M̀ɛni-lɛɛi 5:5 - Yálá laawoo hɛɓɛ (dc)

⁵ Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»

Yálá laawoo hɛɓɛ

⁵ Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»

Bible

⁵ Ǹúu-pɔlɔi dɔnɔ è mò mâ, nyɛɛi, “Ífe ŋɔ́nɔ wɔ̀lɔ. Tɔɔ kpɔ́, Zudasi-nuu-suu su-Yala-sului, Deeƃé Ŋɔsame, ǹyée a tɛɛ mɛni kélee ma a gɛɛ a pɔ̂ri gɔlɔi lá ƃôi é gɔlɔ lá tɛ-sãa lɔ́ɔlu mɛi feerɛi kula naa.”

M̀ɛni-lɛɛi 5:5 ပူးပေါင်းရင်းမြစ်များ

Tɔɔɓɛlaa dɔlɔɔ 10:20

Gbəlin ə kɛ heeni yala pow kɔ́w hveelɛ di ɓo nu kɔ́wɔ hvilɛn ɉii mɛ̨idai ɓa, mɛ̨ida yɛ ɓo ɓɛ pələ, mɛ̨ida ə ɓo ɓɛ pələ. Di hvo ta yili gulɔ mąą kaa li lɔi ta hu.

Kɔlɔnikɔ Veerɛi 9:18

Nu kɔ́wɔ kpəŋəi mɛ̨ida ɓə kɛ a nu həli dɔɔkpəlin tii ɓa, nu kɔ́wɔ tɔɔi ə kɛ mą a hɛni, gbəlin ɲee ə kɛ mą ɓɛ pələ da ɓɛ pələ, yalá mąą nįnį́n veelɛ ə kɛ tɔɔni ɲeeɠaa kwɛlɛ.

Zôo 41:15

Gɔlɔ hu, wiɛ pələ kɛnɛ̨ɛ̨, nwalawala pələ, tumun və mą.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Ɉeremi 31:16

Yai-Laa woo ka, yɛ diɛ: Nwoolaa woo aa pɛli ɉu, ka ka laapilɛ, ka ka ɲɛ̨i kələ, ə́ wɔ mɔ̨nɔ̨i vɛla ka; di kaa həɠəi di yowoɠaa pɔɔli diɛ pa. Yai-Laa woo li!

Danîa 7:16

Nuąi tii kɛ laa, ŋą́ mą́ą́ lɛɠɛ dɔ̨nɔ̨ ɓa, ŋą́ mąąnin gɛ, gɛ́ mą: «Mɛ̨niɠaai ŋɛ̨i ŋą́ gaa, mukulaa ɓaa lə?» Ə mo mą́ą́ yɛ mą́ą́:

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Lukə 23:28

Jesus ə tinɛ̨n ə mo diɛ, yɛ diɛ: «Ɉerusalɛmə nɛ̨ą, ka hvo wɔlɔ mą́ą́ mɛ̨nį ɓa, kaamun, ka ka kpɔɔ mąą wɔlɔ ɓo da ka lonnii.

Lukə 7:13

Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Lukə 8:52

Nuą tii kɛ laa bɛlɛ́n, di kɛi wɔlɔ diɛ di woolaa nokoloi tii mąą mɛ̨nį ɓa. Jesus ə mo diɛ, yɛ diɛ: «Ka hvo wɔlɔ, hvo haa li, gaa yii.»

Ɉaan 20:13

Diɛ mą: «Nɛ̨ɛ̨nu, lə mɛ̨nį ɓa ə́ kaa wɔlɔi?» Ə di woo pulu pənə yɛ diɛ: «Daa Ną́mu kulɔ ɓɛ gámą hu, ɓɛi di naa laa, və́ nąą kɔ́lɔn.»

Lomaŋ 1:3

Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Lomaŋ 15:12

Esai yaa kpɛli yɛ mą: «Ɉɛse lon gaa pai, gaa pai tɔɔlaa kɛi hįi kəlee nwun na; ɛlɛɛ, hįi kəlee yɛ gilitɔimą.»

Hebreu 7:14

Gaa a mɛ̨nįi nu kəlee di gɔlɔn, diɛ, gu Ną́mu ə kulɔ Ɉuda huwu hu, a huwui Moisə hvo mɛ̨nį ta ɓo, naa mɛ̨i, ŋą hɛɓɛ́ɠaai hu yɛ hvilɛn na, ɉaláá laa həli nuą kpɛa-kpɛaa ɓa.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 5:4

Ya ɓə ŋą́ wɔlɔ kpɔ kɛnɛ̨, mąąhɔlɔɓo, və́ nu ta hvo kaa li, yɛ pɛli ɉɛɓɛ́ laaɓoi, gu hvo mun kɛ, yɛ ɲɛ̨i pili ɉu.

M̀ɛni-lɛɛi 6:1

Yá ɓə ŋį́ ɲɛ̨́i hee, ɓɛlɔwai Mɛlaa Lon ə kɛli pai gɔ́lɔn ɉɛn mɛ̨ihveelɛi tii dɔlɔɔ holoon ɉii lai, ŋą́ ɉuwɔ nąąn tii dɔlɔɔ tomą woo mɛ̨n kpɔ kɛnɛ̨, yɛ kɛ mą: «'Pá!»

M̀ɛni-lɛɛi 7:13

Galanɉonŋaa tii tɔ̨nɔ̨, ə bə́lə́ həɠə, yɛ mą́ą́: «Nuą tii di mąą yiliɛ a ɉəɠə kwɛaa kwɛlɛɛi, gbɛɛ nuą li, ɛlɛɛ, di həɠə mį?»