M̀ɛni-lɛɛi 3:7 - Yálá laawoo hɛɓɛ (dc)

⁷ Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Yálá laawoo hɛɓɛ

⁷ Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Bible

⁷ “Ŋ̀óo-ŋai ŋí pɔ̃yɛ Kôrai-toli-kpɔŋ gáa Feledɛfiai ŋɔkélai pɔ naa: ‘Dɔ̃yâ-nuu maa waai, nyíi Deeƃé ŋɔkîi káa ǹyêei, nyíi a gbôŋ lá ƃò núu fé naa é ǹá tɛ́i, nyíi a gbôŋ lá tɛ̀ núu fé naa é ǹá ƃói, ŋɔwóo-ŋai ká ŋí.

M̀ɛni-lɛɛi 3:7 ပူးပေါင်းရင်းမြစ်များ

Zôo 11:10

Yálá a ɲee pɛlɛ nu ta ɓa, a mąą nu təli kiti haɠa ɓa, gbɛɛ ɓə a pɛli tɔɔi na?

Zôo 12:14

Hɛn Yálá a gala, hva kɛa pənə hvo tɔɔ. Nui a gbulɔn, hva kɛa lɛɛ gbɔwɔ ɓa laa hɔlɔɓo.

Mąątɛ̨nɛ̨ 145:17

Yai-Laa haŋąąi gɛ mɛ̨nį kəlee hu, a kulɔ nwoo ɓa gɛ mɛ̨nį kəlee hu.

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Mąątɛ̨nɛ̨ 89:18

A tɛ̨ą, yɛ́ ɓə a di wɔ huwalawalalaai hɛn da hva tɔɔ na. Yɛ́ ku ɲɛ̨i pono a ə́ yəi mɛ̨inɛ̨ɛ̨ɠaa.

Azaya 22:22

Gáá Davidə nwɔ pɛ́lɛ́i gwɛli laai ɲee ŋą, a naa ɓo, nu ta hva pɛli naa kpului, a naa kpulu, nu ta hva pɛli naa ɓoi.

Azaya 30:11

'Ka həɠə bələ mɛ̨i, 'ka bələ mąą laa, 'ka Israɛlə nwɔ Mąąhəɠə mun həɠə ku ɲɛ̨i mu.»

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 41:20

Nu kəlee diɛ pɛli nąą kaai, diɛ gbaɠala kaa, diɛ tɔɔ a di nwąnąi, di kəlee diɛ gɔlɔn diɛ kɛ, Yai-Laa kɛ tii li, diɛ kɛ Israɛlə nwɔ Mąąhəɠəmun ɓə gɛ.

Azaya 47:4

Nui a ku nwun mąąɓo, naa ɓaa a Yai-Laa Mɛ̨nį Kəlee ŋą Hééɓomun, Israɛlə nwɔ Mąąhəɠəmun.

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Maafîu 16:19

Gáá pai yələ kɔ́lɔn ɉu tɔɔlaa laaɓo kwɛli tɛɛi ə́ pɔ; Hɛn nɔpee yá tɔn dɔɔ mą lɔi mɛ̨i, dɔɔ li mą yələkɔlɔn ɉu. Yii nwɔ̨nɔ̨ yá tɔn gulɔ mą lɔi mɛ̨i, gulaa li mą yɛlɛkɔ́lɔnɉu.»

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Lukə 1:32

Nokoloi tii kaa pai kɛnɛ̨i, di naa hee a Yálá yii gaa hɛn gəlee nwun mɛ̨i non ɉulɔnu. Ną́mu kaa pai gɛi a tɔɔmun yɛ pələi galaɓɔlɔ Davidə ə kɛ la.

Lukə 4:34

Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

M̀ɛni-lɛɛi 16:7

Ɛlɛɛ, ŋį́ ɉaláá kulɔi woo mɛ̨n, yɛ mą: «A tɛ̨ą, Hééɓo kəlee Nąmu Yálá, ə́ wɔɔ kitiɠaa haŋąąi, ɛlɛɛ, yɛ ɓo a tɛ̨ą.»

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

M̀ɛni-lɛɛi 2:1

Malakai gbɔn nwun na Efɛsə hɛɓɛ́ kɛ ə dɛɛ mą: «Nui bɛmɛ̨lɛ̨n-gɔw mɛ̨ihveelɛ kaa mamįiyee ɲą, yɛ hiɛ ɉɛni wulɔ nwɔ̨n mɛ̨ihveelɛ lɔwai, yɛ mą:

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»