M̀ɛni-lɛɛi 3:10 - Yálá laawoo hɛɓɛ (dc)

¹⁰ Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

Yálá laawoo hɛɓɛ

¹⁰ Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

Bible

¹⁰ Ŋa pâi íkulâi zu-kɔɔŋ-tãi su, nyíi pâi ǹɔii kélee mɛi, a gɛɛ diai díkaa ǹɔii sui, su-kɔɔŋ é pá dípɔ, kpɛ́ni fêi, ǹii-kpêlei gáa ńyêei, ya maa-wooi mɛi kâa.

M̀ɛni-lɛɛi 3:10 ပူးပေါင်းရင်းမြစ်များ

Azaya 24:17

Ɲɔw, lɔwa, da ɓaalə, yili ɓə gaa a yɛ́i a nɔi lon ə́ wɛi.

Danîa 12:10

Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Maafîu 24:14

Yálá-taa tɔɔlaa yii gaa pai, hvo kɛ li mąą wəlɛɛ lɛlɛɛ laa ə həli yɛnɛ̨ɛ̨ nu kəlee ɓa, ə gɛ, yili ə kɛ a kɛla hvaa nu kəlee ɓa. Yili pulu, yɛnɛ̨ɛ̨ ŋąą yɛ kɛa kpɛɛ.»

Maafîu 26:41

Ka lɛɛ a ka ɲɛ̨i ka Yálá hvɛli, ə gə, ka hvo pa too ɲąąhɛn mɛ̨nį hu. Nu kili huwalawalai, kɛlaa, nu kɔ́lɔ hviikpɛɛi.»

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Markə 14:9

Gáá tɛ̨ą ɓoi kaa, ɓɛi lɔpee di kaa pai kɛi nwəlɛɛ lɛlɛɛ laa hɛlii laa, mɛ̨nį ŋɛ̨i nɛ̨ɛ̨nui ŋɛ̨i ə gɛ, da ɉukulɔ, nuą da di kili lɛɛ ɉu.»

Lukə 2:1

Nąąlɔwai Sesarə Augustə ə mo yɛ: «Ɓɛi kpɔ ŋą heeɓo laa ə həli laa, di nąą nuą kəlee lono.»

Ɉaan 17:6

«Nuą ŋɛ̨i Ə́ di kulɔ yɛnɛ̨ɛ̨ hu Ə́ di tɛɛ bɔ́, ŋą́ Ə́ laa lɛ diɛ. Di kaa a Ə́ wɔɔ, yaa di tɛɛ bɔ́, daa woo hon.

Lomaŋ 1:8

Gɛɛ və́ mɛ̨nį lɔpee ta ɓo, gáá nwɔ Yálá hɛɠɛɛɓoi Jesus Kristə laa hu ka mąą mɛ̨nį ɓa. Mąąhɔlɔɓo, nu kəlee kaa ka wɔ laa na mɛ̨nį mąą kɛla hvaa ɓoi a nɛlɛɛ.

Korɛntə dɔlɔɔ 10:13

Ɲąąhɛn mɛ̨nįɠaai həli káá, bɛliɛi lɔ nu kanma, Yálá a kulɔ nwoo ɓa, hvo pai nɛɛi laa, di hvo ká ɲąąhɛn, hvo tɛɛ ká hvaŋą ɓa. Ɲąąhɛn mɛ̨nį a həli káá, a ká kulɔ ɉu pələ lɛ káá, a hvaŋą tɛɛ ká pɔ, káá pɛli mu.

Ifisiɛŋ 6:13

'Ká Yálá ŋą kuláá hɛnŋaai həɠə kani, ə gɛ, ɲələ ɲɔ̨nwɔ̨ɔ̨ a həli, káá pɛli tɔɔi na, káá kpɛɛ kɛa a mɛ̨nį kəlee kɛɛ, káá lɛɛ tɔɔni.

Timote veelɛ 2:12

Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Zĩi 3:12

Ną́n nonnii, towələ a pɛli mɔ̨ɔ̨ ɓái a gaani? Tɔwɔ kpɔlɔ a pɛli mɔ̨ɔ̨ ɓái a kwɛnɛ̨ɛ̨? Yáton, yá-nwąnąą a kulɔ ɉu, hva pɛli ya-nɛ̨ɛ̨ kulɔi.

Piɛrə dɔlɔɔ 4:12

Nwɛ́likɛmąą nuą, hukɔɔn mɛ̨nį kpɛa-kpɛaa yiiɠaai da həli káá, yii a kɛ ka ɲɛ̨i ɓa yɛ mɛ̨nįi mąą hvo nɛ̨ɛ̨li hvo kɛ, yili hvo ka kwəi pili kaa.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 14:12

Nu mąąhəɠɛɛɠaai di yee kąnąnŋąą Yálá ŋą tíɓoɠaa diɛ, ɛlɛɛ, da Jesus ŋą laa na laa ɓa, di hvaŋąlɔ yələ ka.

M̀ɛni-lɛɛi 14:6

Ɛlɛɛ, ŋį́ ɲɛ̨́i hee, ŋį́ malaka ta kaa, yɛ koon gbɔ ɲələ kwəi. Yálá-taa wɛlɛɛ lɛlɛɛ ə kɛ ɲəi, yɛ pa naa həlii lɔi mɛ̨i nuą diɛ: hįi lɔi kəlee, nu huwu kəlee, hįi wooɓo nuą kəlee.

M̀ɛni-lɛɛi 16:14

Di kɛ a ɲįnɛ̨nŋaa di wɔ kiliɠaa. Di kɛli kwɛlɛɛn mɛ̨nįɠaa kɛ, ɛlɛɛ, də li kpɔ yɛnɛ̨ɛ̨ tɔɔɓɛlaa kəlee pɔ, əgɛ, di di ɲąąkpɔn, diɛ pa pɛlɛi Hééɓolaa kəlee Nąmu Yálá ɓa, a gɔ-kɔ hvóló kɛnɛ̨i.

M̀ɛni-lɛɛi 17:2

Yaa tii ɓə lɔi mɛ̨i tɔɔɓɛlaa daa di kpɔwɔ too bɔ nwɛlikɛɛ tii hu, ɛlɛɛ, nwɔ wɛlikɛ lɔɔ tii aa lɔi mɛ̨i nuą, hon.»

M̀ɛni-lɛɛi 17:8

Ɉuwɔi tii ə́ gaa, ə wɔlɔ kɛ laa, kɛlaa hvo kɛa laa. Gaa pai kulɔi nowa kpon gweaa hu, ə li nwun napili hu. Ɛlɛɛ, lɔi mɛ̨i nuąi di laa hvo kɛ pɛ̨ɛ̨ li ɓalo hva kpɛɛ hɛɓɛ́ hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa, di kwəi kaa pai pilii diɛ, da ɉuwɔi tii kaai da mo, mąąhɔlɔɓo, ə kɛ laa, hvo kɛa laa, kɛlaa, gaa pənəi ə pa.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 3:8

Ŋą́ ə́ kɛ-mɛ̨nįɠaa kɔ́lɔn. 'Ɓɛ kaa, ŋą́ą́ pɛlɛ́ laa tɔɔ ə́ tɔwɔ, nui lɔpee ta hva pɛli naa kpului. Ə́ hvaŋą hvo kɛnɛ̨ li, ə mą kɛ tii, yáá ə́ yee kąnąn náá woo ɓa, ɛlɛɛ, hvó lənə li náá ɓa.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

M̀ɛni-lɛɛi 8:13

Ya ɓə, ŋą́ ɲɛ̨́i hee, ŋį́ kúwɔ ta koon ɉu tin mɛ̨n kpɔ ɲələi kwɛa la, yɛ mo kpɔ a nwoo kɛnɛ̨, yɛ kɛ: «Kpalo-o, kpalo-o! Kpalo-o, aa ɓɛla lɔi da ɉu heeɓo nuą diɛ, malaka haaɓai daa lɛɛ pulu, diɛ pai di wɔɔ tuluɠaa hvɛɛi mąą mɛ̨nį ɓa!»