M̀ɛni-lɛɛi 3:1 - Yálá laawoo hɛɓɛ (dc)

¹ Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

Yálá laawoo hɛɓɛ

¹ Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

Bible

¹ “Ŋ̀óo-ŋai pɔ̃yɛ Kôrai-toli-kpɔŋ gáa Saadii ŋɔkélai pɔ naa: ‘Núui Ɣâla ŋɔmɔ̂leŋ lɔ́ɔlu mɛi féerɛi káa ǹyêei da bɛmɛlɛŋ-kao lɔ́ɔlu mɛi féerɛi ŋɔwóo-ŋai ká ŋí. “ ‘Ŋá ítii-ŋai kɔ́lɔŋ; íkɛɛ-ɣele-ma maa-laa káa nɔ yâ, ǹyaŋ í saa.

M̀ɛni-lɛɛi 3:1 ပူးပေါင်းရင်းမြစ်များ

Lukə 15:24

Hvó gaai, nón ŋɛ̨i, aa kɛ haa, aa pənə aa nwun; nwun na aa kɛ pili, ŋą́ą́ pənə ŋą́ą́ gaa. Diɛ kɛa mąą kwəinɛ̨ɛ̨ kulɔ.›

Lukə 15:32

Kɛlaa, ə́ ləɠəi ŋɛ̨i, mąąnɛ̨ɛ̨ gu kwəinɛ̨ɛ̨ kɛnɛ̨ kulɔ mąą mɛ̨nį hu. Mąąhɔlɔɓo, ɉaai kɛ, aa nwun, ɛlɛɛ, aa kɛ pili, ŋą́ą́ pənə ŋą́ą́ gaa!›»

Ɉaan 1:16

A tɛ̨ą nwɔ mɛ̨inɛ̨ɛ̨ kɛnɛ̨i tii, gu kəlee gu da hɔlɔɓo, lúwɔ́ ə laa lúwɔ́ mɛ̨i guɔ ɉɔlɔɓo.

Ɉaan 1:33

Və́ kɛ gɔlɔn, kɛlaa Yálái ŋɛ̨i dɔ́ɔ́ ə gɛ ŋį́ mąąwaa kɛ, ə mo mą́ą́ yɛ mą́ą́: ‹Nui ə́ kaa pai Kili kaai ə yɛɛ mɛ̨i, a kɛ tii mąą nui tii ɓə pai mąąwaa kɛi a Kili-Mąąhəɠɛɛ.›

Ɉaan 20:22

Ə kpɛɛ lɔ a nwooi tii ɓoɔ, ə nɔ̨ɔ̨ pu diɛ, yɛ diɛ: «Ká ká yee hee Kili-Mąąhəɠɛɛ mu.

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Ifisiɛŋ 2:1

Tɔlɔɔ, ka wɔɔ nɛ̨ŋɛ̨nŋaa da ká hɔnŋaa mąą mɛ̨nį ɓa, ka haai kɛ.

Ifisiɛŋ 2:5

ɓɛlɔwai gu kɛ la a haa nuą a gu wɔ nɛ̨ŋɛ̨nŋaa la pɔɔ, ə yɛnɛ̨ɛ̨ tɛɛ gu pɔ, gwa Kristə ni, ká ɓalo lɔ a mɛ̨inɛ̨ɛ̨ kpɛli-kpɛli,

Kolosə 2:13

Ɛlɛɛ, káái tɔlɔɔ ká haa kɛ, a ká wɔɔ túwɔ́ pələ ɲɔ̨nŋaa da ká wɔɔ kɛ́nɛ̨-kpolaa laa laa pɔɔ, Yálá aa yɛnɛ̨ɛ̨ tɛɛ ká pɔ, ká Kristə ni: Aa gu wɔɔ túwɔ́ pələ ɲɔ̨nŋaa mąąhvaalɛɛ,

Timote dɔlɔɔ 5:6

Kɛlaa galanin a gbɔwɔ lɔ yɛnɛ̨ɛ̨ liiɓa hu, ə mą kɛ, gaa yɛnɛ̨ɛ̨, ɉaai.

Zĩi 2:26

Yaan bələ kpɔlɔɔ ɓə gaa la, kɔlɔi nɔ̨ɔ̨ hvə ɉu, ɉaai; laa na laai bɔ túwɔ́ hvo mą, yaa kpɛlimąn, ɉaai.

Piɛrə dɔlɔɔ 1:11

Kristə nwɔ Kilii kɛ di hu, yɛ, mɔ̨nɔ̨ɠaa da mąąwiɛlaai kɛi pa həlii Kristə ɓa mąą mɛ̨nį ɓo, ɲələ tɔwɔ, ya ɓə di kɛli ɲələ da guui ə ɉee, gwɛli.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:16

Pɛmɛ̨lɛ̨n-gɔw mɛ̨ihveelɛ ə kɛ mamįiyee ɲą, ɛlɛɛ, líikpakpa kwɛa ɲąąliɛ, yɛ kulɔ na. Ɲɛ̨ilai yɛ lən yɛ hvóló a tɛ nwun ma.

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

M̀ɛni-lɛɛi 2:19

Ŋą́ ə́ kɛ-mɛ̨nįɠaa kɔ́lɔn, ə́ wɔ wɛlikɛmąą laa, ə́ wɔ laa na laa, tíi yá mo, ɛlɛɛ, da ə́ wɔɔ hvaŋąlɔlaa; ə́ kɛ-mɛ̨nį gbɛlamąąɠaa yee tɛɛi dɔlɔɔɠaa diɛ.

M̀ɛni-lɛɛi 2:2

Ŋą́ ə́ kɛ-mɛ̨nįɠaa kəlee kɔ́lɔn, yɛ́ kóló kɛ pələ, da ə́ hvaŋąlɔ pələ, ɛlɛɛ, hvá pɛli nwąnąlɔ nuą heei kulɔi. Nuąi da di kpɔwɔ kɛ a kɛlaɠaa, yaan di hvo la, yáá di mąąkpɛɛ, ɛlɛɛ yaan, di hvo kpɔ la, ɛlɛɛ yáá di kaa kpɔ tii a lɛɛ nuą.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

M̀ɛni-lɛɛi 3:15

Ŋą́ ə́ kɛ-mɛ̨nįɠaa kɔ́lɔn, hvó laɠi lii, hvó nwɔ̨nɔ̨ hulɔ li. Ə́ kaa lɔ tii, hvó laɠi lii, hvó hulɔ lii!

M̀ɛni-lɛɛi 3:2

'Kɛ́ gili-gili! Nu kpɛli woloi tii diɛ di haai, 'di hvaŋąlɔ, mąąhɔlɔɓo, və́ ə́ kɛ-mɛ̨nįɠaa kaa li a naa kulaa nwɔ́ Yálái ɲɛ̨i ɓa.

M̀ɛni-lɛɛi 3:8

Ŋą́ ə́ kɛ-mɛ̨nįɠaa kɔ́lɔn. 'Ɓɛ kaa, ŋą́ą́ pɛlɛ́ laa tɔɔ ə́ tɔwɔ, nui lɔpee ta hva pɛli naa kpului. Ə́ hvaŋą hvo kɛnɛ̨ li, ə mą kɛ tii, yáá ə́ yee kąnąn náá woo ɓa, ɛlɛɛ, hvó lənə li náá ɓa.

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.