M̀ɛni-lɛɛi 5:6 - Yálá laawoo hɛɓɛ (dc)

⁶ Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

Yálá laawoo hɛɓɛ

⁶ Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

Bible

⁶ Ŋá ƃála-loŋ tɔnɔ kàa tɔɔ ni gâloŋ see-sɛŋ da vúlu-sãa náaŋ é pɛlɛ ǹúu-pɔlɔ-ŋai dîa díloai. È kɛ̀ tɔɔ ni naa yɛ̂ɛ ǹyaa ƃe dí bàa, míla kɛ́ ƃo ŋ̀ûa lɔ́ɔlu mɛi feerɛ, ŋɛi-kao kɛ́ ƃo lɔ́ɔlu mɛi feerɛ, nyíi-ŋai díkaa a mɔ̂leŋ lɔ́ɔlu mɛi féerɛi Ɣâla è dítɛ̀ɛ ǹɔii kélee sui.

M̀ɛni-lɛɛi 5:6 ပူးပေါင်းရင်းမြစ်များ

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Danîa 8:3

Ŋą́ ɓɛlaa hilɛ ta kaa tɔɔni ɲa leei tii kwɛlɛ, mįnɛ̨ yɛ ɓo nwuɔ̨ hveelɛ. Mįnɛ̨ hveelɛ tii kwɛakwɛai kɛ, kɛlaa, dɔ̨nɔ̨ kwɛai kɛ dɛɛ mɛlan ma, gwɛa laa mun tii ɓə lɛɛ pulu yɛ tɛ.

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Habakukə 3:4

Nwɔ kɛɛ pɔ̨nɔ̨ yɛ hvóló kpɔ kpə kpə. Kɛɛ pɔ̨nɔ̨ yɛ kulɔ ɲee hveelɛi ɲą gbaalən yɛ taɠa. Naa ɓə a nwɔ huwalawala nwun gulɔi.

Zakari 3:9

Gwɛnii gáá dɛɛi Ɉosue pɔ, ka gaa, ɲɛ̨ikɔw mɛ̨ihveelɛ ɓə gwɛni tɔ̨nɔ̨i tii ɓa, ɲą́ą́ gbínii gáá pai mąą pɛ̨ɛ̨i, Yai-Laa Mɛ̨nį Kəlee ŋą Hééɓomun woo li; ɛlɛɛ, gáá pai nɔi nwɔ nɛ̨ŋɛ̨n gulɔi mą a hvoló tɔ̨nɔ̨.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Lonon mo 7:39

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Lonon mo 7:57

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 1:36

Nąąlɔwai Ɉaan ə ɲɛ̨i hee Jesus ɓa yɛ tɛɛ ə mo yɛ diɛ: «Yálá nwɔ ɓɛlaa lon ga!»

Gɛlaɠaa 8:32

Ɓɛi ti ə kɛi nąą ɓo, ɉɛɓɛ́ hu, nąą ka: «Ə kɛ yɛ ɓɛlaai di lii baai, naa pilaa kɛ yɛ ɓɛlaai di ka nɛɠa mɛ̨i teei, naa pilaa lɔ kɛ, hvaa hvo kulɔ na.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 14:1

Ɛlɛɛ, ŋą́ ɲɛ̨́i hee lɔ, ŋį́ Mɛlaa Lon gaa tɔɔni Siɔn yee nwuɔ̨, ɛlɛɛ, da nu waa-nwun-dɔ̨nɔ̨-ɲee-nąąn-kɔw-nąąn (144.000) diɛi naa, da Nąn naa pɛ̨ɛ̨i di tɔwɔla.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 21:22

Kɛlaa, və́ Yálá hee pɛlɛ́ kaa daai tii hu, mąąhɔlɔɓo, Hééɓolaa Kəlee Nąmu Yálá, ɛlɛɛ, da Mɛlaa Lon, diɛ ɓə kɛ a bɛlɛ́.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:3

Nɛ̨ŋɛ̨nnaa hva kɛa kɛ laa, Yálá da mɛlaa Lon di wɔ tɔɔkpəlin, gaa pai kɛi daa-lee hąąi, ɛlɛɛ, ŋą tínuąi di kaa pai kɛi gwɛli hvilɛn ɉii mą,

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

M̀ɛni-lɛɛi 5:11

Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.

M̀ɛni-lɛɛi 5:12

Di kɛli mo kpɔ a di woo kɛnɛ̨ɛ̨ diɛ kɛ mą: «Mɛlaa Lon di gulɔ a haláá, yaa lɔ ɓə mąąlaa kaa ɲəi, yɛ pɛli huwalawalalaa, hɛn nąmu laa, kilikɛɲəi laa hvaŋą, mąąwiɛlaa da mąątɛ̨nɛ̨ɛ̨ hɔlɔɓoi.»

M̀ɛni-lɛɛi 5:13

Pɛli hɛn gəlee, yɛ ə kɛ, yələi pələ, yɛ ə kɛ, lɔi mɛ̨i, yɛ ə kɛ, lɔi mu, ɛlɛɛ, gboloyá ɲą, hɛn kpɔ gaa gɛɛnąąɠaa tii ɓa, ŋą́ gəlee woo mɛ̨n, diɛ kɛ: «Nui gaa heeni dɔɔkpəlin ɉu, da Mɛlaa Lon, di pɔɔ ɓaa a mąątɛ̨nɛ̨laa, ɓɛlɛlaa, mąąwiɛlaa, da hvaŋąlaa, ɲɛ̨n deei hvo mą!»

M̀ɛni-lɛɛi 5:14

Ɛlɛɛ, ɉuwɔ nąąn tii di mu hon, diɛ mą: «Ə kɛ tii-o!» Ɛlɛɛ, galanɉonŋaa tii di pu di kpəlin na, di gwɛli hvilɛn.

M̀ɛni-lɛɛi 6:16

Diɛ kɛ ɲeeɠaa da gwɛniɠaa diɛ: «'Ká pu ku mɛ̨i, 'ká ku loon, ku mąą ə kwɛa nui tii heeni dɔɔkpəlin ɉu, mą, ɛlɛɛ, ku mąą ə kwɛa Mɛlaa Lon nwɔ liiŋąnwąnąi ɓa!

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.