M̀ɛni-lɛɛi 3:11 - Yálá laawoo hɛɓɛ (dc)

¹¹ Gáá pai yiihu. Yii gaa ə́ yəi, ə́ yee kąnąn mą kpąą, əgɛ, nu ta hvo pa ə́ wɔ ɓɔlɔi həɠə ə́ yəi.

Yálá laawoo hɛɓɛ

¹¹ Gáá pai yiihu. Yii gaa ə́ yəi, ə́ yee kąnąn mą kpąą, əgɛ, nu ta hvo pa ə́ wɔ ɓɔlɔi həɠə ə́ yəi.

Bible

¹¹ Ŋa pâi a maa félaa. Zɛŋ gáa íyeêi, zoŋ a gbanaŋɔɔ a gɛɛ núu da fé íƃɔrɔi sôŋ íyeêi.

M̀ɛni-lɛɛi 3:11 ပူးပေါင်းရင်းမြစ်များ

Sofoni 1:14

Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.

Korɛntə dɔlɔɔ 9:25

Pə́lə́ lɔpee gəlee kɛ nuą da tɔn naa di kpɔwɔ ɓa. Kɛlaa di wɛi, hɛn yii a kala, ya ɓə da mąą gilɛ həɠə, gu wɛi, gaa a yii hva kala.

Filipə 4:5

Mąąnɛ̨ɛ̨ nu kəlee di ká wɔ túwɔ́ pələ lɛlɛ kaa, gu Ną́mu pai lɔwai mąą a kpuɔ.

Timote veelɛ 2:5

Ɛlɛɛ nwɔ̨nɔ̨, hɛn nuą kaa mąąkɔ̨nwɔ̨i, nu hva ɉɔlɔɓo, hvo kɛli, a hiɛ a gbaalə.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zĩi 5:9

Ną́n nonnii, ka hvo ka woolaa ka kee yəi, əgɛ, di hvo nəi pa ká kiti tee. Ká nąą kaa, giti tee mun kaa kɛa tɔɔni bɛlɛ́ laaləi.

M̀ɛni-lɛɛi 1:3

Nwun na nɛ̨ɛ̨mun maa, nui a ɉɛɓɛ́i ŋɛ̨i ɓo, ɛlɛɛ da nuąi da di wəli tɔɔ ɉu woo ɓa, ɛlɛɛ, mɛ̨nįɠaai bɛ̨ɛ̨ ɉu, diɛ di yee kąnąn mą, gbala ə tɔɔ, guu mąą aa kpuɔ.

M̀ɛni-lɛɛi 16:15

'Ə́ ɲɛ̨i hee tai, gáá pai yɛ nwuɔ̨mun. Nwun na nɛ̨ɛ̨mun maa, nui a lɛɛ a ɲɛ̨i, ɛlɛɛ, ə nwɔɔ həɠəi laa hɔnmo, əgɛ, hvo pa nəi lɛɛ a gbuwulu, nwumɛ̨ yɛ tɛ la.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

M̀ɛni-lɛɛi 2:25

Kɛlaa, yii gaa ká yəi, 'ká ká yee kąną mą kpąą, ə lɛɛ ɉu, ŋį́ pa.

M̀ɛni-lɛɛi 22:12

«'Ɓɛ kaa, gáá pai ɉu hvo kwɛa li, ɛlɛɛ, ŋą́ nu hvɛla kulɔ hɛn ə ɓo ɲéé ɲą, gɛ́ pa nu tɛitɛi hvɛla kulɔi yɛ bələi ə tuwɔ la.

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

M̀ɛni-lɛɛi 22:7

«'Ɓɛ kaa, Gáá pai ɉu hvo kwɛa li. Nwun na nɛ̨ɛ̨mun maa a nui, a ɲee kąnąn ɉɛɓɛ́i ŋɛ̨i hu wooɠaa diɛ.»

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.