M̀ɛni-lɛɛi 22:6 - Yálá laawoo hɛɓɛ (dc)

⁶ Yili pulu, yɛ mą́ą́: Nwooɠaai ŋɛ̨i kaa a neelee, ɛlɛɛ, a tɛ̨ą; gu Nąmu Yálá, yai a gwəi mɛ̨nį hukulɔ nuą kili, ya ɓə ŋą malakai tɔɔ, əgɛ, mɛ̨nįi pai kɛi ɉu hvo kwɛa li, ə nɛ ŋą tínuą diɛ.

Yálá laawoo hɛɓɛ

⁶ Yili pulu, yɛ mą́ą́: Nwooɠaai ŋɛ̨i kaa a neelee, ɛlɛɛ, a tɛ̨ą; gu Nąmu Yálá, yai a gwəi mɛ̨nį hukulɔ nuą kili, ya ɓə ŋą malakai tɔɔ, əgɛ, mɛ̨nįi pai kɛi ɉu hvo kwɛa li, ə nɛ ŋą tínuą diɛ.

Bible

⁶ È m̀o mâ, nyɛɛi, “Ŋ̀óo-ŋai ŋí sã́âi, díkɛ ƃò a tɔ̃yâ-woo-ŋa. Ǹyaŋ Kúnuu-namui, nyíi gáa a Ɣâla ŋɔlóno-kɛ-ƃelai dímɔ̂leŋ Ŋɔɣâlai, a Ŋɔɣâla-taa-kelai tɛ́ɛ a gɛɛ é m̀ɛnii lɛ́ yée-mu-ƃelai dîa nyíi pâi kɛ̂i a maa félaai.”

M̀ɛni-lɛɛi 22:6 ပူးပေါင်းရင်းမြစ်များ

Zɛnɛse 41:32

Mɛ̨nį tɔ̨nɔ̨i tii, ə lɛ yɛ́ hįi hveelɛ hu, ə gɛ, ə́ gɔlɔn yɛ diɛ mɛ̨nį Yálá kaa pai gɛi, nwalawalaai, ɛlɛɛ, ɉu hvo kwɛa li.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Danîa 6:22

Daniɛlə ə tɔɔmun nwoo ŋąąpənə, yɛ mą: «Oo Tɔɔmun, ə́ yii ə kwɛa, kɛi a mo tii Yálá ə kɛ!

Maafîu 13:41

Nu Lon kaa pai Yálá nwɔ malakaɠaa tɛɛi, əgɛ, nuą yiiɠaai da kɛ di ɓɛlaa ɓowoi, diɛ di həɠə Yálá kɔ́lɔn bələ mɛ̨i, da di kulɔ nwɔ tɔɔlaai hu.

Lukə 1:70

Yili ɓə wɔlɔ Yálá kwəi mɛ̨nį hukulɔ nuą di mo.

Lukə 16:16

«Yii dɔ́n ɉɛɓɛ́ ə mąą mɛ̨nį ɓo, da yii Yálá kwəi mɛ̨nį hukulɔ nuą di mo, mąąwiɛi kɛ, ə lɛɛ la ɉu, ə həli la Ɉaan Baptistə hɔlɔɓo yələ ɓa. Ə həɠə Ɉaan Baptistə nwɔ yələi tii ɓa, ə həli la yiihu ɓa, Yálá-taa tɔɔlaa mąą wɛlɛɛ lɛlɛɛ laa aa həli. Ɛlɛɛ, nu kəlee kaa tɔɔi a nwąnąi, əgɛ, ə lɔ dɔɔlaai tii hu.

Gɛlaɠaa 12:11

Nąąlɔwai mɛ̨nį ti di gɛ, Piɛrə ə gbaɠala kaa kɛa yɛ kɛ: «Yiihu ŋą́ą́ gbaɠala kaa, ŋą́ą́ gbaɠala kɔlɔn gɛ́ kɛ, Ną́mu aa nwɔ malaka tɔɔ, aa gúlɔ Herodə yəi da Ɉuifəɠaai kɛ bɔ di mɛ̨nį ɲɔ̨n gɛ a ɲą́ą́.»

Gɛlaɠaa 3:18

Kɛlaa, mɛ̨nį wɔlɔ Yálá ə mo Yálá kwəi mɛ̨nį hukulɔ nuą laaləi, ya ka ti bɔ mɛ̨nį aa kɛ; yaai ə kɛ mą: Nuą Nwun mąąɓomun Yálá ə naakwɛlanmo, hvo kɛli kɛ ə mɔ̨nɔ̨ mį́į́.

Lomaŋ 1:2

Nwɛlɛɛ lɛlɛɛ ti wɔlɔ Yálá ə naakwɛlanmo naa woo hɛɓɛ́ hu, gwəi mɛ̨nį hukulɔ nuą diɛ,

Korɛntə dɔlɔɔ 14:32

Gilii gaa Yálá kwəi mɛ̨nį hukulɔ mun ma, ɲąąwoo kaa na.

Korɛntə dɔlɔɔ 7:29

Ną́n nonnii, mɛ̨nį gɛ́ ŋą́ mo kaa ya ɓa: Ɲɛnɛ̨ɛ̨ hu hvo kɛa kwɛa li, gɛ́ nuąi nɛ̨ą kaa diɛ, di di kpɔɔ kaa lɔ yɛ nɛ̨ą a wala kɛ diɛ.

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Hebreu 12:9

Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

Piɛrə veelɛ 3:2

Gáá bɔ ka ka kiliŋąhiɛ Yálá kwəi mɛ̨nį hukulɔ nuą woo ɓa, da gu Ną́mu Jesus Kristə nwɔ liɛwooɠaa diɛ, yiiɠaai Jesus nwɔ tiɓo kə nuąi di ka kalan na.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 19:9

Malaka ta yɛ mą́ą́: «'Bɛ̨ɛ̨! Nwun na nɛ̨ɛ̨mun maa, nuąi di təliɛi mɛlaa lon ŋą hululɔ hɛlii ɓa!» Yɛ nwɔ̨nɔ̨ mą́ą́: «Yálá kpinįi woo li.»

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»

M̀ɛni-lɛɛi 21:9

Ya ɓə malaka mɛ̨ihveelɛi tii mɛ̨nį ɲąąnwąnąą kpələ-kɔ́wɔ mɛ̨ihveelɛ kpɛli ə kɛ di yəi, dɔ̨nɔ̨ ə pa, yɛ mą́ą́: «'Pá, ŋą́ mɛlaa Lon ŋą wɛlii, yai a nɛ̨ą, ŋą́ nɛ yɛ́!»

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

M̀ɛni-lɛɛi 22:7

«'Ɓɛ kaa, Gáá pai ɉu hvo kwɛa li. Nwun na nɛ̨ɛ̨mun maa a nui, a ɲee kąnąn ɉɛɓɛ́i ŋɛ̨i hu wooɠaa diɛ.»

M̀ɛni-lɛɛi 4:1

Yili pulu, ŋį́ kɛɛ ta kaa: Pɛlɛ́ ta laa ə ɓoɔ yələkɔlɔn ɉu, ɛlɛɛ, nwoo tɔlɔɔi ŋą́ mɛ̨n, yɛ pələ ɓo mą́ą́, ə kɛ yɛ tulu woo, yɛ mą: «'Tɛ́ ɓɛ! Ɛlɛɛ, mɛ̨nįɠaai pai kɛi nąą pulu, ŋį́ nɛ yɛ́.»