M̀ɛni-lɛɛi 4:5 - Yálá laawoo hɛɓɛ (dc)

⁵ Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

Yálá laawoo hɛɓɛ

⁵ Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

Bible

⁵ Ŋele-gbana ŋɔmãla-mãla è kùla gâloŋ-see-sɛŋ zamai ŋɔi ma, ŋele-gbana é tóo. Ǹyaŋ kpáleŋ-ŋíri lɔ́ɔlu mɛi feerɛ è kɛ̀ sonîi gâloŋ-see-sɛŋ ŋí ŋɛi-tuɛ, nyíi-ŋai díkaa a Ɣâla ŋɔmɔ̂leŋ lɔ́ɔlu mɛi féerɛi.

M̀ɛni-lɛɛi 4:5 ပူးပေါင်းရင်းမြစ်များ

Zɛnɛse 15:7

Yálá ə mo Abramə ɓa, yɛ mą: «Ɲą́ą́ gáá a Yai-Laa, yii ə́ kulɔ Urə daai Kalde nuą pɔ lɔi, ə gɛ, nɔi ŋɛ̨i ə́ kaa ɉu, ŋį́ dɛɛ ə́ pɔ a ə́ wɔɔ.»

Kɔlɔnikɔ Veerɛi 4:20

nabon ɉee hɛnŋąą da nabonŋąą, diɛ lən bɛlɛ mąąhəɠɛɛ laaləi, yɛ bələi mąąnɛ̨ɛ̨ ə kɛ la; ə bɛli a hɛni huwaa.

Mąątɛ̨nɛ̨ 68:35

'Ka Yálá hvaŋą kɛnɛ̨ pələ lɛ. Nwɔ Heeɓolaa kaa Israɛlə mɛ̨i, vąŋą ə ɓo tulɔ kpinįŋaa mɛ̨i.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

Lɛɛ gbɔwɔ ɓa 20:18

Israɛlə nu huwu kəlee di ɲələgbąnąą tíŋąą tii mɛ̨n, da dulu woo, diɛ nwɔ̨n nən gaa, da nwɔ̨n nulu, yɛ kulɔ ɲee hu, di kulɔ pulu, di mąą yɛ kpɛlin.

Lɛɛ gbɔwɔ ɓa 25:37

Ə́ wulɔ nwɔ̨n gbowo mɛ̨ihveelɛ pɛli, ə́ ɉee nwulɔ nwɔ̨n ɉee hɛn gɔn mɛ̨ihveelɛi tii nwuɔ̨, da kɛi lən, diɛ di tɔwɔ pələ pɔ̨nɔ̨.

Lɛɛ gbɔwɔ ɓa 37:23

Di nwɔ̨n ɉee hɛn mɛ̨ihveelɛ pɛli da nwɔ̨n ɉəɠə hɛnŋąą, ə mą kɛ nuwu kələ hɛnŋąą; gəlee ə ɓo a hɛni huwaa hva-hva.

Izikiɛ 1:13

Di kulaa kɛ hɛn vulúmąąɠaa diɛ, di kɛ pələ ə kɛ yɛ nwɔ̨n dəŋa; ə ɓo yɛ ŋą́ kɛi kpalanŋaa kaa, diɛ li, diɛ pa ɉɛn vulúmąąɠaai tii lɔwai. Nwɔ̨n nən ə kɛi tɛ, ɛlɛɛ mąną-mąnąɠaa diɛ kulɔ nwɔ̨n nən ɉu.

Zakari 4:2

Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Maafîu 25:1

«Yálá-taa tɔɔlaa kɛ pələ kaa yɛ nɛ̨ɛ̨gbɛla pow yiiɠaai kɛi li di ɓɛlan ɉilɛ laakwiɛn ɉii; di di wɔ labonŋąai həɠə, diɛ li.

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Gɛlaɠaa 2:3

Hɛnŋaa di yɛɛ di tɛitɛi di mɛ̨i, di hee di nwuɔ̨ yɛ nu nɛ̨n gɛ pələ, yɛ ɓo a nwɔ̨n nən.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 10:3

Ɛlɛɛ, ə tomą kpɔ a nwoo kɛnɛ̨, yɛ yala aa kɛli huluun. Yii kɛa ə huluun tii, yələgbąnąą mɛ̨ihveelɛ di di nwoo tɛ.

M̀ɛni-lɛɛi 11:19

Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

M̀ɛni-lɛɛi 8:5

Malaka ə lansan kələn ɉɛn tii həɠə, ə nwɔ̨n ɉəɠə ɉaláá kulɔi ə naahvɛɛ la, ɛlɛɛ, ə bili lɔi mɛ̨i, ə kɛ a yələgbąnąą, a wooɠaa, a mąnąmąnąɠaa, da lɔi kpɛlinŋąą.