M̀ɛni-lɛɛi 3:5 - Yálá laawoo hɛɓɛ (dc)

⁵ «Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

Yálá laawoo hɛɓɛ

⁵ «Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

Bible

⁵ Ǹúui a yee-tɛɛ-maa kɛ̂i, a pâi maa ɣirîi yokpo kole su a bere-sii ti, ǹyaŋ fé pâi ǹáa kulâi vulu-laa-kɔlɔi su; ŋa pâi ǹáa tólîi Ńâŋ ŋɛi tuɛ da ŋɔkéla-ŋai.

M̀ɛni-lɛɛi 3:5 ပူးပေါင်းရင်းမြစ်များ

Mąątɛ̨nɛ̨ 109:13

Ɉuwu ə pu, di laa ə kpɛɛ yɛnɛ̨ɛ̨.

Mąątɛ̨nɛ̨ 69:28

Di kɛ mɛ̨nį ɲɔ̨nŋaa pu gee mɛ̨i, di wɔɔ nąą hvo kɛa kɛ ə́ wɔ tələnmolaai hu.

Malasi 3:17

Yili pulu, Yai-Laa Mɛ̨nį Kəlee ŋą Hééɓomun ə mo, yɛ: Volói gáá pai nwɔ́ huwalawalaa kulɔi la pɔ̨nɔ̨ŋą, mąą hvólói tii, ŋą́ nuąi tii həɠə ɉu, di kɛ a nwɔ́ nuą, diɛ ɓə ŋą́ di kwɛdɛn. Ŋą́ di ɲɛ̨imąąwɛli kaa, yɛ bələi lon yii a tí nąn ma, nąn a ɲɛ̨imąąwɛli kaa la.

Maafîu 10:32

Jesus ə mo diɛ, yɛ diɛ: «Nui a mo nu kpɔn ɉu yɛ mą, ɲą́ą́ ɓə gáá a Nąmu, ɲą́ą́ gbɛli, ŋą mąą nu lɛ Ną́n gaa yələkɔlɔn ɉu mą, gɛ́ mą, mąą nu kaa a nwɔ́ɔ́.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Lukə 12:8

«A tɛ̨ą kpɔ-kpɔ gáá moi kaa, nui lɔpee a gbɔwɔ lɛ nuą ɲɛ̨i ɓa a nwɔ́ɔ́, Nu Lon yaa kpɛli, a gbɔwɔ lɛ a nui tii nwɔɔ Yálá nwɔ malakaɠaa ɲɛ̨i ɓa.

Dutɛrɔnome 9:14

Nɛ́ɛ́ laa ŋį́ di nwun na pili, gáá di laa kpɛɛi yələkɔlɔn mu; kɛlaa, gáá ə́ kɛi a nu huwu hvaŋą kɛnɛ̨ɛ dɛɛ diɛ.»

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 17:8

Ɉuwɔi tii ə́ gaa, ə wɔlɔ kɛ laa, kɛlaa hvo kɛa laa. Gaa pai kulɔi nowa kpon gweaa hu, ə li nwun napili hu. Ɛlɛɛ, lɔi mɛ̨i nuąi di laa hvo kɛ pɛ̨ɛ̨ li ɓalo hva kpɛɛ hɛɓɛ́ hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa, di kwəi kaa pai pilii diɛ, da ɉuwɔi tii kaai da mo, mąąhɔlɔɓo, ə kɛ laa, hvo kɛa laa, kɛlaa, gaa pənəi ə pa.

M̀ɛni-lɛɛi 19:8

daa mąą laa tɛɛ bɔ, ə gɛ, ə mąąyili a həɠə kwɛlɛɛ lɛlɛɛ, yɛ lən, hɛn da pɔɔ hvo ɉu, mąąhɔlɔɓo, ɉəɠə kwɛlɛɛ tii, tələnmo nuą, da nu mąąhəɠɛɛɠaa di kɛ-mɛ̨nį lɛlɛɛɠaa tii li.»

M̀ɛni-lɛɛi 2:11

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, haa veelɛ nąą ŋą mɔ̨nɔ̨ hva həli mą.»

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

M̀ɛni-lɛɛi 21:27

Mɛ̨nį kɔhɔɓoɔ da lɛɛ, di ha lɛɛ nu ta yee pɔ hvo lɔ la laa, kɛlaa, hvo kɛli lɔ nuąi di laa pɛ̨ɛ̨ kaa mɛlaa lon ŋą yɛnɛ̨ɛ̨ kɛ hɛɓɛ́ hu, diɛ ɓə da lɔ laa.

M̀ɛni-lɛɛi 22:19

Nui lɔpee a da kulɔ mą, nwului a yɛnɛ̨ɛ̨ tɛɛ nu pɔ, Yálá a mąą nu nwɛi ta kulɔ mą, ə mą kɛ, daa mąąhəɠɛɛ; diɛi di mąą mɛ̨nį ɓoɔi ɉɛɓɛ́ ŋɛ̨i hu.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

M̀ɛni-lɛɛi 3:4

Kɛlaa, ə mą kɛ tii, Sardɛsə ɓɛ li, nu tɛi-tɛiɠaa kaa laa, di hvo di wɔ həɠəɠaai kɔhɔɓo li. Di kaa pai kɛi bɔ́ həɠə kwələ hu, mąąhɔlɔɓo, mąąlaa kaa di yəi.

M̀ɛni-lɛɛi 6:11

Ya ɓə, di həɠə kwɛlɛɛ tɛɛ di tɛitɛi pɔ, ɛlɛɛ, diɛ diɛ: 'Ká ká liikpələ, ɉu hvo kɛa kwɛa li, ə lɛɛ ɉu, ká ɓɛlaanii a ká nąn nonnii díɓo tanɔ̨n ɉu, di too ká pɔ, a diɛi mąąnɛ̨ɛ̨i di di paa yɛ káái.

Samuɛlə dɔlɔɔ 17:25

Di kɛi kɛ mą: «Nui kulɔ ɓɛ li, ka gaa! Ə kɛi pa Israɛlə paa pɔlɔn dɔɔ mɛ̨nį ɓa, mɛ̨nį ə kulɔ la yaa li. Nui a ɉulɔnui tii paa, tɔɔmun a hɛn gɔw kɛnɛ̨ tɛɛ mąą nu pɔ, ə pənə ə non dɛɛ bɔ a nɛ̨ą, yili pulu, ə mąą nu nwɔ pɛlɛ́i laa kulɔ mɛ̨nį kəlee hu Israɛlə lɔi hu.»