M̀ɛni-lɛɛi 5:10 - Yálá laawoo hɛɓɛ (dc)

¹⁰ Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»

Yálá laawoo hɛɓɛ

¹⁰ Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»

Bible

¹⁰ Ya díkɛ a Kúɣâlai ŋɔkâloŋ-laai su-ƃela da ŋɔsâla láa soŋ-ƃela kpaya-kpaya, ǹyaŋ da pâi kɛ̂i ǹɔii mɛi.”

M̀ɛni-lɛɛi 5:10 ပူးပေါင်းရင်းမြစ်များ

Lɛɛ gbɔwɔ ɓa 19:6

Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Danîa 7:18

Kɛlaa, Yálá Yii Gaa Hɛn Gəlee Nwun Mɛi, nonnii kaa pai tɔɔlaa həɠəi, di wɔ tɔɔlaai kpɛɛ hva kɛ ma.»

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

M̀ɛni-lɛɛi 20:6

Nwun na nɛ̨ɛ̨ nuą, da mąąhəɠə nuą ɓaa, diɛi pai kɛi nwun mo dɔlɔɔ tii hu. Di nwɛi, haa ŋą yee pɛli mąą hvo diɛ; di kaa pai kɛi a Yálá da Kristə di wɔɔ haláá laa hɛli nuą kpɛa-kpɛaa, da diɛni da tɔɔlaa kɛ gwɛlan nwaa tɔ̨nɔ̨i tii yee mu.

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.