M̀ɛni-lɛɛi 22:17 - Yálá laawoo hɛɓɛ (dc)

¹⁷ Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Yálá laawoo hɛɓɛ

¹⁷ Nįį, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Bible

¹⁷ Mɔ̂leŋ da Nɛnîi dí mò, díyɛɛi, “Pá.” Tɔɔ ǹúui a mɛni mɛnii, é m̀ó, nyɛɛi, “Pá.” Tɔɔ ǹúui kpele-wɛli káa mài, é pá, tɔɔ ǹúui ŋ̀wɛ̂lii, é vulu-laa-yai siɣe kpɛni-kpɛni zɔ̃ɔ fé ma.

M̀ɛni-lɛɛi 22:17 ပူးပေါင်းရင်းမြစ်များ

Mąątɛ̨nɛ̨ 34:8

Yai-Laa nwɔ malaka kaa tɔɔni, nuąi da ɲɔw mą di kwɛlɛ, ɛlɛɛ, yɛ di kulɔ mɛ̨nįi.

Azaya 12:3

Ka káá pai yá haɠai a kwəinɛ̨ɛ̨, nu ɓaloyá nwun gulɔi.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Azaya 2:5

Kaai ɓaa a Ɉakɔbə nwɔ pɛ́lɛ́i, 'ka tɛɛ ka gwə li, ka gu bɛlɛ gee ɓa, gu hiɛ Yai-Laa nwɔ kɛɛ pɔ̨nɔ̨i hu.

Ɉeremi 50:5

Bələi a li Siɔn, di ka mąą mąąni kɛ kɛi, ɛlɛɛ, Siɔn pɔ pələ ɓə di ɲɛ̨i tinɛ̨nŋaa la. Di kaa pai, da Yai-Laa ni, di tɔɔi ə kɛ tɔ̨nɔ̨, diɛ mįnɛ̨ həɠə a yələ kəlee mɛ̨nį. Di hva kɛa lɛ̨ą mą, a yələ ta.

Izikiɛ 47:1

Ɉulɔnui tii ə pənə ə pa a ɲą́ą́ Yálá hee pɛlɛ́ laaləi pələ, yá ta ə kɛi kulɔ laa nɔi mu, ɓɛ pələi tii vóló a həɠə lai; mąąhɔlɔɓo Yálá hee pɛlɛ́ laa heɛi kɛ voló həɠəi pələ, ə lɛɛ ɲa ə kɛi yɛɛ Yálá hee pɛlɛ́ kooɓa, mamįiyee hu pələ; yɛ tɛɛ ɉaláá kulɔi pulu pələ.

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Ɉaan 1:37

Ɉaan nwɔ kalan nɛa hveelɛi tii di nwoo tii mɛ̨n nɔ di hvilɛn Jesus pulu.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:11

Nɛ̨ɛ̨nui tii yɛ Jesus ɓa: «Ną́n ɲá lɔwai ŋɛ̨i hu kwɛaai, ə lɛɛ, ya kulɔ hɛn da hvo ə́ yəi, ya yɛnɛ̨ɛ̨ kpɛɛ hvo mą yai tii haɠa mį?

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 4:29

Yɛ kɛ diɛ: «Ka pa oo! Hulɔnu ta kaa ɓɛ, mɛ̨nįɠaai kpɔ ŋą́ą́ gɛ, aa gəlee hukulɔ mą́ą́. Ka pa ka gaa! Gbəli hu, ya ɓə gaa a nwun mąąɓomun yii Yálá ə naakwɛlanmo.»

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Lomaŋ 3:24

Kɛlaa, Yálá nwɔ mɛ̨inɛ̨ɛ̨ hu, aa di kɛ a tələnmo nuą yaa kpinįi ɲɛ̨i ɓa Jesus Kristə háálai, yai di nwun mąąɓo ə di kulɔ nɛ̨ŋɛ̨n ɲəi.

Korɛntə dɔlɔɔ 2:12

Gu wɛi, gu hvo kɛ yɛnɛ̨ɛ̨ kili hɔlɔɓo li, kɛlaa, kilii a həɠə Yálá pɔ; ə gɛ, gu pɛli Yálá nwɔ nɛ̨ɛ̨laa yəi mɛ̨inɛ̨ɛ̨ɠaa kɔlɔn ɉii.

M̀ɛni-lɛɛi 14:13

Ɛlɛɛ, ŋą́ woo ta mɛ̨n yələ pələ, yɛ kɛ mą́ą́: «'Bɛ̨ɛ̨, yɛ mą: ‹Nuąi daa haa yiihu gu Nąmu hu, di nwun na nɛ̨ɛ̨ ɓə!›» Yálá nwɔ Kilii yɛ mą: «Tɛ̨ą li! Da di hvįi tɔɔ di wɔɔ mɔ̨nɔ̨ɠaai diɛ, mąąhɔlɔɓo, di kɛ-mɛ̨nįɠaa hvilɛnŋąąi di pulu.»

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 21:9

Ya ɓə malaka mɛ̨ihveelɛi tii mɛ̨nį ɲąąnwąnąą kpələ-kɔ́wɔ mɛ̨ihveelɛ kpɛli ə kɛ di yəi, dɔ̨nɔ̨ ə pa, yɛ mą́ą́: «'Pá, ŋą́ mɛlaa Lon ŋą wɛlii, yai a nɛ̨ą, ŋą́ nɛ yɛ́!»

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»