M̀ɛni-lɛɛi 22:19 - Yálá laawoo hɛɓɛ (dc)

¹⁹ Nui lɔpee a da kulɔ mą, nwului a yɛnɛ̨ɛ̨ tɛɛ nu pɔ, Yálá a mąą nu nwɛi ta kulɔ mą, ə mą kɛ, daa mąąhəɠɛɛ; diɛi di mąą mɛ̨nį ɓoɔi ɉɛɓɛ́ ŋɛ̨i hu.

Yálá laawoo hɛɓɛ

¹⁹ Nui lɔpee a da kulɔ mą, nwului a yɛnɛ̨ɛ̨ tɛɛ nu pɔ, Yálá a mąą nu nwɛi ta kulɔ mą, ə mą kɛ, daa mąąhəɠɛɛ; diɛi di mąą mɛ̨nį ɓoɔi ɉɛɓɛ́ ŋɛ̨i hu.

Bible

¹⁹ À kɛ̀ núu da kélee à ŋ̀óo-ŋai dímɛni-lɛɛi da kùla mà, gɛ̀ ní Ɣâla a pâi vulu-laa-wurii m̀á ŋɔi kulâi ǹyêei é gula daa-lee maa waai su, nyíi-ŋai dímɛni ƃóɔi gɔlɔi ŋí sui.

M̀ɛni-lɛɛi 22:19 ပူးပေါင်းရင်းမြစ်များ

Mąątɛ̨nɛ̨ 69:28

Di kɛ mɛ̨nį ɲɔ̨nŋaa pu gee mɛ̨i, di wɔɔ nąą hvo kɛa kɛ ə́ wɔ tələnmolaai hu.

Lɛɛ gbɔwɔ ɓa 32:33

Yai-Laa yɛ Moisə ɓa: «Nui nɛ̨ŋɛ̨n ɉəɠə mą́ą́, ya ɓə Ŋą́ naa waa nwɔ́ hɛɓɛ́i hu.

Hanwon 30:6

'Hvó nwooɠaai ŋɛ̨i ta pɛlɛ mą, əgɛ, hvo pa haŋą yɛ́, hvó kɛ a lɛɛmun.

Lukə 11:52

«Kpalo ɓɛlaai kaa! Ɉɛɓɛ́ kɛ nuą! Mąąhɔlɔɓo, kaa kpɛ̨ąn Yálá liiɓa kɔ́lɔn bələ hu, kaa kpinįi ka hvo lɔi, ɛlɛɛ, nuą nwɔ̨nɔ̨ nąą wɛli kaa diɛ, kaa kpɛ̨ąn di tɔwɔ, ka hvo di lɛɛi laa di hvo lɔ.»

Dutɛrɔnome 4:2

Dɔnŋąą ŋɛ̨i gáá dɛɛi ka pɔ, mąą hvo nɛ̨ɛ̨li ka hvo da kulɔ mą, ka hvo da pɛlɛ mą. Ka Yai-Laa ka wɔ Yálái nwɔ tɔ́nŋąą hon yai gáá dɛɛi ka pɔ.

M̀ɛni-lɛɛi 1:3

Nwun na nɛ̨ɛ̨mun maa, nui a ɉɛɓɛ́i ŋɛ̨i ɓo, ɛlɛɛ da nuąi da di wəli tɔɔ ɉu woo ɓa, ɛlɛɛ, mɛ̨nįɠaai bɛ̨ɛ̨ ɉu, diɛ di yee kąnąn mą, gbala ə tɔɔ, guu mąą aa kpuɔ.

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 14:13

Ɛlɛɛ, ŋą́ woo ta mɛ̨n yələ pələ, yɛ kɛ mą́ą́: «'Bɛ̨ɛ̨, yɛ mą: ‹Nuąi daa haa yiihu gu Nąmu hu, di nwun na nɛ̨ɛ̨ ɓə!›» Yálá nwɔ Kilii yɛ mą: «Tɛ̨ą li! Da di hvįi tɔɔ di wɔɔ mɔ̨nɔ̨ɠaai diɛ, mąąhɔlɔɓo, di kɛ-mɛ̨nįɠaa hvilɛnŋąąi di pulu.»

M̀ɛni-lɛɛi 2:11

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, haa veelɛ nąą ŋą mɔ̨nɔ̨ hva həli mą.»

M̀ɛni-lɛɛi 2:26

«Nui ɲee a tɛɛ mɛ̨nįɠaa tii kəlee ɓa, yai a ɲee kąnąn nwɔ́ kólóɠaai diɛ, ə lɛɛ ɉu ɲąąkpɛɛ yələi, ŋą́ hvaŋą tɛɛ pɔ hįi lɔi kəlee mɛ̨i,

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»

M̀ɛni-lɛɛi 22:12

«'Ɓɛ kaa, gáá pai ɉu hvo kwɛa li, ɛlɛɛ, ŋą́ nu hvɛla kulɔ hɛn ə ɓo ɲéé ɲą, gɛ́ pa nu tɛitɛi hvɛla kulɔi yɛ bələi ə tuwɔ la.

M̀ɛni-lɛɛi 22:2

Daa-lee tii hu, ɛlɛɛ, da ɲálee nwonwo hveelɛi hu, nąą ɓə yɛnɛ̨ɛ̨ kɛ wulu ə kɛ laa, yɛ ɓá gee mɛ̨i pow-kɔw-hveelɛ. Ɲąnįn dɛitɛi yee mu, a ɓá, ɛlɛɛ, naa ə ɓo a hįi lɔiɠaa kɔlɔi pono hɛn.

M̀ɛni-lɛɛi 22:7

«'Ɓɛ kaa, Gáá pai ɉu hvo kwɛa li. Nwun na nɛ̨ɛ̨mun maa a nui, a ɲee kąnąn ɉɛɓɛ́i ŋɛ̨i hu wooɠaa diɛ.»

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.