M̀ɛni-lɛɛi 5:11 - Yálá laawoo hɛɓɛ (dc)

¹¹ Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.

Yálá laawoo hɛɓɛ

¹¹ Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.

Bible

¹¹ Ŋá nàa kàa, ŋa ɣâla-taa-kela támaa wóo mɛni dítinaŋɔɔ gâloŋ-see-sɛŋ kɔlɛ ma da vúlu-sãai é pɛlɛ ǹúu-pɔlɔ-ŋai dîa. Díkelee dí kɛ̀ a wála puu támaa seêi wála puu támaa da wála támaa seêi wála támaa.

M̀ɛni-lɛɛi 5:11 ပူးပေါင်းရင်းမြစ်များ

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Mąątɛ̨nɛ̨ 103:20

Kaai a nwɔ malakaɠaa, 'Ka Yai-Laa laa mąąwiɛ, kaai a nwɔ kuláá kpɛa kpɛaɠaai, 'ka nwoo pɔ mɛ̨nį kɛ, 'ka nwoo mɛ̨n nɔ, 'ka nɛɛ mą ka bɔ mɛ̨nį kɛ.

Mąątɛ̨nɛ̨ 148:2

Kaai ɓaa a nwɔ malakaɠaa! 'Ka mąątɛ̨nɛ̨! Kaai a nwɔ kɔlaɠaɠaa kəlee! 'Ka mąątɛ̨nɛ̨.

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Danîa 7:10

Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Zûu 1:14

Ə həɠə Adamə ɓa ə həli la Henɔkə ɓa, káláɓɔlɔ heekpəlin na mɛ̨ihveelɛ li. Kɛlaa Yálá ə mɛ̨nį ta pu Henɔkə la yɛ hvilɛn na nuą tii diɛ, yai ə kɛ diɛ: 'Ka ka wəli tɔɔ! Ną́mu kaa pai pai da nwɔ malaka kpulu waa tamąą;

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 4:6

Dɔɔkpəlin tii lííla, gboloyá ta ə kɛ laa, yɛ lən, yɛ pɛ̨nɛ̨n galan. Dɔɔkpəlin tii hąąi, ɛlɛɛ da gwɛlɛ, huwɔ nąąn di kɛ laa, di ɲɛ̨i kɔ́w yɛ ɓo di nąą kəlee, di pulu pələ da di tɔwɔ pələ.

M̀ɛni-lɛɛi 5:14

Ɛlɛɛ, ɉuwɔ nąąn tii di mu hon, diɛ mą: «Ə kɛ tii-o!» Ɛlɛɛ, galanɉonŋaa tii di pu di kpəlin na, di gwɛli hvilɛn.

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

M̀ɛni-lɛɛi 7:11

Malakaɠaa kəlee ɲąąkpɔnŋąą kɛ dɔɔkpəlin gwɛlɛ, galanɉonŋaa, ɛlɛɛ da, ɉuwɔ nąąn tii, gəlee pɛlɛ di liiɓa dɔɔkpəlin gɔwɔ mu, ɛlɛɛ, diɛ kwɛli hvilɛn Yálá ɓa.

M̀ɛni-lɛɛi 9:16

Ɉoo mɛ̨i nuą lononŋąą ə kɛ a nu waa nwun gwala-kpala heei hveelɛ. Di lonoi di mo, yili ɓə ŋį́ mɛ̨n.