Nya ƃe ŋ̀âla-taa-kela-ŋai kélee dí tìnaŋ gâloŋ-see-sɛŋ ma, dí tinaŋ ǹúu-pɔlɔ-ŋai dîa da vúlu-sãa náaŋ, dí díŋuŋ pîlaŋ ǹɔii ma gâloŋ-see-sɛŋ ŋ́ɛi-tuɛ dí Ɣâla fɛli,

M̀ɛni-lɛɛi 7:11 ပူးပေါင်းရင်းမြစ်များ

Mąątɛ̨nɛ̨ 45:11

'Ə́ wəli tɔɔ nón nɛ̨ɛ̨non, 'ə́ ɲɛ̨i hee tai, ə́ ə́ wəli tɔɔ kpɔ a nɛlɛɛ; 'Lɛ̨ą ə́ nwɔ nuą diɛ, da ə́ wɔ pɛ́lɛ́i mu nuą.

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

M̀ɛni-lɛɛi 11:16

Nu pɔlɔ-pɔlɔ pow-hveelɛ-kɔw-nąąn tii heeni di wɔ tɔɔkpəlinŋaai hu Yálá liila, da pɛlɛ nɔi ɓa, di gwɛli hvilɛn Yálá ɓa,

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

M̀ɛni-lɛɛi 22:9

Kɛlaa, yɛ mą́ą́: «'Hvó kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii a Yálá kwəi mɛ̨nį hukulɔ nuą di mąą mɛ̨nį ɓa, ɛlɛɛ, da nuąi da di yee kąnąn ɉɛɓɛ́i ŋɛ̨i hu wooɠaa diɛ. Yálá ɓə mąąnɛ̨ɛ̨i di gwɛli hvilɛn mą.»

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 4:6

Dɔɔkpəlin tii lííla, gboloyá ta ə kɛ laa, yɛ lən, yɛ pɛ̨nɛ̨n galan. Dɔɔkpəlin tii hąąi, ɛlɛɛ da gwɛlɛ, huwɔ nąąn di kɛ laa, di ɲɛ̨i kɔ́w yɛ ɓo di nąą kəlee, di pulu pələ da di tɔwɔ pələ.

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»