M̀ɛni-lɛɛi 6:16 - Yálá laawoo hɛɓɛ (dc)

¹⁶ Diɛ kɛ ɲeeɠaa da gwɛniɠaa diɛ: «'Ká pu ku mɛ̨i, 'ká ku loon, ku mąą ə kwɛa nui tii heeni dɔɔkpəlin ɉu, mą, ɛlɛɛ, ku mąą ə kwɛa Mɛlaa Lon nwɔ liiŋąnwąnąi ɓa!

Yálá laawoo hɛɓɛ

¹⁶ Diɛ kɛ ɲeeɠaa da gwɛniɠaa diɛ: «'Ká pu ku mɛ̨i, 'ká ku loon, ku mąą ə kwɛa nui tii heeni dɔɔkpəlin ɉu, mą, ɛlɛɛ, ku mąą ə kwɛa Mɛlaa Lon nwɔ liiŋąnwąnąi ɓa!

Bible

¹⁶ Díkɛ ǹyée-ŋai tòli da gɔni-ŋai, díyɛɛi, “Ka too kûa ká kúloo kú siɣe ǹúui ŋɛ́i gáa see ni gâloŋ-see-sɛŋ ŋái, da M̀ála-loŋ ŋɔlii-ŋwanai.

M̀ɛni-lɛɛi 6:16 ပူးပေါင်းရင်းမြစ်များ

Mąątɛ̨nɛ̨ 14:5

Ɓɛ kaa li, daa lɛɛ lɔ di kpɔwɔ ɓa, diɛ kpɛlin, mąąhɔlɔɓo, Yálá tɔɔi tələnmo nuą di wɔ kɔlaɠai pulu.

Azaya 2:10

Ka ka loo kwɛniɠaa mu, ka lɔ lɔi mu, ə gɛ ka həɠə Yai-Laa nwɔ liiɲąnwąną tɔwɔ, ka həɠə nwɔ nwąną kulɔ vaŋą tɔwɔ.

Ɉeremi 8:3

Ə lɛɛ, haa hviɛla a ɓo nu kɛɛ yɛnɛ̨ɛ̨ ɓa, nuą pai lɛɛ nu huwui lɔwai a di hulu di ɲɛ̨i ɓa; gáá pai di taɠa taɠai kɛnaa kəlee ɓa. Ɲą́ą́ Mɛ̨nį Kəlee ŋą Hééɓomun Yai-Laa wóó li.

Osia 10:8

Di kaa pai ɉali kɔ́iɠaa kalai, di di kulɔ laa, yii gaa a Israɛlə nwɔ nɛ̨ŋɛ̨n tii; ɲąąlən da ɓówolaaɠaa di kaa pai kulɔi ɉali kɔ́iɠaai tii diɛ, di kaa pai kɛi yeeɠaa diɛ: 'Ka ku mɛ̨i kpulu! Diɛ kɛ yee kpukpuɠaa diɛ: 'Ka too ku mɛ̨i.

Maafîu 26:64

Jesus yɛ mą: «Yaa kpɔlɔ ka tii yaa hvilɛn mɛ̨i, ya ɓaa a ɲą́ą́! Gáá moi kaa, ə həɠə háákələi ɓa, ka káá pai Nu Lon kaai heeni Yálá yee-lɛlɛɛ-mɛ̨i Huwalawala kɛnɛ̨ hu, yili pulu, ka gaa yɛ həɠə yələi yɛ yɛɛ tulɔ kpinįn ɉu.»

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Lukə 23:30

Nąąlɔwai, nuą kaa pai kɛi yeeɠaa diɛ: ‹Ka pu ku mɛ̨i!›, diɛ kɛ yee kpu-kpuɠaa diɛ: ‹Ka ku loo!›

M̀ɛni-lɛɛi 10:6

ə gwɛla, a Nui gaa a húlu ɲɛ̨n deei hvo mą, naa, yai yələkɔlɔn da ɉu hɛnŋaa pɛli, lɔi da ɉu hɛnŋaa, gboloyá da ɉu hɛnŋaa; yɛ diɛ: guu hvo kɛa mą.

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

M̀ɛni-lɛɛi 4:2

Ɲąąɓa, Kili-Mąąhəɠɛɛ ə́ ɉə́ɠə. Ɛlɛɛ, ku tɛ laa. Tɔɔkpəlin ə kɛ yələkɔlɔn ɉu, ɛlɛɛ, nu ta ə ɓo heeni ɉu.

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 4:9

Ɓɛlɔwai lɔpee ɉuwɔɠaa tii di kɛli mąąwiɛlaa, ɓɛlɛlaa da mąmąɓo tɛɛ la nui kɛ heeni dɔɔkpəlin ɉu bɔ, yai a vúlu ɲɛ̨n deei hvo mą,

M̀ɛni-lɛɛi 5:1

Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

M̀ɛni-lɛɛi 9:6

Mąą yələɠaa tii hu, nu kanŋaa da kɛ haa kwɛlii, di hva gaa. Haa wɛli a kɛ diɛ, ɛlɛɛ, haa yɛ pu di tɔwɔ.