M̀ɛni-lɛɛi 3:4 - Yálá laawoo hɛɓɛ (dc)

⁴ Kɛlaa, ə mą kɛ tii, Sardɛsə ɓɛ li, nu tɛi-tɛiɠaa kaa laa, di hvo di wɔ həɠəɠaai kɔhɔɓo li. Di kaa pai kɛi bɔ́ həɠə kwələ hu, mąąhɔlɔɓo, mąąlaa kaa di yəi.

Yálá laawoo hɛɓɛ

⁴ Kɛlaa, ə mą kɛ tii, Sardɛsə ɓɛ li, nu tɛi-tɛiɠaa kaa laa, di hvo di wɔ həɠəɠaai kɔhɔɓo li. Di kaa pai kɛi bɔ́ həɠə kwələ hu, mąąhɔlɔɓo, mąąlaa kaa di yəi.

Bible

⁴ É máŋ kɛ́ ti núu da-ni díkaa Saadi, nyíi-ŋai dífe niî díyokpo-ŋai liƃi níi; ǹyaŋ kwa dîa-ni kwa pâi siâi yokpo kole su, kpɛ́ni fêi, dímaa nɛɛ̂i.

M̀ɛni-lɛɛi 3:4 ပူးပေါင်းရင်းမြစ်များ

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Mąątɛ̨nɛ̨ 68:14

Ə́ kaa pai lɛɛi laani gɔ́ɓuwu la? Ɓɛi tonwənən goonŋaa mąą puɔi laa a wali, nɛɠa ə ɓo a hɛni ɲɛ̨i paa.

Ikilisiati 9:8

Ə́ mąąyili a həɠə nįnɛ̨, ə́ ə́ mąątí a wulɔ kun-nɛ̨ɛ̨.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 59:6

Nu hva pɛli ə́ kpaan dee a di kɛ koló, mɛ̨nį ɲɔ̨n mə da mąą kili tee di kwəi! Wɛa mɛ̨nį lɔ ɓə di ɲɛ̨́i pɔ.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Levetekɔ 13:48

ə kɛ a huwɔ kɔ́lɔ həɠə, a wala kɛ, tii huwɔ ləɠa həɠə, ə kɛ a həɠə ɓɛla, ə kɛ a həɠəi di bala di yee ɲą, həɠəi lɔpee di gɛ a huwɔ kɔ́lɔ paa,

Maafîu 10:11

«Taa lɔpee ka tɛ ɉu, ə kɛ a taa kɛnɛ̨, ə kɛ a taa logolo, ka li, nui a ɲee hee ka mu, ka lɛɛ mąą nu pɔɔli, ə lɛɛ ɉu ka pulu pənəi lɔwai.

Markə 16:5

Di həliɛ kɛa gámą la, di gámą hu kaa, hulɔnu da yɛ ɓo heeni gámą hu ɓa-mįi-yee hu pələ, həɠə kwəlɛɛ yɛ ɓo gwaną. Nɛ̨ąą tii di ɲɔ̨w kpɔ a mɔlɔɔ.

Lukə 20:35

Kɛlaa, nuą di mąąnɛ̨ɛ̨i di nwun, di kulɔ haa yəi; di lɔ ɲɛnɛ̨ɛ̨ nįnɛ̨i pai ɉu, nɛ̨ą həɠə mɛ̨nį hvo diɛ, hilɛ həɠə mɛ̨nį hvo diɛ.

Lukə 21:36

Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Tɛsalonikə veelɛ 1:5

Di kaa a Yálá ŋą kiti haŋąąi hu mɛ̨nįɠaa, ɉəli mɛ̨nį káá, nwu maa, di ká kɛ a nuąi di mąąnɛ̨ɛ̨ a Yálá ŋą tɔɔlaa hu nuą, yai ká káá mąą mɔ̨nɔ̨ mįi.

Zûu 1:23

'Ka di kulɔ nwɔ̨n ɉu, di ɓalo. 'Ka ɲɔw daɠaa diɛ, ka di ɲɛ̨imąąwɛli kaa; di kwaną həɠəɠaai di kɔ́lɔ a mąąliɓi ka nwɛli kpɛɛ kaa.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 11:13

Nąąlɔwai tii hu kpɔlɔɔ, lɔi a kpɛlin gbɔ kɛnɛ̨, mɛlaɓoɔ ɉu pow, ɉeei tɔ̨nɔ̨, ə ɓuwɔ, nu waa nwun mɛ̨ihveelɛ di nwun na ə pili mɛ̨nįi tii hu. Yiiɠaai da lɛɛ a di hvúlú, di ɲɔw pələ, di mąąwiɛlaa tɛɛ yələkɔlɔn ɉu Yálá pɔ.

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

M̀ɛni-lɛɛi 19:14

Gɔlaɠaɠaai yələkɔlɔn ɉu, di hvilɛnŋąą bulu, di heɛ hoo kwɛlɛɛɠaa mɛ̨i, həɠə kwɛlɛɛ pə-pə ə ɓo diɛ.

M̀ɛni-lɛɛi 19:8

daa mąą laa tɛɛ bɔ, ə gɛ, ə mąąyili a həɠə kwɛlɛɛ lɛlɛɛ, yɛ lən, hɛn da pɔɔ hvo ɉu, mąąhɔlɔɓo, ɉəɠə kwɛlɛɛ tii, tələnmo nuą, da nu mąąhəɠɛɛɠaa di kɛ-mɛ̨nį lɛlɛɛɠaa tii li.»

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 6:11

Ya ɓə, di həɠə kwɛlɛɛ tɛɛ di tɛitɛi pɔ, ɛlɛɛ, diɛ diɛ: 'Ká ká liikpələ, ɉu hvo kɛa kwɛa li, ə lɛɛ ɉu, ká ɓɛlaanii a ká nąn nonnii díɓo tanɔ̨n ɉu, di too ká pɔ, a diɛi mąąnɛ̨ɛ̨i di di paa yɛ káái.

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.