M̀ɛni-lɛɛi 4:6 - Yálá laawoo hɛɓɛ (dc)

⁶ Dɔɔkpəlin tii lííla, gboloyá ta ə kɛ laa, yɛ lən, yɛ pɛ̨nɛ̨n galan. Dɔɔkpəlin tii hąąi, ɛlɛɛ da gwɛlɛ, huwɔ nąąn di kɛ laa, di ɲɛ̨i kɔ́w yɛ ɓo di nąą kəlee, di pulu pələ da di tɔwɔ pələ.

Yálá laawoo hɛɓɛ

⁶ Dɔɔkpəlin tii lííla, gboloyá ta ə kɛ laa, yɛ lən, yɛ pɛ̨nɛ̨n galan. Dɔɔkpəlin tii hąąi, ɛlɛɛ da gwɛlɛ, huwɔ nąąn di kɛ laa, di ɲɛ̨i kɔ́w yɛ ɓo di nąą kəlee, di pulu pələ da di tɔwɔ pələ.

Bible

⁶ Gâloŋ-see-sɛŋ ŋɛ́i-tuɛ, sɛŋ da è kɛ̀ naa gɛ́ɛ yɛ̂ɛ mɛ̃lɛ-mɛ̃lɛ-yuo gɛ́ ƃò yɛ̂ɛ kɔni-sii nyíi da dòli a kɔlesetɔi. Ǹyaŋ gâloŋ-see-sɛŋ ŋí è kɛ̀ a maa tinaŋɔɔ m̀éla kélee ma. Fúlu-sãa náaŋ dí kɛ̀ tɔɔ ni naa, díŋɛi támaa dîa, díŋɛi da è kɛ́ dítuɛ-pere da díkɛ ƃo dípôlu-pere.

M̀ɛni-lɛɛi 4:6 ပူးပေါင်းရင်းမြစ်များ

Tɔɔɓɛlaa dɔlɔɔ 7:23

Ə hɛnɲąŋą kɛnɛ̨ ta hee nɔi ɓa, ə ɓo a ɓala kwɛli, ə yá pu ɉu, ə naa hee a gboloyá. Ɉɛɲąŋąi tii ə kɛ kiliɠilin, ə həɠə nwəli la ɓɛ pələ, ə li ɓɛ pələ, ə kɛ a yee laa mą pow, gbon ɉu kwɛaa a yee laa mą lɔɔli.

Zôo 28:17

Hɛni da pɛnɛ̨n di hva pɛli kɔ́ɔn ɉi mą, hɛni hɛnɲąŋą hva kpɛli ɉɔ̨nwɔ̨ kulɔ.

Lɛɛ gbɔwɔ ɓa 38:8

Yili pulu, di nuą mąąwaai kɛ a ɓala kwɛli hɛnɲąŋą, di ɉee hɛn gɛ a ɓala kwɛli, nɛ̨ąąi kɛi di ɲąąkpɔn gee kaa kələ laaləi, di wɔ gááɉuɠaai ɓə di ɉəɠə, diɛ nuą mąąwaa hɛnɲąŋą pɛli la.

Izikiɛ 10:12

Mąąkpɛ malaka tii kɔ́lɔ ɓa nąą kəlee, di hɛ̨ą, di yee ɓa, da di koonŋaa ɓa, ə mą kɛ, nwotolo kɔ́wɔɠaa ɓa, di nąąn tii di kɔ́wɔɠaa diɛ, nwɔ̨n gbaalən ə kɛ nąą kəlee ɓa.

Izikiɛ 10:14

Di tɛitɛi di ɲɛ̨i heei ə kɛ nąąn, di ɲɛ̨ilai dɔlɔɔ ə kɛ yɛ mąąkpɛ malaka ɲɛ̨ilai, veelɛnąą ə ɓo a nu ɲɛ̨ilai; ɉaaɓa nąą ə ɓo a yala ɲɛ̨ilai, nąąn nąą ə ɓo a kúwɔ́ ɲɛ̨ilai.

M̀ɛni-lɛɛi 14:3

Di kɛli wələ nįnɛ̨ too dɔɔkpəlin niila, ɉuwɔ nąąn tii liila, ɛlɛɛ, da galanɉonŋaa tii liila. Ɛlɛɛ, nui lɔpee ta hva pɛli nwələi tii mąąkwɛlii, ə kulɔ lɔ, nu waa-nwun-dɔ̨nɔ̨-ɲee-nąąn-kɔw-nąąn (144.000) tii, diɛi di nwun mąą aa ɓo, diɛ həɠə lɔi mɛ̨i.

M̀ɛni-lɛɛi 15:2

Ɛlɛɛ, ŋį́ gboloyá ta kaa ə ɓo yɛ pɛ̨nɛ̨n, ɉumoɔ a nwɔ̨n. Nuąi tii di yee ə tɛɛ ɉuwɔi tii ɓa, da mąąnįnįn, da naa nwɔ kwɛdɛn ɉɛɓɛ́ kɔw di mɛ̨i, di ɓo tɔɔni bɛ̨nɛ̨n galan gboloyái tii mɛ̨i, Yálá ŋą gwɛnįnŋaai ə ɓo di yee ɲą.

M̀ɛni-lɛɛi 15:7

Ɉuwɔ nąąn tii dɔ̨nɔ̨ ə hɛni kpələ-kɔ́wɔ mɛ̨ihveelɛ tɛɛ malaka mɛ̨ihveelɛi tii pɔ, naahvɛɛ a Yálái a vúlumąą ɲɛ̨n deei hvo mą, ŋą liiɲąnwąną.

M̀ɛni-lɛɛi 19:4

Galanɉon pow-hveelɛ-kɔw-nąąn tii, ɛlɛɛ, da ɉuwɔ nąąn tii, di pu di kpəlin na, di gwɛli hvilɛn Yálá ɓa, yai heeni dɔɔkpəlin ɉu, ɛlɛɛ, diɛ kɛ mą: «Kánįkookwəi! Amįįną!»

M̀ɛni-lɛɛi 21:11

Ə kɛli lən a Yálá nwɔ mąąwiɛ laa. Nən bələ ə kɛ yɛ kúwɔ-kwɛnį ta, yɛ Jaspe kúwɔ-kwɛnį.

M̀ɛni-lɛɛi 21:18

Ɉįi nwąnąi tii tɔɔ hɛnŋaa di kɛ a ɉaspə kwɛnį, daa-lee tii ə kɛ yɛ hɛni huwaa hva-hva, ɉu həɠəən ɛlɛɛ, ə ɓo yɛ pɛnɛ̨n.

M̀ɛni-lɛɛi 21:21

Bɛlɛ́ laaləi pow kɔ́w hveelɛ tii, di mąąpuɔi kɛ a hɛni pow kɔ́w hveelɛ. Bɛlɛ́ laaləi tɛitɛi mąąpuɔ a hɛni. Daa kwəi pələ ə ɓo a hɛni huwaa hva-hva, yɛ yá həɠəən.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 5:11

Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.

M̀ɛni-lɛɛi 5:14

Ɛlɛɛ, ɉuwɔ nąąn tii di mu hon, diɛ mą: «Ə kɛ tii-o!» Ɛlɛɛ, galanɉonŋaa tii di pu di kpəlin na, di gwɛli hvilɛn.

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

M̀ɛni-lɛɛi 6:1

Yá ɓə ŋį́ ɲɛ̨́i hee, ɓɛlɔwai Mɛlaa Lon ə kɛli pai gɔ́lɔn ɉɛn mɛ̨ihveelɛi tii dɔlɔɔ holoon ɉii lai, ŋą́ ɉuwɔ nąąn tii dɔlɔɔ tomą woo mɛ̨n kpɔ kɛnɛ̨, yɛ kɛ mą: «'Pá!»

M̀ɛni-lɛɛi 6:6

Ɛlɛɛ, ŋą́ woo ta mɛ̨n yɛ kulɔ ɉuwɔ nąąn tii lɔwai, yɛ kɛ mą: «Mɔ̨nun gɔw kəgən ɉu tɔ̨nɔ̨ hɔ̨nwɔ̨ ɓaa: tuwɔ yɛa tɔ̨nɔ̨ wali, ɛlɛɛ, kpai-kɔw gəgən ɉu haaɓa hɔ̨nwɔ̨ ɓaa: Tuwɔ yɛa tɔ̨nɔ̨ wali, yii ɓaa a wulɔ da lɔɔ, 'ká hvo tunwɔ̨n mą.»

M̀ɛni-lɛɛi 7:11

Malakaɠaa kəlee ɲąąkpɔnŋąą kɛ dɔɔkpəlin gwɛlɛ, galanɉonŋaa, ɛlɛɛ da, ɉuwɔ nąąn tii, gəlee pɛlɛ di liiɓa dɔɔkpəlin gɔwɔ mu, ɛlɛɛ, diɛ kwɛli hvilɛn Yálá ɓa.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»