M̀ɛni-lɛɛi 22:2 - Yálá laawoo hɛɓɛ (dc)

² Daa-lee tii hu, ɛlɛɛ, da ɲálee nwonwo hveelɛi hu, nąą ɓə yɛnɛ̨ɛ̨ kɛ wulu ə kɛ laa, yɛ ɓá gee mɛ̨i pow-kɔw-hveelɛ. Ɲąnįn dɛitɛi yee mu, a ɓá, ɛlɛɛ, naa ə ɓo a hįi lɔiɠaa kɔlɔi pono hɛn.

Yálá laawoo hɛɓɛ

² Daa-lee tii hu, ɛlɛɛ, da ɲálee nwonwo hveelɛi hu, nąą ɓə yɛnɛ̨ɛ̨ kɛ wulu ə kɛ laa, yɛ ɓá gee mɛ̨i pow-kɔw-hveelɛ. Ɲąnįn dɛitɛi yee mu, a ɓá, ɛlɛɛ, naa ə ɓo a hįi lɔiɠaa kɔlɔi pono hɛn.

Bible

² Ǹya-leei ŋí è kɛ̀ laa daa-leei su-pere-leei sama. Ǹya-leei ŋí ŋɔsîŋ-wolii veerɛ ma máŋ vulu-laa-wurii è kɛ̀ tɔɔ ni naa, m̀á kɛ́ ƃô a zii puu kao feerɛ, gɛ ƃa a ɣáloŋ kélee. Ŋ̀urii láa è kɛ̀ ǹɔii-ŋûŋ-ŋai ƃalo-mɛni ma.

M̀ɛni-lɛɛi 22:2 ပူးပေါင်းရင်းမြစ်များ

Zɛnɛse 2:9

Wuluɠaai kpɔ ma nɛ̨ɛ̨, gaa ŋąąnɛ̨ɛ̨, ɛlɛɛ, mį́iɛ ɲąąnɛ̨ɛ̨, Yai-Laa ə di hin nąą ɲɛa. Ə yɛnɛ̨ɛ̨ kɛ wulu hin ɲɛa hamąi, ɛlɛɛ, da mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwulu.

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Hanwon 3:18

Gaa a yíipoo wulu, nuąi da di yee hee mu diɛ. Nui a ɉon kpaan, a kɛ nwun na nɛ̨ɛ̨ hu.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Ɉeremi 17:14

Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Izikiɛ 47:1

Ɉulɔnui tii ə pənə ə pa a ɲą́ą́ Yálá hee pɛlɛ́ laaləi pələ, yá ta ə kɛi kulɔ laa nɔi mu, ɓɛ pələi tii vóló a həɠə lai; mąąhɔlɔɓo Yálá hee pɛlɛ́ laa heɛi kɛ voló həɠəi pələ, ə lɛɛ ɲa ə kɛi yɛɛ Yálá hee pɛlɛ́ kooɓa, mamįiyee hu pələ; yɛ tɛɛ ɉaláá kulɔi pulu pələ.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Zakari 14:8

Mąą yələi tii, yá nwun gulɔiɠaa kaa pai kɛi Ɉerusalɛmə, bələ tɔ̨nɔ̨ yɛ li voló kulɔi bələ gboloyá hu, bələ tɔ̨nɔ̨ yɛ li voló tooi bələ gboloyá hu; gaa pai kɛi lɔ tii a hvóló laa teɛ, da hamą lɔɔ.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 21:21

Bɛlɛ́ laaləi pow kɔ́w hveelɛ tii, di mąąpuɔi kɛ a hɛni pow kɔ́w hveelɛ. Bɛlɛ́ laaləi tɛitɛi mąąpuɔ a hɛni. Daa kwəi pələ ə ɓo a hɛni huwaa hva-hva, yɛ yá həɠəən.

M̀ɛni-lɛɛi 21:24

Hįi lɔiɠaa di kɛli hiɛ ŋą kɛɛpono hu, ɛlɛɛ, lɔi mɛ̨i tɔɔɓɛlaa di pa bɔ a di wɔɔ mąąwiɛlaa.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

M̀ɛni-lɛɛi 22:19

Nui lɔpee a da kulɔ mą, nwului a yɛnɛ̨ɛ̨ tɛɛ nu pɔ, Yálá a mąą nu nwɛi ta kulɔ mą, ə mą kɛ, daa mąąhəɠɛɛ; diɛi di mąą mɛ̨nį ɓoɔi ɉɛɓɛ́ ŋɛ̨i hu.